អាម៉េរិកព្រមានថា ប្រទេសទាំងអស់រួមទាំងកម្ពុជានឹងរងពន្ធបដិការតាមការកំណត់ បើមិនសម្រេចបានកិច្ចព្រមព្រៀងក្នុងការចរចា
ប្រទេស ដែលជាដៃគូពាណិជ្ជកម្មរបស់អាម៉េរិកទាំង១៨ រួមទាំងកម្ពុជា ក្នុងចំណោមប្រទេសទាំងអស់ ដែលរងគំនាបពន្ធបដិការ ដែលបានប្រកាសកាលពីថ្ងៃទី២ ខែ…
ការឆ្លងរីករាលដាលនៃមេរោគកូវីដ-១៩ បានកម្រើកឡើងវិញនៅផ្នែកខ្លះនៃទ្វីបអាស៊ី ជាពិសេសនៅកោះហុងកុង សិង្ហបុរី ចិន និងថៃ បន្ទាប់ពីវាបានស្ងប់ស្ងាត់អស់រយៈពេលជាច្រើនកន្លងមកនេះ។ អាជ្ញាធរហុងកុងមិនបានបញ្ចេញតួរលេខនៃការឆ្លងថ្មី នៃមេរោគកូវីដ-១៩ នៅឡើយទេ គ្រាន់តែអះអាងថា អត្រានៃការឆ្លងបានឈានដល់កម្រិតមួយខ្ពស់គួរឱ្យព្រួយបារម្ភ។ ជាមួយគ្នានេះ អាជ្ញាធរសុខភាពរបស់កោះនេះកំពុងតាមដានយ៉ាងយកចិត្តទុកដាក់លើបញ្ហានេះ។
ចំណែកនៅប្រទេសសិង្ហបុរី ឯណោះវិញ ក្រសួងសុខាភិបាលរបស់ប្រទេសនេះបានបង្ហាញថា ករណីឆ្លងកូវីដ-១៩ នៅខែឧសភា បានកើនឡើង២៨% ដោយករណីឆ្លងសរុបមានប្រមាណ១ម៉ឺន៤ពាន់ករណី ខណៈដែល៣០%នៃអ្នកឆ្លង គឺបានចូលមន្ទីរពេទ្យ។
ជាមួយគ្នានេះអាជ្ញាធរចិន ដែលកំពុងរងការវាយលុកពីរលកថ្មីនៃការឆ្លងមេរោគកូវីដ-១៩ ដែរនោះក៏មិនបានបង្ហាញពីតួលេខនៃអ្នកឆ្លងនោះដែរ ប៉ុន្តែមជ្ឈមណ្ឌលគ្រប់គ្រង និងបង្ការជំងឺឆ្លងរបស់ចិន បានរាយការណ៍ថា អត្រាធ្វើតេស្តវិជ្ជមានកូវីដ-១៩ នៅតាមមន្ទីរពេទ្យបានកើនឡើងជាងពីរដងក្នុងរយៈពេល៥សប្តាហ៍ចុងក្រោយនេះ។
សម្រាប់ប្រទេសថៃ ដែលជាអ្នកក្បែរខាងកម្ពុជាវិញ អត្រានៃការរកឃើញមេរោគកូវីដ-១៩ បានចាប់ផ្តើមស្ទុះឡើងក្រោយពិធីបុណ្យសង្រ្កាន្តឆ្នាំថ្មីកាលពីខែមេសា។ សារព័ត៌មានបាងកកប៉ុស្តិ៍ បានរាយការណ៍ កាលពីសប្តាហ៍មុននៅថៃ មានអ្នកឆ្លងកូវីដ-១៩ រហូតដល់ទៅជាង៣ម៉ឺន៣ពាន់នាក់ ក្នុងនោះជិត២ពាន់នាក់បានចូលសម្រាកមន្ទីរពេទ្យ ហើយវាបានសម្លាប់មនុស្ស២នាក់។ ទន្ទឹមនេះ ថៃ ក៏បានប្រកាសរកឃើញនូវវត្តមានមេរោគកូវីដ-១៩ អូមីក្រុង XEC ដែលអាចរីករាលដាលលឿនជាងប្រភេទ អូមីក្រុងផ្សេងទៀតក្នុងល្បឿនពី៨៤ទៅ១១០%ឯណោះ។
មេរោង XEC គឺជាប្រភេទ Omicron ដែលទើបលេចចេញថ្មី ដែលត្រូវបានកំណត់អត្តសញ្ញាណដំបូងក្នុងប្រទេសអាល្លឺម៉ង់ ក្នុងខែមិថុនា ឆ្នាំ២០២៤។ ឥឡូវនេះវាត្រូវបានគេរកឃើញនៅក្នុងប្រទេសយ៉ាងហោចណាស់ ១៥ នៅទូទាំងទ្វីបអឺរ៉ុប អាម៉េរិកខាងជើង និងអាស៊ី៕
ដោយៈ សរ សុជាតិ
