ក្រុមហ៊ុន ហ៊ិននីគែន ខេមបូឌា បន្តប្តេជ្ញាជួយសហគមន៍មូលដ្ឋាននៅកម្ពុជាតាមរយៈការដាំដើមកោងកាងនៅសហគមន៍ក្នុងខេត្តកំពត

ដើម្បីអបអរសាទររុក្ខទិវាឆ្នាំ២០២២ ក្រុមហ៊ុន ហ៊ិននីគែន ខេមបូឌា ដាំដើមកោងកាងចំនួន ២០២២ដើម នៅឃុំត្រពាំងសង្កែ ខេត្តកំពត។ ការដាំដើមកោងកាងនេះ ក៏គាំទ្រផងដែរដល់គម្រោងអភិរក្សដែលកំពុងបន្តធ្វើឡើងរបស់ក្រសួងបរិស្ថានកម្ពុជា ដើម្បីការពារនិងស្តារព្រៃកោងកាងដ៏សំខាន់នេះឡើងវិញនៅតាមតំបន់ឆ្នេរសមុទ្រនៃព្រះរាជាណាចក្រកម្ពុជា។

The group photo of the staff of HEINEKEN Cambodia after planting the mangrove trees at the Trapaeng Sangkae community

គំនិតផ្តួចផ្តើមចុងក្រោយបំផុតនេះ គឺជាផ្នែកមួយនៃការប្តេជ្ញាចិត្តរយៈពេលវែងរបស់ក្រុមហ៊ុន ហ៊ិននីគែន ក្នុងការអភិវវឌ្ឍប្រទេសកម្ពុជាឱ្យកាន់តែមានភាពបៃតង សម្រាប់មនុស្សជំនាន់បច្ចុប្បន្ន និងអនាគត ខណៈពេលដែលគម្រោងនេះនឹងជួយដល់សហគមន៍មូលដ្ឋានយោងតាមពាក្យស្លោក «ធ្វើឱ្យប្រទេសកម្ពុជាកាន់តែប្រសើរ» របស់ខ្លួនផងដែរ។

The group photo of the dignitaries and representatives of the Ministry of Environment, Provincial officials, the management of HEINEKEN Cambodia and the community leaders during the mangrove tree planting ceremony at Trapaeng Sangkae community

ព្រៃកោងកាងនៅភាគខាងត្បូងនៃប្រទេសកម្ពុជា គឺជាតំបន់ដែលសម្បូរដោយជីវចម្រុះដែលប្រជាពលរដ្ឋក្នុងមូលដ្ឋានជាច្រើនគ្រួសារពឹងផ្អែកលើព្រៃទាំងនេះ ដើម្បីចិញ្ចឹមជីវិតរបស់ពួកគេតាមរយៈការនេសាទ ធ្វើជាសម្ភារសំណង់ និងទេសចរណ៍ធម្មជាតិជាដើម។ ការការពារ និងការស្តារព្រៃកោងកាងឡើងវិញ ក៏ផ្តល់ជារបាំងការពារធម្មជាតិដ៏ល្អបំផុតមួយផងដែរទៅនឹងបម្រែបម្រួលអាកាសធាតុ ព្រោះវាចូលរួមចំណែកដល់ការស្រូបយកកាបូន និងកាត់បន្ថយភាពសឹករិចរឹលនៅតាមច្រាំងសមុទ្រ ដែលជួយការពារសហគមន៍នៅតំបន់សមុទ្រពីការជន់លិចតាមតំបន់ឆ្នេរ ខ្យល់បក់ខ្លាំង និងរលកធំៗជាដើម។

His Excellency So Khanrithykun, Secretary of State for the Ministry of Environment, is giving a speech during the mangrove tree planting ceremony at Trapaeng Sangkae community

ឯកឧត្តម សូ ខនឫទ្ធីគុណ រដ្ឋលេខាធិការក្រសួងបរិស្ថាន និងលោកស្រី Anne Ollivier នាយកផ្នែកកិច្ចការសាជីវកម្មរបស់ក្រុមហ៊ុន ហ៊ិននីគែន ខេមបូឌា បានចូលរួមជាគណអធិបតីនៅក្នុងក្នុងពិធីដាំដើមកោងកាងនេះ។

ឥស្សរជនផ្សេងទៀតដែលបានចូលរួមក្នុងពិធីនេះរួមមាន ឯកឧត្តម សឹម យ៉ារ៉ែន អនុរដ្ឋលេខាធិការក្រសួងបរិស្ថាន; លោកជំទាវ ព្រំ សុភី អនុរដ្ឋលេខាធិការក្រសួងបរិស្ថាន; ឯកឧត្តម នៃ គង់ អភិបាលរងនៃគណៈអភិបាលខេត្តកំពត; ឯកឧត្តម ឡេង គឹមស្រុង អនុប្រធាន ស.ស.យ.ក. វិស័យបរិស្ថាន; លោក ទេស សំណាង អគ្គនាយករងរដ្ឋបាលសាធារណៈ និងហិរញ្ញវត្ថុ; លោក ដាញ់ សេរី ប្រធាន ស.ស.ស.យ.ក វិស័យបរិស្ថាន; លោក ជួប ស៊ីវុត្ថា អនុប្រធាន ស.ស.យ.ក វិស័យបរិស្ថាន; លោក ហែម សុចិត្ត អនុប្រធាន ស.ស.យ.ក. វិស័យបរិស្ថាន; លោក ម៉ឺន មករា អនុប្រធាន ស.ស.យ.ក. វិស័យបរិស្ថាន លោក សុខ ថា ប្រធាននាយកដ្ឋានសវនកម្មផ្ទៃក្នុង; លោក សុខ អូរ័រ អនុប្រធាននាយកដ្ឋាន; លោក អេង ប៉ូឡូ ប្រធានមន្ទីរបរិស្ថានខេត្តកំពត; លោក នាក់ សុវណ្ណារី អភិបាលស្រុកទឹកឈូ និងលោក សឹម ហ៊ីម ប្រធានសហគមន៍ត្រពាំងសង្កែ។

បុគ្គលិករបស់ក្រុមហ៊ុន ហ៊ិននីគែន ខេមបូឌា និងប្រជាពលរដ្ឋនៅសហគមន៍ត្រពាំងសង្កែក៏បានចូលរួមដាំដើមឈើក្នុងកម្មវិធីនេះផងដែរ។

ថ្លែងក្នុងពិធីនោះ ឯកឧត្តម សូ ខនឫទ្ធីគុណ រដ្ឋលេខាធិការក្រសួងបរិស្ថានបានមានប្រសាសន៍ថា៖ «យើងសូមអរគុណដល់ក្រុមហ៊ុនហ៊ិននីគែន ខេមបូឌា ដែលកំពុងនាំមុខក្នុងការសហការលើកកម្ពស់និរន្តរភាព និងការយល់ដឹងអំពីបរិស្ថានជាមួយសហគមន៍មូលដ្ឋានរបស់យើង ដូចជាត្រពាំងសង្កែនេះជាដើម។ គំនិតផ្តួចផ្តើមបែបនេះជាគន្លឹះសំខាន់ក្នុងការការពារបរិស្ថានកម្ពុជា ក៏ដូចជាលើកកម្ពស់និរន្តរភាពសម្រាប់ផលប្រយោជន៍ប្រទេសជាតិ និង សហគមន៍ផ្សេងៗទៀត»។

លោក សឹម ហ៊ីម ប្រធានសហគមន៍ត្រពាំងសង្កែបានថ្លែងថា៖ «យើងមានកិត្តិយសណាស់ដែលក្រុមហ៊ុន ហ៊ិននីគែន ខេមបូឌា បានជ្រើសរើសសហគមន៍ត្រពាំងសង្កែសម្រាប់គំនិតផ្តួចផ្តើមដ៏មានតម្លៃនេះ។ នៅត្រពាំងសង្កែ យើងផ្តល់គុណតម្លៃដល់សហគមន៍របស់យើង និងថែរក្សាបរិស្ថានដ៏ស្រស់ស្អាតរបស់យើង។ ដោយមានការគាំទ្រពីក្រុមហ៊ុន ហ៊ិននីគែន យើងដឹងថា យើងនឹងអាចទទួលបានអត្ថប្រយោជន៍ពីកម្មវិធីបរិស្ថានប្រកបដោយនិរន្តរភាពនេះ»។

Ms. Anne Ollivier, Corporate Affairs Director at HEINEKEN Cambodia, is giving a speech during the mangrove tree planting ceremony at Trapaeng Sangkae community

លោកស្រី Anne Ollivier នាយកផ្នែកកិច្ចការសាជីវកម្មរបស់ក្រុមហ៊ុន ហ៊ិននីគែន ខេមបូឌា មានប្រសាសន៍ថា៖ «យើងមានមោទនភាពដែលបានចូលរួមចំណែកដល់គំនិតផ្តួចផ្តើមរបស់ក្រសួងបរិស្ថាន ដើម្បីការពារប្រព័ន្ធអេកូឡូស៊ីដ៏សំខាន់សម្រាប់ប្រជាជនឃុំត្រពាំងសង្កែ និងអនាគតកម្ពុជា។ ប្រព័ន្ធអេកូឡូស៊ីព្រៃកោងកាងរងការគំរាមកំហែងខ្លាំងដោយសារសកម្មភាពរបស់មនុស្ស ហើយការបាត់បង់ព្រៃនេះបង្កការគំរាមកំហែងយ៉ាងធ្ងន់ធ្ងរដល់មនុស្សជាតិ និងជីវៈចម្រុះ។ ការការពារ និងស្ដារប្រព័ន្ធអេកូឡូស៊ីទាំងនេះឡើងវិញមានសារៈសំខាន់ណាស់។ យើងទទួលស្គាល់ថា ការដាំដើមកោងកាងសព្វថ្ងៃនេះគ្រាន់តែជាទឹកមួយដំណក់ប៉ុណ្ណោះ ប៉ុន្តែរាល់ដំណក់ទឹកនីមួយៗនេះរួមបញ្ចួលគ្នា អាចបង្កើតឱ្យមានតុល្យភាពរវាងសកម្មភាពរបស់មនុស្ស និងការការពារធម្មជាតិមិនឱ្យមានការបំផ្លិចបំផ្លាញបរិយាកាស។ មហិច្ឆតារបស់យើងចង់ធ្វើឱ្យប្រទេសកម្ពុជាកាន់តែប្រសើរ។ ឱកាសបែបនេះជាអ្វីដែលញ៉ាំងទឹកចិត្តយើងឱ្យបន្តបង្កើតផលវិជ្ជមានជាបន្តបន្ទាប់ទៀត»។

The group photo of the dignitaries and representatives of the Ministry of Environment, Provincial officials, the management and staff of HEINEKEN Cambodia, and the community leaders during the mangrove tree planting ceremony at Trapaeng Sangkae community

នៅខែមករា ឆ្នាំ២០២២ ក្រុមហ៊ុន ហ៊ិននីគែន ខេមបូឌា បានដាំនិងផ្តល់ដើមឈើជាង ២០០០ដើមដល់សហគមន៍មូលដ្ឋាននៅឃុំជ្រៃវៀន ស្រុកព្រៃឈរ ខេត្តកំពង់ចាម ព្រមទាំងបានដំឡើងបង្គោលភ្លើងបំភ្លឺផ្លូវពន្លឺថាមពលព្រះអាទិត្យចំនួន ១០០ បន្ថែមទៀតនៅតាមដងផ្លូវក្នុងសហគមន៍នេះ។ ដោយសារការប្តេជ្ញាចិត្តដ៏មោះមុតរបស់ខ្លួនខាងផ្នែកបរិស្ថាន ក្រុមហ៊ុន ហ៊ិននីគែន កាលពីឆ្នាំមុនទទួលបានពានរង្វាន់ផ្នែកបរិស្ថាន “Eurocham CSR Environmental Award” ហើយក្រុមហ៊ុនក៏បានឧបត្ថម្ភដល់កិច្ចប្រជុំកំពូលស្តីពីការប្រែប្រួលអាកាសធាតុនៅកម្ពុជាលើកដំបូងកាលពីឆ្នាំ២០២១ទៀតផង។

Activities of mangrove tree planning by the staff of HEINEKEN Cambodia at the Trapaeng Sangkae community

ដោយសម្លឹងឆ្ពោះទៅមុខ ក្រុមហ៊ុន ហ៊ិននីគែន ខេមបូឌា រំពឹងថានឹងឈានដល់ដំណាក់កាលសំខាន់មួយទៀតសម្រាប់សសរស្តម្ភបរិស្ថានរបស់ខ្លួន នៅពេលដែលរោងចក្រជីវម៉ាស់ធំដំបូងគេនៅកម្ពុជាដាក់ដំណើរការនៅឆ្នាំ២០២២នេះ ដែលរោងចក្រនេះនឹងអាចឱ្យក្រុមហ៊ុនផលិតស្រាបៀរមួយនេះសម្រេចបានការប្រើប្រាស់ថាមពលកំដៅកកើតឡើងវិញ ១០០%។ នេះគឺជាផ្នែកមួយនៃមហិច្ឆតារបស់ក្រុមហ៊ុនក្នុងការសម្រេចបានអព្យាក្រឹតកាបូននៅក្នុងផលិតកម្មរបស់ខ្លួននៅត្រឹមឆ្នាំ២០៣០ និងនៅទូទាំងខ្សែចង្វាក់តម្លៃទាំងមូលនៅត្រឹមឆ្នាំ២០៤០៕