IMF ព្យាករថា កូរ៉េខាងត្បូង នឹងបន្តវ៉ាឈ្នះប្រទេសជប៉ុន និងតៃវ៉ាន់នៅឆ្នាំនេះ
យោងតាមរបាយការណ៍របស់ស្ថាប័នមូលនិធិរូបិយវត្ថុអន្តរជាតិ IMF បង្ហាញថា ប្រាក់ចំណូលជាមធ្យមសម្រាប់ពលរដ្ឋម្នាក់ៗរបស់ប្រទេសកូរ៉េខាងត្បូង នឹងកើនល…
ក្រុមហ៊ុនផលិតរថយន្ត Tesla របស់មហាសេដ្ឋីអាម៉េរិក អេឡិន ម៉ាស បានអះអាងថា តម្លៃភាគហ៊ុនរបស់ក្រុមហ៊ុននេះបានកើនឡើង២២% ឈានដល់២៦០.៤៨ដុល្លារក្នុងមួយហ៊ុន កាលពីថ្ងៃព្រហស្បតិ៍ សប្តាហ៍នេះ ដែលជាតម្លៃខ្ពស់បំផុតសម្រាប់ភាគហ៊ុនរបស់ក្រុមហ៊ុនអាម៉េរិកមួយនេះចាប់តាំងពីឆ្នាំ២០១៣ មក។ នៅមុននេះមួយថ្ងៃ ក្រុមហ៊ុនថេស្លា ក៏បានរាយការណ៍ពីការទទួលបានប្រាក់ចំណូលរហូតដល់ជាង២៥ពាន់លានដុល្លារនៅឆ្នាំនេះ ដោយបានកើនឡើង៨% បើធៀបនឹងរយៈពេលដូចគ្នាកាលពីឆ្នាំមុន។
ក្រុមអ្នកវិភាគនៅក្រុមហ៊ុន JPMorgan បានគូសបញ្ជាក់ថា ការបង្ហាញប្រាក់ចំណូលដ៏គួរឱ្យភ្ញាក់ផ្អើលនេះបានជំរុញឱ្យតម្លៃភាគហ៊ុនរបស់ក្រុមហ៊ុន ថែស្លា ហក់ឡើងខ្ពស់កាលពីថ្ងៃព្រហស្បតិ៍ ក្រោយអ្នកវិនិយោគមើលឃើញពីភាពវិជ្ជមានមួយនេះ។
ប្រាក់ចំណូលរបស់ក្រុមហ៊ុនថេស្លានេះ ក៏ទទួលបានពីការជំរុញនៃកម្មវិធី FSD ដែលជាប្រព័ន្ធគ្រប់គ្រងការបើកបរដោយខ្លួនឯងរបស់ក្រុមហ៊ុននេះ។ ប្រធានមន្ត្រីហិរញ្ញវត្ថុនៅក្រុមហ៊ុនថេស្លា លោក វ៉េបហាវ តាណេចា (Vaibhav Taneja) បាននិយាយថា ប្រព័ន្ធ FSD បានរួមចំណែកដល់ប្រាក់ចំណូលនេះចំនួន៣២៦លានដុល្លារនៅក្នុងត្រីមាសទី៣នេះ បន្ទាប់ពីក្រុមហ៊ុនថេស្លាបានដាក់ឱ្យដំណើរការកម្មវិធីនេះជាមួយ Cybertruck៕
អត្ថបទ៖ សុខ មង្គល
