លោក ត្រាំ ព្រមានក្រុមហ៊ុនលក់រាយ Walmart ដែលគ្រោងដំឡើងថ្លៃទំនិញតាមការដំឡើងពន្ធរបស់ខ្លួន
ក្រោយក្រុមហ៊ុនលក់ទំនិញរាយដ៏ល្បីល្បាញរបស់សហរដ្ឋអាម៉េរិក Walmart គ្រោងដំឡើងថ្លៃទំនិញនានារាប់ចាប់តាំងពីចេករហូតដល់ប្រដាប់ប្រដាក្មេងលេង លោក…
ក្រុមហ៊ុន Huawei Technologies និងក្រុមហ៊ុន UBTech ដែលមានមូលដ្ឋាននៅទីក្រុងស៊ិនជិន ខេត្តក្វាងទុង បានចុះហត្ថលេខាលើកិច្ចព្រមព្រៀងរួចហើយនៅក្នុងការបំពេញមហិច្ឆតាផ្នែកបច្ចេកវិទ្យាដ៏មហស្ចារ្យលើការផលិតមនុស្សយន្តដាក់ពង្រាយនៅទូទាំងប្រទេសចិន។ ក្រុមហ៊ុនទាំងពីរនេះគ្រោងសហការគ្នាបង្កើតរោងចក្រឆ្លាតវៃ ដែលដំណើរការដោយមនុស្សយន្ត ហើយសម្រាប់ផលិតមនុស្សយន្តប្រភេទ Humanoid ដែលមានរូបរាងដូចមនុស្សសម្រាប់ឆ្លើយតបនឹងតម្រូវការប្រើប្រាស់ក្នុងស្រុក។
ក្រៅពីនោះក្រុមហ៊ុន Huawei ក៏គ្រោងបង្កើតមជ្ឈមណ្ឌលនវានុវត្តន៍សម្រាប់គាំទ្រដំណើរការបច្ចេកវិទ្យាបញ្ញាសិប្បនិម្មិត ធ្វើទំនើបកម្មមនុស្សយន្ត Humanoid ដែលអាចឆ្លើយតបនឹងតម្រូវការចាំបាច់នានារបស់មនុស្សជាតិ ផងដែរ។
តាមការប៉ាន់ប្រមាណ គម្រោងខាងលើអាចចំណាយថវិកាសរុបលើសពី៧៣២លានដុល្លារ ដែលក្រុមហ៊ុន Huawei បានដាក់ចេញដើម្បីធ្វើទំនើបកម្មក្នុងវិស័យវិស្វកម្មមនុស្សយន្តទំនើប។ មកទល់ពេលនេះ ចិនមានក្រុមហ៊ុន ដែលចុះបញ្ជីហើយកំពុងដំណើរការអភិវឌ្ឈផលិតផលវិស្វកម្មមនុស្សយន្ត Humanoid សរុបចំនួន១១ ប៉ុន្តែក្រុមហ៊ុនដែលសកម្មមានតែ៦ប៉ុណ្ណោះ។
លោក ជូ ជៀន (Zhou Jian) នាយកប្រតិបត្តិក្រុមហ៊ុន UBTech បានអះអាងថា ក្រុមហ៊ុនមានគោលបំណងផលិតមនុស្សយន្តឲ្យបាន១ពាន់គ្រឿងនៅឆ្នាំនេះ ហើយក្រុមហ៊ុនក៏បានចាប់ដៃគូជាមួយក្រុមហ៊ុនផ្សេងទៀតដូចជា Midea Group និង Easy home ដើម្បីលើកកម្ពស់ការប្រើប្រាស់មនុស្សយន្តនៅក្នុងរោងចក្រ និងនៅតាមផ្ទះផងដែរ៕
ដោយៈ សរ សុជាតិ
