វៀតណាមបានបិទព្រំដែនរបស់ខ្លួននតាំងពីចុងខែមីនាមកម្ល៉េះ ដើម្បីជាវិធានការទប់ស្កាត់ការរីករាលដាលនៃមេរោគកូវីដ-១៩.
នាយកដ្ឋានអប់រំ និងបណ្ដុះបណ្ដាល នៅក្នុងខេត្ត An Giang បានបញ្ជាក់នៅក្នុងសារព័ត៌មាន VN Express កាលពីថ្ងៃអង្គារសប្ដាហ៍នេះថា នៅក្នុងស្រុក An Phu ដែលមានព្រំប្រទល់ជាមួយនឹងប្រទេសកម្ពុជា មានសិស្សចំនួន ១.៣៤៧ នាក់ រស់នៅប្រទេសកម្ពុជា កំពុងសិក្សានៅថ្នាក់បឋមសិក្សា និងវិទ្យាល័យ។
ជារៀងរាល់ថ្ងៃ ពួកសិស្សទាំងអស់នោះ ធ្វើដំណើរឆ្លងកាត់ព្រំដែនពីកម្ពុជាទៅវៀតណាម ដើម្បីចូលរៀនសាលាក្នុងប្រទេសវៀតណាម ហើយក៏ត្រឡប់ទៅកាន់ផ្ទះរបស់ពួកគេវិញ។
អត្ថបទទាក់ទង!
អាជ្ញាធរខេត្ត An Giang ថ្មីៗនេះ បានសម្រេចអនុញ្ញាតឲ្យសិស្សថ្នាក់ទី១២ ចំនួន១៨នាក់ ដាក់ឲ្យនៅដាច់ដោយឡែកសម្រាប់រយៈពេល ១៤ថ្ងៃ បន្ទាប់មក ទើបអនុញ្ញាតឲ្យចូលរៀនក្នុងសាលា។ មានឪពុកម្ដាយរបស់សិស្សចំនួន ៧នាក់ នៃសិស្សទាំងនោះ បានយល់ព្រមលើការសម្រេចរបស់អាជ្ញាធរ។
នៅសល់សិស្សចំនួន ១.៣២៩ នាក់ទៀត ត្រូវរង់ចាំរហូតដល់មានការបើកព្រំដែនឡើងវិញ ទើបមកចូលរៀននៅសាលាក្នុងទឹកដីវៀតណាម។
នាយដ្ឋានអប់រំ និងបណ្ដុះបណ្ដាល វៀតណាម បានគូសបញ្ជាក់ថា អាជ្ញាធរនឹងណែនាំសាលាឲ្យរៀបចំថ្នាក់បន្ថែម សម្រាប់សិស្ស ដើម្បីធ្វើយ៉ាងណាឲ្យទាន់ពេលវេលាដែលពួកគេស្ថិតក្នុងការដាក់ឲ្យនៅដាច់ដោយឡែក។
លោកស្រី Nguyen Thi Diem Tuyet នាយកសាលាបឋមសិក្សា A Khanh An នៅក្នុងស្រុក An Phu និយាយថា ក្នុងចំណោមសិស្សក្នុងសាលារបស់លោកស្រីចំនួនជាង ១ពាន់នាក់ គឺមានប្រមាណ ៣៩០នាក់ រស់នៅក្នុងទឹកដីប្រទេសកម្ពុជា។
សាលាក៏បានប្រាប់ទៅកាន់សិស្សនៅក្នុងប្រទេសកម្ពុជា ឲ្យតាមដានការសិក្សានៅលើកញ្ចក់ទូរទស្សន៍ប៉ុស្ដិ៍ An Gaing។ លោកគ្រូអ្នកគ្រូ នឹងផ្ញើឯកសារសិក្សាសម្រាប់សិស្សតាមបណ្ដាញអ៊ីនធើណែតផងដែរ។
ដោយសារតែរដ្ឋាភិបាលវៀតណាមបានលុបចោលការរឹតបន្តឹងនូវគម្លាតសង្គម (Social Distancing Restrictions) កាលពីចុងខែមេសាកន្លងទៅ មានសិស្សជាច្រើនបានត្រឡប់ចូលរៀនឡើងវិញ នៅថ្ងៃចន្ទសហ្ដហ៍នេះ ដែលវាជាការចូលរៀនលើកដំបូងតាំងពីថ្ងៃបុណ្យឈប់សម្រាកចូលឆ្នាំចិន វៀតណាម កាលពីចុងខែមករាមក ដោយសារតែផលប៉ះពាល់នៃមេរោគកូវីដ-១៩។
ទោះយ៉ាងណា ក៏មានសាលាជាច្រើនបានបង្រៀនតាមអនឡាញផងដែរ នៅអំឡុងពេលមានការរីករាលដាលនៃមេរោគនេះ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
