ធនាគារកណ្ដាលឡាវ ព្យាករថា កម្រិតអតិផរណានៅឡាវនឹងនៅតែស្ថិតក្នុងកម្រិតខ្ពស់

អត្រាអតិផរណារបស់ប្រទេសឡាវ បានកើនឡើងដល់កម្រិតកំពូលរហូតដល់ជាង៤១% កាលពីខែកុម្ភៈ ឆ្នាំ២០២៣ ហើយបានធ្លាក់ចុះមកនៅត្រឹមជិត២៥% នៅក្នុងខែមេសា ឆ្នាំ២០២៤នេះ។ តែយ៉ាងណា ប្រធានធនាគារកណ្ដាលឡាវ លោក ស៊ីនសាយវ៉ូរ៉ាវង់ ព្យាករថា កម្រិតអតិផរណារបស់ឡាវនឹងនៅតែខ្ពស់រហូតដល់ដាច់ឆ្នាំនេះ។ កំណើនអតិផរណានៅក្នុងប្រទេសឡាវនេះ ត្រូវបានជំរុញដោយការកើនឡើងតម្លៃប្រេងឥន្ធនៈ ឧស្ម័ន និងការនាំចូលទំនិញគ្មានស្ថិរភាព។

ជាមួយគ្នានេះ ការធ្លាក់ថ្លៃប្រាក់គីបរបស់ឡាវ ធៀបនឹងប្រាក់បាតថៃ និងប្រាក់ដុល្លារអាម៉េរិក បានធ្វើឱ្យស្ថានការណ៍កាន់តែស្មុគស្មាញដល់ការរក្សាតម្លៃឱ្យនៅទាបសម្រាប់ទំនិញនាំចូលផ្សេងៗទៅក្នុងប្រទេសនេះ៕

អត្ថបទ៖ សុខ មង្គល