UN ព្រមានថា វិបត្តិទុរ្ភិក្សសកលនឹងកាន់តែអាក្រក់ទៅៗហើយ ចំពេលប្រទេសអ្នកមានមួយចំនួនឈប់ផ្ដល់ជំនួយមនុស្សធម៌
អង្គការសហប្រជាជាតិ ដែលជាអង្គការជំនួយកំពូលរបស់ពិភពលោកបានព្រមានថា វិបត្តិទុរ្ភិក្ស ឬភាពអត់ឃ្លានសកល នឹងកាន់តែអាក្រក់ទៅៗ នៅពេលដែលប្រទេសធំៗ…
សំណង់អគារខុនដូថ្មីនៅក្នុងទីក្រុងតូក្យូ ប្រទេសជប៉ុន ត្រូវបានគេរំពឹងថា នឹងកើនឡើងប្រហែល ២ម៉ឺន៦ពាន់ យូនីតបន្ថែមទៀតនៅឆ្នាំក្រោយ ពោលគឺមានការកើនឡើង ១៣% បើធៀបនឹងឆ្នាំ២០២៤ ។
ពាក់ព័ន្ធនឹងស្ថានភាពនេះ អ្នកវិភាគនៅវិទ្យាស្ថានសេដ្ឋកិច្ចអចលនទ្រព្យ ដែលមានមូលដ្ឋាននៅទីក្រុងតូក្យូបាននិយាយថា បើមើលលើសិ្ថតិ ពិតជាបង្ហាញពីកំណើនមែន ប៉ុន្តែស្ថានភាពទីផ្សារជាក់ស្ដែងនៅមិនទាន់ប្រសើរឡើងនៅឡើយទេ ហើយម្យ៉ាងទៀត កំណើននេះ គឺចេញមកពីមូលដ្ឋាននៃការធ្លាក់ចុះទាបនាពេលកន្លងមកតែប៉ុណ្ណោះ។
ប្រភពដដែលបានលើកឡើងថា នៅក្នុងឆ្នាំ២០២៤ មានខុនដូថ្មីតែ ២ម៉ឺន៣ពាន់យូនីតប៉ុណ្ណោះ ដែលបានសាងសង់ ពោលគឺមានការធ្លាក់ចុះដល់ទៅ ១៤,៤ % ធៀបនឹងឆ្នាំ២០២៣។ ស្ថិតិនៃខុនដូថ្មីនេះ គឺនៅតែទាបជាងពេលណាទាំងអស់បើរាប់ចាប់តាំងពី ពេលដែលគេបានកត់ត្រាតួរលេខមកតាំងពីឆ្នាំ១៩៧៣មក។
លោក តាគុនយ៉ា ស៊ូមីដា (Takuya Sumida ) អ្នកគ្រប់គ្រងជាន់ខ្ពស់ នៃអាជីវកម្មខុនដូ Daiwa House Industry បាននិយាយថា ពីមុនសំណង់អគាខុនដូ ដាក់លក់នៅមុនពេលគម្រោងមិនទាន់សាងសង់បញ្ចប់ ប៉ុន្តែនៅពេលនេះ គម្រោងខ្លះ ទោះបីជាសាងសង់ហើយក៏នៅតែបន្តប្រកាសលក់បន្តទៀត។
អ្នកវិភាគបានលើកឡើងថា ស្ថានភាពទីផ្សារខុនដូនៅជប៉ុននៅពេលនេះ វាមិនជាអាក្រក់ តែវាក៏មិនជាល្អប៉ុន្មានដែរ ប៉ុន្តែទោះបីជាយ៉ាងណាក៏ដោយតម្រូវការ និងការលក់ខុនដូនៅតែមានសកម្មភាពជាបន្តបន្ទាប់ ។
កាលពីឆ្នាំ២០២៣កន្លង ទៅតម្លៃខុនដូ គិតជាយូនីតនៅតាមអគានៅកណ្តាលទីក្រុងតូក្យូ មានតម្លៃប្រមាណជា ៦៤ម៉ឺនដុល្លារ ហើយនៅក្នុងឆ្នំា២០២៤នេះគឺឡើងដល់ប្រមាណជា ៧២ ម៉ឺនដុល្លារ ។ តាមការការព្យាករណ៍គេប៉ាន់ប្រមាណថា នៅឆ្នាំ២០២៥ខាងមុខតម្លៃខុនដូនេះ នឹងបន្តឡើងនៅក្នុងកម្រិតប្រហាក់ប្រហែលនឹងតម្លៃពីឆ្នាំ២០២៣ ទៅឆ្នាំ២០២៤ ។
បញ្ហាដែលខុនដូនៅតូក្យូ ស្ថិតនៅក្នុងស្ថានភាពបែបនេះ គឺដោយសារតែអ្នកអភិវឌ្ឍន៍អចលនទ្រព្យកំពុងពិបាកក្នុងការទិញដី ហើយការជួលបានក្លាយជាជម្រើសនៃភាពចាំបាច់សម្រាប់ការសាងសង់ខុនដូបន្ថែមទៀត៕
ដោយៈ សរ សុជាតិ
