ការចុះហត្ថលេខាលើអនុស្សរណៈនៃការយោគយល់គ្នារវាង ក្រុមហ៊ុន មេគង្គ លែន ឌីវេឡុបម៊ិន ឯ.ក និង ក្រុមហ៊ុន ឡឺហ្ក្រង់ អេឡិចទ្រីក

គួរបញ្ចាក់ផងដែរថា ក្រុមហ៊ុន ឡឺហ្ក្រង់ អេឡិចទ្រីក

គឺអ្នកឯកទេសជាសកលលើវិស័យហេដ្ឋារចនាសម្ព័ន្ធអគ្គិសនីនិងអគារបែបទំនើប ហើយក៏ជា ក្រុមហ៊ុនឈានមុខគេលើទីផ្សារអន្តរជាតិយ៉ាងហោចណាស់ 27 ប្រទេស ត្រូវបានគេទទួលស្គាល់ អំពីគុណភាព របស់ផលិតផល​។ នៅជុំវិញពិភពលោក ក្រុមហ៊ុននេះបានធ្វើការដើម្បីបង្កើនហេដ្ឋារចនាសម្ព័ន្ធអគារអគ្គិសនី និងឌីជីថល ដោយជួយធ្វើឌីជីថលពួកគេកាត់បន្ថយកម្រិតកាបូន ហើយ ឡឺហ្ក្រង់ (Legrand ) មានដំណោះស្រាយសម្រាប់គ្រប់ប្រភេទនៃអគារ - អគារលំនៅដ្ឋាន មជ្ឈមណ្ឌលទិន្នន័យ និងអគារដែលមិនមែនជាលំនៅដ្ឋានផ្សេងៗទៀតច្រើន ។

ជំនាញបច្ចេកវិទ្យាដែលមានមុខតំណែងឈានមុខគេ ទាំងភាពធំទូលាយ ភាពខុសគ្នានៃការផ្តល់ជូនរបស់ខ្លួន វត្តមានក្នុងឆាកអន្តរជាតិ និងអំណាចនៃម៉ាកយីហោមួួយនេះ បានរួមបញ្ចូលគ្នាដើម្បីធ្វើឲ្យ ឡឺហ្ក្រង់ (Legrand ) ក្លាយជាអ្នកបង្កើនល្បឿនពិភពលោក ហើយមានវត្តមាននៅក្នុងប្រទេសជិត 90 ដែលមានកម្លាំងការងារសរុបជាង 38,200 នាក់ បានបង្កើតការលក់ជិត 7 ពាន់លានអឺរ៉ូក្នុងឆ្នាំ 2021 ។ ក្រុមហ៊ុនមួយនេះក៏មានវត្តមាននៅក្នុងប្រទេសកម្ពុជាតាមរយៈអ្នកចែកចាយអស់រយៈពេលជាង 20 ឆ្នាំមកហើយដែរ ដោយមានក្រុមហ៊ុន និងអគាធំៗជាច្រើនជ្រើសរើសយកទៅប្រើប្រាស់ ។

ដោយការសំឡឹងមើលឃើញអំពី ភាពខ្លាំងនៃផលិតផលរបស់ក្រុមហ៊ុនមួយនេះទើប ក្រុមហ៊ុន មេគង្គ លែន ឌីវេឡុបម៉ិន ឯ.ក បានសម្រេច ចាប់យកភាពជាដៃគូ សម្រាប់ការផ្តល់ជូន អតិថិជន នូវផលិតផលមួយដែលមានគុណភាពខ្ពស់ ។ នេះក៏បានបង្ហាញពីគុណសម្បត្តិថា បុរី មេគង្គ លែនដែលថា មិនត្រឹមតែជាក្រុមហ៊ុនអភិវឌ្ឍន៍លំនៅឋានដ៏រឹងមាំមួយតាមរយៈការរចនា គុណភាពនៃអចលនទ្រព្យប៉ុណ្ណោះទេ សូម្បីតែ ការដំឡើងគ្រឿងសម្ភារបរិក្ខានីមួយៗ គ្រឿងដំឡើងប្រព័ន្ធ អគ្គីសនី សម្ភារបន្ទប់ទឹក ក៏ក្រុមហ៊ុន បានគិតគូយ៉ាងដិតដល់ និងសម្រឹតសម្រាំងជាទីបំផុត ជូនដល់អតិថិជន ។

សម្រាប់ម៉ូតផ្ទះទាំងអស់របស់បុរី មេគង្គលែន ត្រូវបានរចនាឡើងតាមរចនាបថ អឺរ៉ុប ដើម្បីបំពេញជាមួយនឹងតម្រូវការរស់នៅជាក់ស្តែងរបស់អតិថិជនសម្រាប់បទពិសោធន៍រស់នៅបែបអភិជន ពោរពេញទៅដោយឧត្តមភាព និងភាពស៊ីវីល័យ សម្រាប់ម៉ូតផ្ទះវិញគឺមានច្រើនជម្រើស រួមមាន៖ វីឡាឃីង វីឡាឃ្វីន វីឡាភ្លោះ ផ្ទះប្រកបអាជីវកម្ម និង វីឡាកូនកាត់ ។ សព្វថ្ងៃក្រុមហ៊ុននេះមានគម្រោងធំៗចំនួនពីរបានដោយជោគជ័យ នោះគឺ គម្រោង ហ្គោលឌិន អាវិននូ ដែលមានទីតាំងស្ថិតនៅលើផ្លូវ២០១១ ហួសវត្តក្រាំងធ្នង់ជិត១គីឡូម៉ែត្រ និង គម្រោង មេគង្គ ស៊ីធី ស្ថិតលើផ្លូវជាតិ៦អា ហួសស្ពានទី១០ ប្រមាណ ១៥០ម៉ែត្រ ៕