ក្រុមហ៊ុន Pfizer រំពឹងការលក់វ៉ាក់សាំងកូវីដ១៩កើនដល់ ៥០ពាន់លានដុល្លារនៅឆ្នាំ២០២២
ក្រុមហ៊ុន Pfizer បានព្យាករណ៍ថា ការលក់វ៉ាក់សាំង និងថ្នាំព្យាបាលកូវីដ១៩ របស់ខ្លួន កើនឡើងច្រើនជាង ៥០ ពាន់លានដុល្លារក្នុងឆ្នាំ ២០២២នេះ ខណ…
លោក នេត្រ ភត្រា ប្រធានផ្នែកកិច្ចការសាធារណៈ និងជាអ្នកនាំពាក្យសាលាក្ដីខ្មែរក្រហម បានឲ្យដឹងដែរថាក្រៅពីប្រទេសជប៉ុនដែលបានផ្ដល់ជំនួយថវិកាច្រើនជាងដល់ទៅ ជាង៨៨លានដុល្លារមកឲ្យសាលាក្ដីខ្មែរក្រហមនោះ ប្រទេសកម្ពុជា គឺជាប្រទេសដែលផ្តល់ជំនួយធំទី២ ដែលមានទឹកប្រាក់សរុប ៤២ លានដុល្លារអាម៉េរិក ស្មើប្រមាណ១៣ ភាគរយនៃជំនួយថវិកាសរុប។ បើតាមអ្នកនាំពាក្យសាលាក្ដីខ្មែរក្រហមរូបនេះ សរុបចំនួនប្រទេសដែលបានផ្ដល់ថវិកាដល់សាលាក្ដីខ្មែរក្រហមគឺមាន ៣៩ប្រទេស ព្រមទាំងមូលនិធិពីអង្គការដែលពាក់ព័ន្ធផ្សេងៗទៀត ដែលជាម្ចាស់ជំនួយផ្សេងទៀត សរុបជារួមជំនួយថវិកាដែលសាលាក្ដីខ្មែរក្រហមទទួលបានគិតមកទល់ពេលនេះមានប្រមាណ ៣៣០ លានដុល្លារអាម៉េរិក។
លោក នេត្រ ភត្រា មានប្រសាសន៍យ៉ាងដូច្នេះថា « ជប៉ុនជាប្រទេសដែលផ្តល់ជំនួយធំជាងគេ ចំនួនជាង៨៨ លានដុល្លារ បន្ទាប់មកគឺរាជរដ្ឋាភិបាលកម្ពុជា ដែលបានផ្តល់ថវិកាក្នុងចំណាត់ថ្នាក់ទី២ ក្នុងបណ្ដាប្រទេសធំៗ ដែលបានផ្ដល់ឲ្យសាលាក្តីខ្មែរក្រហម មានចំនួនជាង ៤២ លានដុល្លារអាមេរិក ហើយមិនមែនតែជប៉ុនមួយទេ គឺមានបណ្តាប្រទេសប្រមាណ ៣០ ប្រទេសជាងទៀត រួមជាមួយមូលនិធិអង្គការពាក់ព័ន្ធផ្សេងៗ»។
សូមបញ្ជាក់ថាសាលាក្ដីខ្មែរក្រហមត្រូវបានរដ្ឋសភាជាតិអនុម័តច្បាប់ដើម្បីបង្កើតឡើងនៅក្នុងឆ្នាំ២០០១ ដើម្បីបង្កើតតុលាការកាត់សេចក្ដីឧក្រិដ្ឋកម្មដែលបានប្រព្រឹត្ដឡើងនៅប្រទេសកម្ពុជាក្នុងអំឡុងរបបខ្មែរក្រហមពីឆ្នាំ ១៩៧៥-១៩៧៩។ តុលាការថ្មីហើយពិសេសនេះត្រូវបានបង្កើតឡើងដោយរាជរដ្ឋាភិបាលកម្ពុជានិងអង្គការសហប្រជាជាតិ ប៉ុន្ដែតុលាការនេះគឺជាតុលាការឯករាជ្យម្ចាស់ការ មិនចំណុះរាជរដ្ឋាភិបាលឬអង្គការសហប្រជាជាតិទេ ។ តុលាការនេះគឺជាតុលាការកម្ពុជា ដែលមានការចូលរួមពីសហគមន៍អន្ដរជាតិ ដែលនឹងអនុវត្ដទៅតាមស្ដង់ដារអន្ដរជាតិ ។អត្ថបទ សោម ស្រីពេជ្រ
None
