សម្ដេចតេជោ ហ៊ុន សែន ខកខានចូលរួមកិច្ចប្រជុំកំពូលចំនួន២ ក្រោយតេស្ដវិជ្ជមានកូវីដ១៩
ក្រោយបញ្ចប់កិច្ចប្រជុំអាស៊ានអាស៊ាន សម្តេចតេជោ ហ៊ុន សែននាយករដ្ឋមន្ត្រីនៃកម្ពុជា បានតេស្ដលទ្ធផលវិជ្ជមានកូវីដ១៩ នៅថ្ងៃទី ១៥ ខែវិច្ឆិកា ឆ្នាំ២០…
ជុំវិញបញ្ហានៅអ៊ុយក្រែននេះ បើតាមសេចក្តីព្រាងសេចក្តីថ្លែងការណ៍មួយច្បាប់កម្រាស់ ១៦ទំព័រដែលត្រូវបានឃើញ និងផ្សាយរ៉យទ័រ បានឱ្យដឹងថា ភាគច្រើននៃសមាជិកក្រុមប្រទេស G20 គឺយល់ព្រមថ្កោលទោសរុស្ស៊ី ចំពោះទង្វើសង្គ្រាមឈ្លានពាននៅអ៊ុយក្រែន។ បន្ថែមពីលើនេះ ភាគច្រើននៃសមាជិករដ្ឋ G20 មានការថ្កោលទោសយ៉ាងខ្លាំង ដែលមិនត្រឹមតែទង្វើឈ្លាននោះទេ តែរុស្ស៊ីត្រូវបានថ្កោលទោសថា បានបង្កឱ្យសេដ្ឋកិច្ចសកលធ្លាក់ចុះ និងជួបប្រទះភាពមិនប្រាកដប្រជា។
សេចក្តីព្រាងដដែលបានបង្ហាញទៀតថា សមាជិក G20 ក៏បានសម្តែងការព្រួយបារម្ភយ៉ាងខ្លាំងចំពោះបញ្ហាប្រឈម ដែលបង្កឡើងចំពោះសន្តិសុខស្បៀងពិភពលោក។ សមាជិកG20 ក៏ឆ្លៀតអំពាវនាវឱ្យមានឯករាជ្យភាពរបស់ធនាគារកណ្តាល ដើម្បីធានាថា ពួកគេរក្សាកិច្ចខិតខំប្រឹងប្រែងដើម្បីទប់ទល់នឹងអតិផរណាដែលកំពុងកើនឡើង។
ប៉ុន្តែអ្នកការទូតអឺរ៉ុបម្នាក់បានឱ្យ Reuters ដឹងថា មានទស្សនៈផ្សេងទៀតនិងការវាយតម្លៃខុសគ្នាក្នុងចំណោមសមាជិក G20 អំពីស្ថានការណ៍សង្គ្រាម និងការដាក់ទណ្ឌកម្មរបស់លោកខាងលិចលើរុស្ស៊ី។
បើតាមប្រភពនៃគណៈប្រតិភូដែលនៅក្នុងកិច្ចប្រជុំឱ្យបានបញ្ជាក់ប្រាប់អ្នកសារព័ត៌មានក្នុងលក្ខខណ្ឌមិនបញ្ចេញឈ្មោះថា នៅថ្ងៃដំបូងនៃកិច្ចប្រជុំ ពោលគឺនៅថ្ងៃអង្គារទី១៥ខែវិច្ឆិកា គឺមានសមាជិកច្រើនរបស់ G20 បានលើកឡើងពីបញ្ហាសង្គ្រាមនៅអ៊ុយក្រែន ហើយបានថ្កោលទោសរុស្ស៊ីព្រមៗគ្នា។
ប្រការនេះបានសបញ្ជាក់ច្បាស់ថា សំណុំរឿងសង្គ្រាមនៅអ៊ុយក្រែន ស្ថិតនៅជាប្រធានបទក្តៅនៃជំនួបកំពូល G20 ឆ្នាំ២០២២នេះដដែល បើទោះបីជាម្ចាស់ផ្ទះឥណ្ឌូនេស៊ីលើកឡើងនៅមុនកិច្ចប្រជុំថា ការពិភាក្សាលើកនេះ គួរតែផ្តោតសំខាន់បំផុតទៅលើហានិភ័យនៃសេដ្ឋកិច្ចពិភពលោកក្នុងពេលបច្ចុប្បន្ន និងអនាគតយ៉ាងណាក្ដី។
រដ្ឋមន្ត្រីការការបរទេសរុស្ស៊ី បាននិយាយកាលពីថ្ងៃអាទិត្យថា G20 មិនមែនជាកិច្ចប្រជុំពីបញ្ហា សន្តិសុខនោះទេ ហើយជំនួសមកវិញគួរតែផ្តល់អាទិភាពដល់បញ្ហាប្រឈមសេដ្ឋកិច្ចពិភពលោក។ ប៉ុន្តែលោកខាងលិច ក៏មានអំណោះអំណាងដែរថា បញ្ហាសន្តិសុខត្រូវតែលើកយកមកនិយាយព្រោះ វាកំពុងជះឥទ្ធិលខ្លាំងណាស់ដល់សេដ្ឋកិច្ច។
កាលពីព្រឹកថ្ងៃអង្គារដដែលប្រធានាធិបតីអ៊ុយក្រែនលោក Volodymyr Zelenskiy តាមរយៈខ្សែវីដេអូបានអំពាវនាវឱ្យកិច្ចប្រជុំ G20 ប្រើប្រាស់ភាពជាអ្នកដឹកនាំរបស់ពួកគេដើម្បីដាក់សម្ពាធឲ្យរុស្ស៊ីបញ្ចប់សង្គ្រាមនៅក្នុងប្រទេសអ៊ុយក្រែន ក្រោមផែនការសន្តិភាព ដែលលោកបានស្នើឡើង។
អំឡុងការថ្លែងនោះ ក៏មានវត្តមានភាគីរុស្ស៊ីផងដែរ តែមិនមែនលោកប្រធានាធិបតីពូទីនឡើយ ពោលគឺជារដ្ឋមន្ត្រីការបរទេសលោក Sergi Lavrov ជាអ្នកចូលរួមជំនួស៕
