កម្ពុជា និងចិនបានបើកដំណើរជើងហោះហើរត្រង់ថ្មីរវាងខេត្តសៀមរាប និងទីក្រុងស៊ិនជិន
ជើងហោះហើររបស់ក្រុមហ៊ុនអាកាសចរណ៍ជាតិកម្ពុជា ដែលបានត្រលប់មកពីទីក្រុងស៊ិនជិន ប្រទេសចិន ដោយផ្ទុកអ្នកដំណើរពេញយន្តហោះបានចុះចតដោយសុវត្ថិភាពន…
សារព័ត៌មាន Financial Express បានរាយការណ៍ថា នៅក្នុងរយៈពេល១២ខែខាងមុខ ធនាគារកណ្តាលនៃបណ្តាប្រទេសភាគច្រើនទំនងជានឹងបន្តបញ្ចេញសាច់ប្រាក់ ដើម្បីប្រមូលទិញមាសស្តុកទុកធ្វើជាទុនបម្រុងសេដ្ឋកិច្ចរបស់ខ្លួនបន្ថែមទៀត។ គេកត់សម្គាល់ឃើញថា ចាប់តាំងពីឆ្នាំ២០២២ តម្លៃមាសឡើង ឬចុះវាមានទំនាក់ទំនងយ៉ាងជិតស្និទ្ធជាមួយចំណាត់ការរបស់ធនាគារកណ្តាលរបស់ប្រទេសនានា។
ក្រុមប្រឹក្សាមាសពិភពលោកបានឲ្យដឹងថា តម្លៃមាសនៅលើទីផ្សារអន្តរជាតិ រក្សាស្ថិរភាពជាមធ្យមប្រមាណ៤ពាន់១៤ដុល្លារក្នុងមួយតម្លឹងក្នុងរយៈពេលជាង២ខែមកនេះ ក្រោយវាបានហក់ឡើងថ្លៃដល់៤ពាន់២រយដុល្លារក្នុងមួយតម្លឹងកាលពីខែមេសា។
ក្រុមប្រឹក្សានេះ បានសង្កត់ធ្ងន់ថា ខាងលើនេះ គ្រាន់តែជាតម្លៃមាសបច្ចុប្បន្ន តែទៅអនាគតគេមិនដឹងទេថា តម្លៃមាសនឹងមានស្ថានភាពយ៉ាងណានោះទេ ក្រោយ៤៣%នៃអ្នកជំនាញការនៅធនាគារកណ្តាលរបស់ប្រទេសនានា ដែលគេបានស្ទង់មតិ បានបង្ហាញថា ធនាគារកណ្តាលទាំងនេះភាគច្រើនមានគម្រោងនឹងបង្កើនទុនបម្រុងជាមាសបន្ថែមទៀត ហើយក្រៅពីនោះ៩៥% ជឿជាក់ថា នៅក្នុងរង្វង់១២ខែ ខាងមុខនេះតម្រូវការមាសជាទុនបម្រុងនឹងមានកំណើនបន្តថែមមួយកម្រិតទៀត៕
ដោយៈ សរ សុជាតិ
