បារាំង ព្រមានដាក់ទណ្ឌកម្មថ្មី លើរុស្ស៊ី បើមិនយល់ព្រមលើបទឈប់បាញ់នៅអ៊ុយក្រែន
ប្រធានាធិបតីបារាំង លោក អេម៉ាញូអែល ម៉ាក្រុង បានគំរាមរុស្ស៊ីថា ប្រសិនបើទីក្រុងមូស្គូ មិនយល់ព្រមលើបទឈប់បាញ់នៅប្រទេសអ៊ុយក្រែនទេ លោកនឹងដាក…
ក្រុមប្រឹក្សាអាកាសចរណ៍របស់អង្គការសហប្រជាជាតិបានរកឃើញក្នុងសប្តាហ៍នេះថា រុស្ស៊ីជាអ្នកទទួលខុសត្រូវចំពោះការសោកនាដកម្មលើយន្តហោះ MH17 ដែលត្រូវបានបាញ់ទម្លាក់នៅភាគខាងកើតអ៊ុយក្រែន ក្នុងឆ្នាំ ២០១៤ ក្នុងអំឡុងពេលមានការប្រយុទ្ធគ្នារវាងក្រុមផ្តាច់ខ្លួន ដែលគាំទ្ររុស្ស៊ី និងកងកម្លាំងអ៊ុយក្រែន។
ប៉ុន្ដែ ទីក្រុងម៉ូស្គូ បានបដិសេធចំពោះសេចក្ដីសម្រេចរបស់ក្រុមប្រក្សាអាកាសចរណ៍របស់អង្គការសហប្រជាជាតិនេះ ដោយចាត់ទុកថា ការសម្រេចនេះ មានការលម្អៀង និងគ្មានយុត្តិធម៌។
យ៉ាងណាក៏ដោយចុះ នាយករដ្ឋមន្ត្រីម៉ាឡេស៊ី លោក Anwar បានអះអាងថា លោកនឹងបន្ដជំរុញឱ្យមានការទទួលខុសត្រូវលើបញ្ហានេះឱ្យខាងតែបាន។ លោក Anwar បានបន្ថែមថា លោក ពូទីន បានសម្តែងការរំលែកទុក្ខដល់គ្រួសារអ្នកស្លាប់ ដែលរួមមានពលរដ្ឋហូឡង់ ១៩៦នាក់ ម៉ាឡេស៊ី ៤៣នាក់ និងពលរដ្ឋអូស្ត្រាលី ៣៨នាក់។ ប្រធានាធិបតីរុស្ស៊ីរូបនេះ ក៏បានស្នើឱ្យមានការស៊ើបអង្កេតឱ្យម៉ត់ចត់ និងគ្រប់ជ្រុងជ្រោយចំពោះរឿងនេះ ដោយមិនធ្វើការភ្ជាប់ទៅនឹងរឿងនយោបាយ។
លោក Anwar បាននិយាយថា លោក Putin បានប្រាប់គាត់ទៀតថា រុស្ស៊ីបានត្រៀមខ្លួនរួចជាស្រេចក្នុងការផ្តល់កិច្ចសហប្រតិបត្តិការរបស់ខ្លួន ដើម្បីធានាថា ការផ្ដល់នូវរបាយការណ៍ គឺមានភាពជាក់លាក់ និងអាចទុកចិត្តបាន។
