កម្ពុជាចាប់ផ្ដើមអនុវត្តកូតាថ្មីនាំចេញអង្ករ ៤០ម៉ឺនតោនទៅប្រទេសចិន ក្នុងរយៈពេល១៧ខែ
ក្នុងចំណោម ផលិតផលកសិកម្ម ដែលកម្ពុជានាំចេញទៅចិន គេសង្កេតឃើញថា អង្ករជាមុខទំនិញដ៏សំខាន់មួយ ដែលពឹងផ្អែកខ្លាំងលើទីផ្សារចិន ហើយកាលពីខែវិច្ឆ…
ទោះយ៉ាងណា អ្នកជំនាញក្នុងវិស័យហិរញ្ញវត្ថុចាត់ទុកការកើនឡើងនេះថា គឺបានឆ្លុះបញ្ចាំងពីភាពរឹងមាំនៃវិស័យធនាគារ និងហិរញ្ញវត្ថុកម្ពុជា ទោះបីមានការរំខានពីការរាតត្បាតនៃជំងឺកូវីដ-១៩ក៏ដោយ។ អ្នកជំនាញរំពឹងថា តាមរយៈបទពិសោធន៍ និងភាពធន់ដែលគ្រឹះស្ថានធនាគារ និងមីក្រូហិរញ្ញទទួលបានក្នុងអំឡុងនៃវិបត្តិកូវីដ-១៩ វានឹងជួយវិស័យហិរញ្ញវត្ថុកម្ពុជាកាន់តែមានភាពរីកចម្រើនបន្ថែមទៀតនៅឆ្នាំក្រោយនេះ។
លោក ផល វ៉ាន់ឌី នាយកប្រតិបត្តិសមាគមមីក្រូហិរញ្ញវត្ថុកម្ពុជា បានចាត់ទុកការកើនឡើងទំហំឥណទាន ដែលផ្តល់ដោយគ្រឹះស្ថានធនាគារ និងមីក្រូហិរញ្ញវត្ថនៅកម្ពុជា ក្នុងអំឡុងវិបត្តិកូវីដ-១៩ គឺបានបង្ហាញឲ្យឃើញថា វិស័យហិរញ្ញវត្ថុកម្ពុជានៅតែមានភាពរឹងមាំ ទោះបីមានការរំខានពីការឆ្លងរាតត្បាតនៃជំងឺកូវីដ-១៩។ អ្នកជំនាញរូបនេះកត់សម្គាល់ឃើញថា ភាពរឹងមាំនៃវិស័យហិរញ្ញវត្ថុនេះគឺបន្ទាប់ពីរាជរដ្ឋាភិបាលកម្ពុជា ជាពិសេសធនាគារជាតិនៃកម្ពុជាបានដាក់ចេញយុទ្ធសាស្ត្រជាបន្តបន្ទាប់ ឲ្យគ្រឹះស្ថានធនាគារ និងមីក្រូហិរញ្ញវត្ថុអនុវត្ត ដើម្បីជួយអតិថិជន ដែលរងផលប៉ះពាល់ដោយសារវិបត្តិកូវីដ-១៩។ ហើយវាក៏បានឆ្លុះបញ្ចាំងពីប្រសិទ្ធភាពនៃយុទ្ធសាស្ត្រ ដែលគ្រឹះស្ថានហិរញ្ញវត្ថុបានដាក់ចេញផងដែរ។
លោក ផល វ៉ាន់ឌី រំពឹងថា តាមរយៈបទពិសោធន៍ ដែលគ្រឹះស្ថានហិរញ្ញវត្ថុបានឆ្លងកាត់ក្នុងអំឡុងនៃវិបត្តិកូវីដ-១៩កន្លងមក វានឹងជួយឲ្យវិស័យហិរញ្ញវត្ថុកម្ពុជាកាន់តែមានភាពធន់ និងរីកចម្រើនបន្ថែមទៀតនៅក្នុងឆ្នាំ២០២២ ខាងមុខ។ លោកជឿជាក់ថា វិស័យហិរញ្ញវត្ថុនឹងដើរតួនាទីយ៉ាងសំខាន់ក្នុងការចូលរួមស្តារ និងជំរុញកំណើនក្នុងវិស័យផ្សេងៗ ជាពិសេសវិស័យសេដ្ឋកិច្ច។
បើតាមរបាយការណ៍របស់ធនាគារជាតិនៃកម្ពុជា គិតត្រឹមត្រីមាសទី៣ក្នុងឆ្នាំ២០២១ គ្រឹះស្ថានធនាគារ និងមីក្រូហិរញ្ញវត្ថុបានផ្តល់ឥណទានសរុបប្រមាណជិត ៤៥ពាន់លានដុល្លារអាមេរិក កើនឡើង២៣% បើធៀបនឹងរយៈពេលដូចគ្នាកាលពីឆ្នាំមុន។ ឥណទាននេះ គ្របដណ្តប់លើវិស័យសំណង់ កម្មន្តសាល កសិកម្ម សេវាកម្ម ការជួញដូរដុំ និងរាយ និងអង្គភាពគ្រួសារ ជាដើម៕
None
