ហេតុអ្វីទទួលទានស្រាក្រហម ត្រូវការជ្រើសរើសកែវឲ្យបានត្រឹមត្រូវ?

ផលិតផលកែវ RIEDEL ដែលផលិតចេញពីគ្រីស្តាល់ និងកំពុងចែកចាយផ្តាច់មុខ ដោយហាងស្រា Red Apron Wine Boutique កំពុងទទួលការចាប់អារម្មណ៍ខ្លាំងពីអតិថិជន។ ក្រុមហ៊ុន RIEDEL បានស្រាវជ្រាវយ៉ាងទូលំទូលាយអំពីឥទ្ធិពលនៃទំហំ និងរូបរាង របស់កែវស្រា ទៅតាមប្រភេទស្រាទំពាំងបាយជូដ៏ពេញនិយមទាំងអស់ ហើយវាគឺស្របតាមការយល់ឃើញពីអ្នកជំនាញស្រារបស់ពិភពលោកថា ទាំងក្លិន រសជាតិ ពិតជាត្រូវបានបង្កើតឡើងតាមរយៈការប្រើប្រាស់ ឧបករណ៍ស្រា ដែលត្រឹមត្រូវ។

ក្រុមហ៊ុនផលិតកែវស្រា លំដាប់កំពូលដ៏ល្បី RIEDEL ថ្មីៗនេះ បានរៀបចំព្រឹត្តិការណ៍ផ្តាច់មុខមួយសម្រាប់អ្នកចូលចិត្តទទួលទាន់ស្រានៅភោជនីយដ្ឋាន តូប៉ាហ្ស ក្រោមប្រធានបទ “Riedel៖ បទពិសោធន៍អំពីកែវស្រា” ដែលរៀបចំដោយហាងស្រា Red Apron Wine Boutique ដោយមានការចូលរួមដោយតំណាងនិងជាភ្ញៀវកិត្តិយសសំខាន់ៗជាច្រើន។

ថ្លែងនៅក្នុងកម្មវិធីនេះ លោក Jean-Baptiste អនុប្រធានផ្នែកលក់ប្រចាំតំបន់អាស៊ីប៉ាស៊ីហ្វិករបស់ក្រុមហ៊ុន Riedel Group បានចែករំលែកការយល់ឃើញថា ប្រភេទស្រាផ្សេងគ្នាមានលក្ខណៈ និងរសជាតិផ្សេងគ្នា ហើយទំហំ និងរូបរាងរបស់កែវដែលអ្នកប្រើ មិនថា ជាកែវ RIEDEL ឬកែវផ្លាស្ទិចទេ នឹងផ្លាស់ប្តូរអារម្មណ៍របស់អ្នកទទួលបានពីស្រា។
លោក Jean-Baptiste បានថ្លែងថា ក្រុមហ៊ុន RIEDEL គឺជាក្រុមហ៊ុនដំបូងគេ ដែលណែនាំកែវមានជើងសម្រាប់ប្រភេទស្រាទំពាំងបាយជូរចាប់តាំងពីឆ្នាំ ១៩៥៨។ ក្រុមហ៊ុននេះបានស្រាវជ្រាវយ៉ាងទូលំទូលាយអំពីឥទ្ធិពលនៃទំហំ និងរូបរាងរបស់កែវស្រា ទៅតាមប្រភេទ ទំពាំងបាយជូដ៏ពេញនិយមទាំងអស់ និងស្របទៅតាមស្ដង់ដារ ដែលត្រូវបានណែនាំដោយអ្នកជំនាញ។

លោកស្រី Line Ros-Van Daalen នាយកគ្រប់គ្រងទូទៅនៃហាងស្រា Red Apron Fine Wine Boutique បានប្រាប់អតិថិជនថា ការជ្រើសរើសនូវអ្វីដែលខ្លួនពេញចិត្ត និងផ្ដល់នូវគុណភាពខ្ពស់ គឺជារឿងសំខាន់ ហេតុនេះ លោកស្រីណែនាំអតិថិជននិយមទទួលទានស្រាគួរតែជ្រើសរើសកែស្រា RIEDEL ដែលត្រឹមត្រូវសម្រាប់ប្រភេទស្រា ដែលពួកគេចូលចិត្ត ដើម្បីទទួលបាននូវបទពិសោធន៍ថ្មីក្នុងការទទួលទាន។
សូមបញ្ជាក់ថា ហាងស្រា Red Apron Wine Boutique គឺជាក្រុមហ៊ុនចែកចាយផ្តាច់មុខនៃផលិតផល RIEDEL នៅកម្ពុជា ដោយមានកែវស្រាគ្រីស្តាល់ និងថូចាក់ស្រាគ្រប់ប្រភេទនៅក្នុងតម្លៃខុសៗគ្នា៕