តម្លៃពេជ្រធម្មជាតិ បានធ្លាក់ចុះពីជិត៧ពាន់ដុល្លារ មកនៅជិត៥ពាន់ដុល្លារក្នុង១ការ៉ាត់
ទាំងតម្លៃពេជ្រធម្មជាតិ និងពេជ្រចិញ្ចឹមនៅមន្ទីរពិសោធន៍សុទ្ធតែមានការធ្លាក់ចុះ បើទោះបីការប្រើប្រាស់ពេជ្រ ជាពិសេសគ្រឿងអលង្ការច្នៃចេញពីពេជ្រនៅតំ…
ក្រុមហ៊ុនវិនិយោគបច្ចេកវិទ្យាយក្សជប៉ុន SoftBank Group គ្រោងនឹងខ្ចីបុលចំនួន១៦ពាន់លានដុល្លារ ដើម្បីវិនិយោគលើបច្ចេកវិទ្យា AI ហើយក្រុមហ៊ុននេះ អាចនឹងខ្ចីបុលចំនួន៨ពាន់លានដុល្លារអាម៉េរិក បន្ថែមទៀត នៅដើមឆ្នាំ២០២៦។ ក្រុមហ៊ុន SoftBank កំពុងពិភាក្សាដើម្បីវិនិយោគរហូតដល់ទៅ២៥ពាន់លានដុល្លារអាម៉េរិក នៅក្នុងក្រុមហ៊ុន OpenAI ដែលជាម្ចាស់របស់ ChatGPT ដ៏ល្បីល្បាញ ខណៈដែលក្រុមហ៊ុនជប៉ុន មួយនេះ បន្តពង្រីកនៅក្នុងវិស័យនេះ។
ប្រភពច្បាស់ការបានទម្លាយឱ្យដឹងថា ការវិនិយោគលើកនេះ គឺបន្ថែមពីលើ១៥ពាន់លានដុល្លារអាម៉េរិក ដែលក្រុមហ៊ុន SoftBank បានប្តេជ្ញាបោះទុនវិនិយោគក្នុងក្រុមហ៊ុន Stargate រួចមកហើយ។
គេហទំព័រព៌ត៌មានបច្ចេកវិទ្យា The Information ធ្លាប់បានចុះផ្សយថា ក្រុមហ៊ុន SoftBank គ្រោងនឹងវិនិយោគទឹកប្រាក់សរុបចំនួន៤០ពាន់លានដុល្លារអាម៉េរិក ក្នុងក្រុមហ៊ុន Stargate និងក្រុមហ៊ុន OpenAI ហើយបានចាប់ផ្តើមចពិភាក្សាដើម្បីខ្ចីបុលរហូតដល់ទៅ១៨,៥ពាន់លានដុល្លារអាម៉េរិក។
ក្រុមហ៊ុន Stargate គឺជាការបណ្តាក់ទុនរួមគ្នាដោយក្រុមហ៊ុន Oracle ក្រុមហ៊ុន OpenAI និងក្រុមហ៊ុន SoftBank ដែលគ្រោងនឹងបណ្តាក់ទុនរហូតដល់ទៅ៥០០ពាន់លានដុល្លារអាម៉េរិក ដើម្បីជួយសហរដ្ឋអាម៉េរិក បន្តនាំមុខប្រទេសចិន និងបណ្ដាប្រទេសជាគូប្រជែងផ្សេងទៀតនៅក្នុងការប្រកួតប្រជែងផ្នែកបច្ចេកវិទ្យាបញ្ញាសិប្បនិម្មិតទូទាំងពិភពលោក។
ការបណ្តាក់ទុនរួមគ្នាក្នុងទំហំទឹកប្រាក់៥០០ពាន់លានដុល្លារអាម៉េរិកនេះ ត្រូវបានប្រកាសដោយប្រធានាធិបតីទី៤៧របស់សហរដ្ឋអាម៉េរិក លោក ដូណាល់ ត្រាំ នាយកប្រតិបត្តិក្រុមហ៊ុន SoftBank លោក ម៉ាសាយ៉ូស៊ី សាន់ (Masayoshi Son) នាយកប្រតិបត្តិ OpenAI លោក ស៊ែម សាល់ម៉ាន់ (Sam Altman) និងប្រធានក្រុមហ៊ុន Oracle លោក ឡារី អេលីសុន (Larry Ellison) នៅសេតវិមានកាលពីអំឡុងខែមករា៕
