អ្នកជំនាញ៖ វិស័យទេសចរណ៍នៅតែជួបបញ្ហាប្រឈមមួយចំនួន ទោះភ្ញៀវទេសចរមានកំណើនខ្លាំងក៏ដោយ
ទោះបីសេដ្ឋកិច្ចពិភពលោកស្ថិតក្នុងភាពច្បាស់លាស់ និងបានជះឥទ្ធិពលមួយចំនួនដល់វិស័យទេសចរណ៍ពិភពលោករួមទាំងកម្ពុជាក្តី ក៏ប៉ុន្តែបើយោងតាមរបាយកា…
អ្នកឧកញ៉ា លី ឃុនថៃ ប្រធានសមាគមស្បែកជើងកម្ពុជាបានគូសបញ្ជាក់ឱ្យដឹងថា សមាគមសហព័ន្ធអ្នកវិនិយោគកម្ពុជាត្រូវបានបង្កើតឡើងក្រោមការច្របាច់បញ្ចូលគ្នារវាងសមាគមធំៗចំនួន៦ សំដៅរួមចំណែកជួយលើកកម្ពស់ការវិនិយោគ និងអភិវឌ្ឍន៍សេដ្ឋកិច្ចនៅកម្ពុជា។ បើតាមការគូសបញ្ជាក់របស់អ្នកជំនួញរូបនេះគោលបំណងនៃការច្របាច់បញ្ជូលគ្នា គឺដើម្បីជំរុញកំណើនអាជីវកម្ម ក៏ដូចជាទាក់ទាញវិនិយោគិនបរទេសឱ្យមកវិនិយោគនៅកម្ពុជាឱ្យកាន់តែទូលំទូលាយបន្ថែមទៀត។ ព្រោះថាសមាគមមួយចំនួននៅក្នុងសមាគមសហព័ន្ឋអ្នកវិនិយោគកម្ពុជា ដូចជាសមាគមពាណិជ្ជកម្មម៉ាឡេស៊ីនៅកម្ពុជា សមាគមធុរកិច្ចចិនស៊ីឈ័នឆុងឈីងនៅកម្ពុជា និងក្លឹបសឹង្ហបុរីនៅកម្ពុជាជាដើមសុទ្ធសឹងតែមានបណ្តាញទំនាក់ទំនងជាមួយវិនិយោគិនពីបណ្តាប្រទេសផ្សេងៗជាច្រើន ដែលអាចធ្វើឲ្យកម្ពុជាមានកម្លាំង និងសក្កានុពលកាន់តែធំក្នុងការទាក់ទាញ និងទទួលអ្នកវិនិយោគទាំងនោះមកកម្ពុជា។
សមាគមទាំង៦ដែលបានរួមបញ្ចូលគ្នាខាងលើរួមមាន សមាគមស្បែកជើងកម្ពុជា (CFA) សមាគមផលិតផលធ្វើដំណើរ និងស្បែកនៅកម្ពុជា (CTLA) សមាគមពាណិជ្ជកម្មកម្ពុជា-ចិន (CCCA) សមាគមធុរកិច្ចចិនស៊ីឈ័នឆុងឈីងនៅកម្ពុជា (CYZSH) សមាគមពាណិជ្ជកម្មម៉ាឡេស៊ីនៅកម្ពុជា (MBCC) និងក្លឹបសឹង្ហបុរីនៅកម្ពុជា (SCC)។
បើតាមការអះអាងរបស់អ្នកឧកញ៉ា លី ឃុនថៃ សមាគមនេះអាចទាក់ទាញវិនិយោគិនបានគ្រប់វិស័យ ពោលគឺទាំងវិស័យអចលនទ្រព្យ និងសំណង់ វិស័យធនាគារ និងហិរញ្ញវត្ថុ វិស័យរោងចក្រផលិតកម្ម វិស័យ SME និងវិស័យផ្សេងៗទៀតជាច្រើន។ កត្តានេះបានធ្វើឲ្យអ្នកឧកញ៉ា លី ឃុនថៃ រំពឹងថា តាមរយៈសមាគមនេះវានឹងជួយជំរុញការនាំចេញទំនិញរបស់កម្ពុជាទៅកាន់អន្តរជាតិ ពិសេសលើវិស័យកាត់ដេរ និងវាយនភណ្ឌឲ្យមានការកើនឡើងបន្ថែមទៀត ដ្បិតថាសមាជិកទាំងអស់របស់សមាគមសហព័ន្ឋអ្នកវិនិយោគកម្ពុជា កំពុងតែខិតខំប្រឹងប្រែងក្នុងការទាក់ទាញវិនិយោគិនបរទេសឱ្យមកដាក់ទុនវិនិយោគនៅកម្ពុជាឱ្យកាន់តែច្រើនផងដែរ។
យ៉ាងណាមិញ អ្នកឧកញ៉ា លី ឃុនថៃ អះអាងថា ការរួមបញ្ចូលគ្នារវាងសមាគមទាំង៦នេះ វានឹងធ្វើឱ្យសមាជិកនៃសមាគមនីមួយៗ កាន់តែមានទំនាក់ទំនងជាមួយគ្នាកាន់តែជិតស្និត ជួយចែករំលែកបទពិសោធន៍ និងព័ត៌មានឱ្យគ្នាទៅវិញទៅមកកាន់តែទូលំទូលាយ មានភាពងាយស្រួល និងឆាប់រហ័សផងដែរ។ លើសពីនេះការចំណាយផ្សេងៗមួយចំនួន ក៏ត្រូវបានកាត់បន្ថយផងដែរ ពោលគឺប្រសិនជាសមាគមណាមួយត្រូវធ្វើសិក្ខាសាលាអ្វីមួយនោះ ការចំណាយតែឯកឯង គឺត្រូវចំណាយច្រើន ក៏ប៉ុន្តែក្រោយការរួមបញ្ជូលគ្នានេះ ការចំណយក៏ត្រូវបានបែងចែកជា៦ចំណែក ដែលបានជួយសម្រួលដល់ការចំណាយរបស់សមាគមនីមួយៗផងដែរ៕
