ការអភិវឌ្ឍពូជស្រូវ

អ្នកវិទ្យាសាស្ត្រជនជាតិឥណ្ឌូណេស៊ី ជោគជ័យលើការអភិវឌ្ឍពូជស្រូវម្យ៉ាង ដែលមានប្រូតេអ៊ីនខ្ពស់បំផុតលើពិភពលោក


លោកសាស្ត្រាចារ្យ ហេនរី អេស យូតូម៉ូ (Henrry S. Utomo) អ្នកវិទ្យាសាស្ត្រជនជាតិឥណ្ឌូណេស៊ី និងជាសាស្ត្រាចារ្យនៅសាកលវិទ្យាល័យ ល្វីហ្ស៊ីណា ស្តេត (Louisiana State) សហរដ្ឋអាម៉េរិក បានអភិវឌ្ឍដោយជោគជ័យ លើពូជស្រូវម្យ៉ាងដែលមានឈ្មោះថា កាហូគា (Cahokia) ដែលអាចផលិតចេញជាអង្ករមានប្រូតេអ៊ីខ្ពស់បំផុត បើធៀបនឹងអង្ករផ្សេងៗទៀត។ នេះបើយោងតាមការចុះផ្សាយដោយបណ្ដាញផ្សព្វផ្សាយព័ត៌មានស៊ីសៀ (seasia) របស់ឥណ្ឌូណេស៊ី។
ការអភិវឌ្ឍពូជស្រូវ
ដោយ

ពូជស្រូវនេះ ត្រូវបានអ្នកវិទ្យាសាស្ត្រ លោក Herry អះអាងថា មានកម្រិតប្រូតេអ៊ីនជាមធ្យមដល់ទៅ ១០,៦% ពោលគឺមានប្រូតេអ៊ីនខ្ពស់ជាងអង្ករធម្មតា ដល់ទៅ ៥៣%។ អង្ករ កាហូគា ត្រូវបានគេចាត់ទុកថា គឺជាប្រភេទអង្ករគ្រាប់វែងដំបូងគេក្នុងពិភពលោក ដែលមានកម្រិតប្រូតេអ៊ីនខ្ពស់ជាងគេបំផុត និងកំពុងត្រៀមចែកចាយពូជសម្រាប់ដាំដុះ ដើម្បីផ្គត់ផ្គង់តម្រូវការរបស់មនុស្សនៅជុំវិញពិភពលោក។

ការអភិវឌ្ឍពូជស្រូវថ្មីៗនេះ ត្រូវបានបង្កើតឡើងដោយវិធីសាស្ត្របង្កាត់ពូជបែប្រពៃណី ដោយគ្មានការកែប្រែហ្សែន (GMO) នោះឡើយ។

តាមការសិក្សាបង្ហាញថា ការដាំស្រូវ កាហូគា មួយហិកតា អាចផលិតជាប្រូតេអ៊ីនសុទ្ធប្រមាណ ១៥០គីឡូក្រាម ឬស្មើនឹងសាច់ ៥៥០គីឡូក្រាម, និងទឹកដោះគោ ៤៥០០លីត្រ។

ក្រៅតែពីការពង្រឹងលើកម្រិតប្រូតេអ៊ីនៅក្នុងគ្រាប់អង្ករ ក្រុមការងាររបស់លោក Henrry ក៏បានកែប្រែគ្រាប់អង្ករ ដើម្បីធ្វើឱ្យសាធាតុកាបូអ៊ីដ្រាត ដែលមាននៅក្នុងអង្ករ បំប្លែងទៅជាជាតិស្ករកាន់តែតិចនៅពេលរំលាយអាហារ ដែលធ្វើឱ្យវាកាន់តែមានសុវត្ថិភាព សម្រាប់អ្នកជំងឺទឹកនោមផ្អែមបរិភោគ។

តាមការប៉ាន់ស្មាន ប្រសិនបើការដាំដុះពូជស្រូវនេះ លើផ្ទៃដីសរុបប្រមាណ ១លាន៨សែនហិកតានៅអាម៉េរិក នោះវានឹងអាចផ្ដល់ទិន្នផលជាប្រូតេអ៊ីបន្ថែមដល់ទៅប្រមាណ ២៣ម៉ឺនតោនឯណោះ៕




អត្ថបទបន្ទាប់


នាយករដ្ឋមន្ត្រីស្ដីទីថៃ ចេញមុខឆ្លើយតបករណី ទាហានថៃប្រើប្រាស់ចំពាមកៅស៊ូ ជំនួសអាវុធ បាញ់ទៅលើកងទ័ពកម្ពុជា

ពាក់ព័ន្ធនឹងករណីលើកឡើងថា មានក្រុមទាហានថៃ បាននិងកំពុងប្រើប្រាស់ចំពាមកៅស៊ូ បាញ់ដោយគ្រាប់ឃ្លី និងកូនដុំដែក ជំនួសអាវុធ ទៅលើកងទ័ពកម្ពុជា…

តើថៃ អាចមានចេតនាអ្វីបានជាពន្យារពេលប្រគល់កងទ័ពទាំង១៨រូប ឱ្យកម្ពុជាវិញ?

ចាប់តាំងពីបទឈប់បាញ់រវាងកងទ័ពកម្ពុជា និងថៃ បានចូលជាធរមានរហូតដល់ថ្ងៃទី១១ ខែសីហា ឆ្នាំ២០២៥ មានរយៈពេល១៣ថ្ងៃហើយ ដែលកងទ័ពថៃ បានពន្យារពេ…

ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ