![ធនាគារ មេយប៊ែង ចាប់ដៃគ្នាជាមួយក្រុមហ៊ុន ខៀវ អូតូ ខូអិលធីឌី លើហិរញ្ញប្បទាន ប្រកបដោយចីរភាព សម្រាប់រថយន្តអគ្គិសនីម៉ាក BYD](https://cdn.cambonomist.com/media/images/Thumnbnail-3_BO6fmDq.2e16d0ba.fill-960x540.jpg)
![CNM09909](https://cdn.cambonomist.com/media/images/CNM09909.original.jpg)
កិច្ចសហប្រតិបត្តិការជាយុទ្ធសាស្រ្តក្នុងការផ្តល់ហិរញ្ញប្បទានពិសេសសម្រាប់រថយន្តអគ្គិសនីរវាងក្រុមហ៊ុនទាំងពីរនេះ មានគោលបំណងបង្កើនលទ្ធភាព និងភាពងាយស្រួលដល់អ្នកប្រើប្រាស់រថយន្តនៅប្រទេសកម្ពុជា ក្នុងការប្តូរមកប្រើប្រាស់រថយន្តថាមពលដោយអគ្គិសនី ដែលផ្តល់នូវផលវិជ្ជមានដល់បរិស្ថាន។ ក្រោមកិច្ចសហការជាដៃគូនេះ អតិថិជនមានលទ្ធភាពទិញរថយន្ត BYD ថ្មីសន្លាងជាមួយនឹងការបង់ប្រាក់ដំបូងត្រឹម ៣០% និងអាចបង់បន្តនូវទឹកប្រាក់ដែលនៅសល់ជាមួយនឹងជម្រើសហិរញ្ញប្បទានជាមួយនឹងធនាគារ មេយប៊ែង។
![CNM09872](https://cdn.cambonomist.com/media/images/CNM09872.original.jpg)
លើសពីនេះ អតិថិជនដែលចាប់អារម្មណ៍លើរថយន្ត BYD នឹងចំនេញពីកម្មវិធីហិរញ្ញប្បទានពិសេស សម្រាប់កម្ចីរថយន្តអគ្គិសនីពីធនាគារ មេយប៊ែង ចាប់ពីថ្ងៃនេះរហូតដល់ ថ្ងៃទី៣០ ខែកញ្ញា ឆ្នាំ២០២៤ ស្របទៅនឹងកំណើនតម្រូវការរបស់អតិថិជនក្នុងស្រុក។ អំឡុងពេលនៃកម្មវិធីផ្តល់ជូនពិសេសនេះ អតិថិជននឹងរីករាយជាមួយនឹងអត្រាការប្រាក់ត្រឹមតែ ៩% ប៉ុណ្ណោះ ក្នុងមួយឆ្នាំ ដែលទាបជាងបើធៀបទៅនឹងកម្ចីរថយន្តសាំង ឬម៉ាស៊ូត រីឯរយៈពេលកម្ចីអាចបត់បែនបានរហូតដល់ ៧ឆ្នាំ។
![CNM09888](https://cdn.cambonomist.com/media/images/CNM09888.original.jpg)
លោក រ័ត្ន សោភ័ណ នាយកប្រតិបត្តិ និងនាយកប្រចាំប្រទេសរបស់ធនាគារ មេយប៊ែង ខេមបូឌា បានសង្កត់ធ្ងន់លើការយកចិត្តទុកដាក់របស់ធនាគារចំពោះចីរភាព ដោយលោកបានគូសបញ្ជាក់ថា ពាក្យចីរភាព នៅធនាគារ មេយប៊ែង មិនគ្រាន់តែជាពាក្យដែលនិយាយដដែលៗនោះទេ ធាតុពិតវាជាស្នូលចម្បងមួយនៃយុទ្ធសាស្រ្តរបស់ធនាគារ និងអ្វីដែលកំពុងបានអនុវត្ត។ ជាក់ស្តែង ធនាគារ មេយប៊ែង មានយុទ្ធសាស្រ្តជាក់លាក់ ដែលផ្តោតទៅលើ ការបង្កើនហិរញ្ញប្បទានបៃតងឲ្យស្របទៅនឹងការបន្តប្តេជ្ញាចិត្តរបស់យើងចំពោះអនាគតប្រកបដោយចីរភាព។
![CNM09864](https://cdn.cambonomist.com/media/images/CNM09864.original.jpg)
លោក រ័ត្ន សោភ័ណ បានបន្ថែមទៀតថា ក្នុងនាមជាស្ថាប័នឯកជនមួយ យើងគាំទ្រ និងរួមចំណែកយ៉ាងពេញទំហឹងចំពោះផែនការយុទ្ធសាស្រ្តរបស់រដ្ឋាភិបាលកម្ពុជា ក្នុងការជម្រុញកំណើនការប្រើប្រាស់យានយន្តអគ្គិសនីនៅកម្ពុជា ដោយវាជាជំហានដ៏សំខាន់ក្នុងការឆ្ពោះទៅរកអនាគតដ៏ត្រចះត្រចង់ និងពណ៌បៃតង។ លោក បានអះអាងថា ក្នុងនាមជាគ្រឹះស្ថានហិរញ្ញវត្ថុ តួនាទីរបស់ធនាគារគឺដើម្បីធានាថាការផ្លាស់ប្តូរទៅកាន់យុគសម័យរថយន្តអគ្គិសនី គឺមានភាពងាយស្រួល និងរលូន។
![CNM09819](https://cdn.cambonomist.com/media/images/CNM09819.original.jpg)
លោកឧកញ៉ា លឹម កុកឡុង នាយកប្រតិបត្តិនៃក្រុមហ៊ុន ខៀវ អូតូ ខូអិលធីឌី បានបង្ហាញភាពវិជ្ជមានចំពោះភាពជាដៃគូនេះ នឹងជម្រុញឲ្យមានកំណើននៃការទទួលយករថយន្ត BYD ក្នុងប្រទេសកម្ពុជា ហើយលោកជឿជាក់ថា វានឹងជម្រុញឲ្យមានការផ្លាស់ប្តូរជាវិជ្ជមាន ក្នុងវិស័យយានយន្តនៅប្រទេសកម្ពុជា ជាពិសេសគឺភាពវិជ្ជមានចំពោះបរិស្ថាន។ លោកបានបន្ថែមថា តាមរយៈការផ្តល់ជាជម្រើសសម្រាប់អតិថិជននូវហិរញ្ញប្បទានពិសេស និងមានភាពបត់បែននេះ វានឹងជម្រុញឲ្យប្រជាជនកម្ពុជាកាន់តែបើកចិត្តទទួលយករថយន្តដែលផ្តល់ផលល្អដល់បរិស្ថាន ខណៈដែលតម្លៃរបស់វាក៏កាន់តែសមរម្យជាងមុនដែរ។ លោកឧកញ៉ា លឹម កុកឡុង ជឿជាក់ថា ក្រុមហ៊ុន BYD នឹងដឹកនាំបម្លាស់ប្តូរនៅប្រទេសកម្ពុជាក្នុងការប្តូរមកប្រើប្រាស់រថយន្តអគ្គិសនីបានកាន់តែច្រើន ខណៈភាពជាដៃគូររវាងគ្នានេះ គឺជាការបោះជំហានមួយយ៉ាងសំខាន់ក្នុងការសម្រេចទិសដៅនេះ។
សូមជម្រាបថា អតិថិជនដែលចាប់អារម្មណ៍រថយន្ត BYD និងចង់សិក្សាពីកម្ចី អាចមកប្រឹក្សាយ៉ាងងាយស្រួលនៅគ្រប់ ២១សាខា របស់ធនាគារ មេយប៊ែង ទូទាំងប្រទេសកម្ពុជា ឬទីតាំងសាលតាំងបង្ហាញរថយន្ត BYD សាខាមហាវិថីព្រះមុនីវង្ស ដែលផ្តល់នូវភាពងាយស្រួលកាន់តែខ្លាំងសម្រាប់អតិថិជនក្នុងការផ្លាស់ប្តូរ ឬមានបំណងទិញរថយន្តដំណើរការដោយថាមពលអគ្គិសនីដំបូងរបស់ពួកគេ៕
![CNM09794](https://cdn.cambonomist.com/media/images/CNM09794.original.jpg)
![CNM09829](https://cdn.cambonomist.com/media/images/CNM09829.original.jpg)
![CNM09796](https://cdn.cambonomist.com/media/images/CNM09796.original.jpg)
![CNM09771](https://cdn.cambonomist.com/media/images/CNM09771.original.jpg)
![CNM09930](https://cdn.cambonomist.com/media/images/CNM09930.original.jpg)
![CNM09774](https://cdn.cambonomist.com/media/images/CNM09774.original.jpg)
![CNM09752](https://cdn.cambonomist.com/media/images/CNM09752.original.jpg)
![CNM09735](https://cdn.cambonomist.com/media/images/CNM09735.original.jpg)
![CNM09740](https://cdn.cambonomist.com/media/images/CNM09740.original.jpg)
![CNM09743](https://cdn.cambonomist.com/media/images/CNM09743.original.jpg)
![CNM09727](https://cdn.cambonomist.com/media/images/CNM09727.original.jpg)
![CNM09720](https://cdn.cambonomist.com/media/images/CNM09720.original.jpg)
![CNM09719](https://cdn.cambonomist.com/media/images/CNM09719.original.jpg)
![CNM09724](https://cdn.cambonomist.com/media/images/CNM09724.original.jpg)
![CNM09718](https://cdn.cambonomist.com/media/images/CNM09718.original.jpg)
![CNM09717](https://cdn.cambonomist.com/media/images/CNM09717.original.jpg)