កម្មករកាត់ដេរបារម្ភវិបត្តិសង្គ្រាមនៅមជ្ឈិមបូព៌ាធ្វើឱ្យប៉ះពាល់ដល់ការងារនិងប្រាក់ចំណូល
ភាពតានតឹង នៃសង្គ្រាមនៅតំបន់មជ្ឈិមបូព៌ាកំពុងក្លាយជាក្តីកង្វល់ថ្មីមួយសម្រាប់បងប្អូនកម្មករនិយោជិតក្នុងវិស័យកាត់ដេរនៅកម្ពុជា។ ស្របពេលដែលខ្សែ…
លោកបណ្ឌិត ឌុច ដារិន្ទ អ្នកជំនាញសេដ្ឋកិច្ចបានវាយតម្លៃថា ការថយចុះចំនួននាវាដឹកទំនិញពីថៃ ចូលមកកំពង់ផែស្វយ័តក្រុងព្រះសីហនុ អាចបណ្ដាលមកពីការកែសម្រួលស្តុកទំនិញ និងការប្រែប្រួលតម្រូវការក្នុងស្រុក ក៏ដូចជាការកើនឡើងនូវសមត្ថភាពផលិតកម្មរបស់កម្ពុជា។ ចំណែកការនាំចេញទំនិញពីកម្ពុជាទៅថៃ មានការកើនឡើង អ្នកជំនាញសេដ្ឋកិច្ចរូបនេះយល់ឃើញថា វាបានបង្ហាញពីសមត្ថភាពប្រកួតប្រជែង នៃផលិតផលរបស់កម្ពុជា ដែលមានតម្លៃសមរម្យ និងមានគុណភាព ដែលអាចចូលរួមកាន់តែសកម្មក្នុងខ្សែច្រវាក់ផ្គត់ផ្គង់នៅក្នុងតំបន់។
ជាមួយគ្នានេះ ឧកញ៉ា ស៊ិន ចន្ធី អគ្គនាយកក្រុមហ៊ុន ឡាញហល អិចប្រេស ក៏បានយល់ឃើញដែរថា ការធ្លាក់ចុះនៃការនាំចូលទំនិញពីថៃ ក៏អាចបណ្តាលមកពីការបង្វែរទិសដៅនាំចូលពីប្រទេសផ្សេងៗទៀតក្រៅពីថៃ។ អ្នកជំនាញរូបនេះបានបន្ថែមថា ទីផ្សារប្រទេសថៃ នៅតែមានតម្រូវការខ្ពស់លើវត្ថុធាតុដើម និងផលិតផលពាក់កណ្តាលសម្រេចពីកម្ពុជា ដែលជាកត្តាធ្វើឱ្យការនាំចេញរបស់កម្ពុជា ទៅថៃ បន្តកើនឡើង។
សូមបញ្ជាក់ថា នៅក្នុងត្រីមាសទី១ឆ្នាំនេះ កំពង់ផែស្វយ័តក្រុងព្រះសីហនុ ទទួលបានទូកុងតឺន័រ ដឹកទំនិញ ចូល-ចេញ មានចំនួនជាង៣៧ម៉ឺន៣ពាន់ TEUs មានកំណើនជាង៣៨% បើធៀបនឹងរយៈពេលដូចគ្នាកាលពីឆ្នាំ២០២៥ ខណៈទំនិញភាគច្រើននាំចូលពីប្រទេសចិន និងនាំចេញទៅវិញភាគច្រើនទៅសហរដ្ឋអាម៉េរិក។ នេះបើយោងតាមទិន្នន័យពីកំពង់ផែស្វយ័តក្រុងព្រះសីហនុ៕
អត្ថបទ៖ បូ ដូឡា
