តើមុនពេលលោក ដូណាល់ ត្រាំ ចូលកាន់តំណែងថ្មី តើសហរដ្ឋអាម៉េរិក ទទួលបានកំណើនសេដ្ឋកិច្ចយ៉ាងណាដែរ?
នៅមុនលោក ដូណាល់ ត្រាំ ចូលមកកាន់អំណាចជាថ្មីនៅសហរដ្ឋអាម៉េរិក លោក ចូ បៃដិន បានដឹកនាំសហរដ្ឋអាម៉េរិក ទទួលបានកំណើនសេដ្ឋកិច្ចនៅក្នុងកម្រិតម…
បើតាមការគូសបញ្ចាក់នៅក្នុងរបាយការណ៍ ដែលបង្ហាញដោយ លោក ប៊ុនយ៉ុង ស៊ីដាវង់ (Bounyong Sidavong) អគ្គនាយកនៃនាយកដ្ឋានគ្រប់គ្រងធនធានរ៉ែរបស់ប្រទេសឡាវ បានឲ្យដឹងទៀតថា បច្ចុប្បន្នប្រទេសឡាវ បានអនុម័តក្រុមហ៊ុនចំនួន២៤៤ ដើម្បីធ្វើសកម្មភាពរុករក និងកែច្នៃរ៉ែនៅទូទាំងប្រទេស ដែលគ្របដណ្តប់លើគម្រោងចំនួន៣៧៨ ហើយក្នុងចំណោមក្រុមហ៊ុនទាំងនេះ គឺមានក្រុមហ៊ុនចំនួន៨៥ កំពុងធ្វើសកម្មភាពយ៉ាងសកម្មក្នុងការរុករក និងកែច្នៃរ៉ែ ខណៈដែលក្រុមហ៊ុនចំនួន ៥៨កំពុងស្ថិតក្នុងដំណាក់កាលសាងសង់អណ្តូងរ៉ែនៅឡើយ។
លើសពីនេះទៀត ក្រុមហ៊ុនចំនួន៧៦ កំពុងស្ថិតក្នុងគម្រោងរុករករ៉ែសាកល្បង ដោយក្រុមហ៊ុនខ្លះកំពុងធ្វើការផ្លាស់ប្ដូរទៅធ្វើប្រតិបត្តិការរុករករ៉ែជាទៀងទាត់។
កាលពីឆ្នាំ២០២៤ ការវិនិយោគសរុបក្នុងផលិតកម្មរ៉ែរបស់ឡាវ បានឈានដល់ជិត ២,៥ ពាន់លានដុល្លារ ដែលឆ្លុះបញ្ចាំងអំពីការកើនឡើង ១.៧៧% បើធៀបនឹងឆ្នាំ២០២៣ ហើយការលក់ផលិតផលរ៉ែ និងរ៉ែកែច្នៃទាំងក្នុងស្រុក និងក្រៅស្រុក បង្ហាញពីកំណើនកាន់តែខ្លាំងជាមួយនឹងតម្លៃសរុបជាង ៣,២ពាន់លានដុល្លារ ដោយកើនឡើង១៣% បើធៀបនឹងឆ្នាំ២០២៣។ តួលេខទាំងនេះ គឺកើនលើសពីគោលដៅយុទ្ធសាស្ត្រឆ្នាំ២០២៤ ដែលកំណត់ដោយរដ្ឋាភិបាលទៅទៀត។
លោក ប៊ុនយ៉ុង អគ្គនាយកនៃនាយកដ្ឋានគ្រប់គ្រងធនធានរ៉ែរបស់ប្រទេសឡាវ បានគូសបញ្ជាក់ថា ការពង្រីកវិស័យនេះមានសារសំខាន់ណាស់សម្រាប់ការគាំទ្រដល់គោលដៅអភិវឌ្ឍន៍សេដ្ឋកិច្ចរបស់ប្រទេសឡាវ ហើយវាក៏ធានាបានថា សកម្មភាពរុករករ៉ែនេះ គឺស្របតាមចក្ខុវិស័យយុទ្ធសាស្ត្ររយៈពេលវែងរបស់ប្រទេសផងដែរ ខណៈដែលចិន នៅតែដើរតួនាទី និងជាដៃគូដ៏សំខាន់របស់ឡាវ ដោយបានវិនិយោគក្នុងគម្រោងសរុបជាង ៩០០ ដែលមានតម្លៃជាង១៥ពាន់លានដុល្លារនៅក្នុងវិស័យសំខាន់ៗជាច្រើន ក្នុងនោះ ចំពោះវិស័យរ៉ែ ចិនបានវិនិយោគចំនួន១៨គម្រោង៕
អត្ថបទ៖ សុខ មង្គល
