ចិននឹងបង្កើនការនាំចូលរ៉ែដែកឱ្យឈានដល់ជិត១,៣ពាន់លានតោននៅឆ្នាំនេះ ទោះតម្រូវការដែកកំពុងដាំក្បាលចុះ
ការអូសបន្លាយវិបត្តិអចលនទ្រព្យនៅក្នុងប្រទេសចិន បានទាញទម្លាក់តម្រូវប្រើប្រាស់ដែកនៅក្នុងប្រទេសមហាអំណាចសេដ្ឋកិច្ចធំបំផុតទីពីរនៅលើពិភពលោកឱ្យធ្លាក…
បណ្ដាក្រុមហ៊ុនអភិវឌ្ឍន៍អចលនទ្រព្យចិនដីគោក ចាប់ផ្ដើមមានក្ដីសង្ឃឹមឡើងវិញហើយនៅដើមឆ្នាំ២០២៥ នេះ នៅពេលដែលការលក់លំនៅឋានមានសន្ទុះកើនឡើងគួរឱ្យកត់សម្គាល់មុនដាច់ឆ្នាំ២០២៤ បន្ទាប់ពីរដ្ឋាភិបាលចិន បានប្ដេជ្ញាជួយអន្តរាគមន៍ ដើម្បីទប់តម្លៃលំនៅឋានកុំឱ្យធ្លាក់ចុះបន្ថែមទៀត។
យោងតាមទិន្នន័យពីក្រុមហ៊ុនផ្ដល់ព័ត៌មានអចលនទ្រព្យឈានមុខគេ China Real Estate Information Corp បានបង្ហាញថា នៅក្នុងទីក្រុងធំៗរបស់ចិន ចំនួន៣០ ការលក់លំនៅឋានជាមធ្យមបានកើនឡើងរហូតដល់ទៅ៨៦% ក្នុងត្រីមាសទី៤ឆ្នាំ២០២៤ បើធៀបនឹងត្រីមាសទី៣។
ទិន្នន័យដដែលនេះបានបង្ហាញទៀតថា ការលក់លំនៅឋានក្នុងទីក្រុងធំៗលំដាប់កំពូលទាំង៤ ដូចជាក្រុងប៉េកាំង ក្រុងសៀងហៃ ក្រុងគ័ងចូង ឬក្វាងចូវ (Guangzhou) និងក្រុងស៊ឹនជិន (Shenzhen) បានកើនឡើង៣៥% កាលពីអំឡុងខែធ្នូ ហើយបើធៀបនឹងមធ្យមភាគប្រចាំខែក្នុងត្រីមាសទី៣ ឆ្នាំ២០២៤ ការលក់ក្នុងខែធ្នូ បានកើនឡើងរហូតដល់ទៅ៨០% ឯណោះ។
តែទោះជាយ៉ាងណាក៏ដោយ នៅពេញមួយឆ្នាំ២០២៤ ការលក់លំនៅឋានថ្មីៗនៅក្នុងទីក្រុងគំរូធំៗទាំង៣០ខាងលើនេះ បានធ្លាក់ចុះរហូតដល់ទៅ២៣% ឯណោះ បើធៀបនឹង២០២៣៕
ដោយ: តែម សុខុម
