តើមានកត្តារាំងស្ទះអ្វីខ្លះធ្វើឱ្យការទាក់ទាញភ្ញៀវទេសចរមកពីអឺរ៉ុបរបស់កម្ពុជា នៅមានកម្រិត?
ប្រទេសកម្ពុជា ពោរពេញទៅដោយតំបន់ទេសចរណ៍សម្បូរបែបទាំងតំបន់ឆ្នេរសមុទ្រ អេកូទេសចរណ៍បែបធម្មជាតិ និងរមណីយដ្ឋានប្រវត្តិសាស្ត្រមិនចាញ់ប្រទេសនានា …
លោក ម៉ែន សុភក្តិ ប្រធានសមាគមអភិវឌ្ឍន៍កៅស៊ូកម្ពុជា បានគូសបញ្ជាក់ថា បើទោះបីជាស្ថានភាពសេដ្ឋកិច្ចសកលនៅតែបន្តស្ថិតក្នុងភាពមិនច្បាស់លាស់ និងបញ្ហាសង្រ្គាមនានានៅតែបន្តកើតមានយ៉ាងណាក៏ដោយ ក៏ទីផ្សារនាំចេញជ័រកៅស៊ូរបស់កម្ពុជា ទៅកាន់ទីផ្សារអន្តរជាតិ នៅតែមានតម្រូវការខ្ពស់។ បើតាមការអះអាងរបស់ប្រធានសមាគមរូបនេះ កត្តាដែលជំរុញឱ្យជ័រកៅស៊ូរបស់កម្ពុជាមានតម្រូវការខ្ពស់ គឺដោយសារការផ្គត់ផ្គង់ផលិតផលជ័រកៅស៊ូនៅលើទីផ្សារអន្តរជាតិ មានតិចជាងតម្រូវការប្រើប្រាស់ ក្រោយប្រទេសមួយចំនួនដូចជាឥណ្ឌូនេស៊ី ម៉ាឡេស៊ី និងថៃជាដើម បានកាត់បន្ថយការដាំដុះកៅស៊ូ។ ទន្ទឹមនឹងការនាំចេញជ័រកៅស៊ូមានការកើនឡើង តម្លៃជ័រកៅស៊ូនៅកម្ពុជា ក៏បានហក់ឡើងថ្លៃដូចគ្នាដែរនៅឆ្នាំនេះ ដោយជ័រកៅស៊ូកម្ពុជាបច្ចុប្បន្នអាចលក់បានក្នុងតម្លៃប្រមាណ១ពាន់៦រយដុល្លារក្នុង១តោនកើនឡើងប្រមាណជិត១០០ដុល្លារក្នុង១តោន។
ពាក់ព័ន្ធការដាំដុះនិងទិន្នផលកៅស៊ូនៅឆ្នាំនេះវិញ ត្រូវបានលោក ម៉ែន សុភក្តិ អះអាងថា បញ្ហាអាកាសធាតុក្តៅខ្លាំងបានធ្វើឱ្យប៉ះពាល់ដល់ការលូតលាស់របស់កូនកៅស៊ូតូចៗ និងបានទាញទម្លាក់ទិន្នផលជ័រកៅស៊ូនៅឆ្នាំនេះផងដែរ។ តែយ៉ាងណាលោកអះអាងថា បញ្ហានេះមិនបង្ករផលប៉ះពាល់ដល់បរិមាណនាំចេញជ័រកៅស៊ូរបស់កម្ពុជា នោះទេ។
បើយោងតាមគូសបញ្ជាក់របស់លោក ឃុន កក្កដា អគ្គនាយកស្តីទីនៃអគ្គនាយកដា្ឋនកៅស៊ូ នៅក្នុងរយៈពេល៤ខែដើមឆ្នាំ២០២៤នេះ កម្ពុជារកចំណូលបានជាង១២៥លានដុល្លារ ពីការនាំចេញជ័រកៅស៊ូ និងឈើកៅស៊ូកើនឡើងជាង១២% បើធៀបនឹងរយៈពេលដូចគ្នាកាលពីឆ្នាំមុន។ ក្នុងនោះការនាំចេញជ័រកៅស៊ូសម្រេចបានប្រមាណ១២៥លានដុល្លារ ខណៈការនាំចេញឈើកៅស៊ូសម្រេចបានជាង៦១ម៉ឺនដុល្លារ។
សូមជម្រាបថា ជ័រកៅស៊ូ និងផលិតផលធ្វើពីកៅស៊ូរបស់កម្ពុជាភាគច្រើនត្រូវបាននាំចេញទៅទីផ្សារអាស៊ី ដូចជាប្រទេសចិន វៀតណាម ម៉ាឡេស៊ី សិង្ហបុរី និងប្រទេសជប៉ុនជាដើម។ គិតត្រឹមឆ្នាំ២០២៣ កម្ពុជា មានផ្ទៃដីដាំកៅស៊ូសរុបជាង៤០ម៉ឺនហិកតា ក្នុងនោះផ្ទៃដីចម្ការកៅស៊ូកសិ-ឧស្សាហកម្ម មានជាង៤ម៉ឺន៦ពាន់ហិកតា, ផ្ទៃដីចម្ការកៅស៊ូសម្បទានដីសេដ្ឋកិច្ចមានជាង១៨ម៉ឺនហិកតា និងផ្ទៃដីចម្ការកៅស៊ូគ្រួសារមានជាង១៨ម៉ឺនហិកតា។ ដោយឡែក ផ្ទៃដីចៀរជ័រកៅស៊ូមានប្រមាណ៣២ម៉ឺនហិកតា និងផ្ទៃដីថែទាំមានជាង៨ម៉ឺនហិកតា៕
None
