លោក Tim Leelahaphan សេដ្ឋវិទូប្រចាំប្រទេសវៀតណាម និងថៃនៃធនាគារ Standard Chartered បាននិយាយថា ការស្ទុះងើបឡើងវិញនៃសេដ្ឋកិច្ចរបស់វៀតណាមអាចនឹងចាប់ផ្តើមឆ្ពោះទៅរកកម្រិតខ្ពស់ នៅចុងត្រីមាសទី ១ ឆ្នាំ ២០២២ ហើយបន្ទាប់មកនឹងបន្ដកំណើនក្នុងរយៈពេលមធ្យម។ ជាមួយគ្នានេះ លោករំពឹងថា តំបន់អាស៊ាន និងអាស៊ីអាគ្នេយ៍មួយនេះ នឹងនៅតែជាផ្នែកសំខាន់នៃខ្សែចង្វាក់ផ្គត់ផ្គង់ពិភពលោក ដោយហេតុថា តំបន់នេះជាទីតាំងដ៏ល្អសម្រាប់ក្រុមហ៊ុនវិនិយោគ ខណៈដែលមានការកើនឡើងប្រាក់ឈ្នួលនៅក្នុងប្រទេសចិន ភាពតានតឹងពាណិជ្ជកម្មរវាងសហរដ្ឋអាមេរិក និងចិន បានបង្ខំក្រុមហ៊ុននានាឱ្យផ្លាស់ប្តូរមជ្ឈមណ្ឌលផលិតកម្មរបស់ពួកគេចេញពីប្រទេសចិនមកកាន់តំបន់អាស៊ីអាគ្នេយ៍។
អត្ថបទគួរអាន
ក្នុងនោះ វៀតណាមគឺជាទីផ្សារដ៏សំខាន់មួយនៅក្នុងមូលដ្ឋានអាស៊ី របស់ធនាគារ Standard Chartered ហើយធនាគារនេះក៏ ប្តេជ្ញាចិត្តក្នុងការវិនិយោគនៅក្នុងប្រទេសនេះ ដើម្បីជួយផ្តល់ហិរញ្ញប្បទានដល់ការអភិវឌ្ឍប្រកបដោយនិរន្តរភាព និងធានាបាននូវវិបុលភាពសេដ្ឋកិច្ចកាន់តែច្រើនបន្ថែមទៀត។
នាយកប្រតិបត្តិនៃធនាគារ Standard Chartered វៀតណាមបានឱ្យដឹងថា វៀតណាមកំពុងដើរតួនាទីយ៉ាងសំខាន់កាន់តែខ្លាំងឡើងក្នុងពាណិជ្ជកម្មអន្តរជាតិ និងខ្សែចង្វាក់ផ្គត់ផ្គង់ពិភពលោក។ ក្នុងនាមជាធនាគារអន្តរជាតិឈានមុខគេនៅវៀតណាម ធនាគារនេះនៅតែប្តេជ្ញាចិត្តយ៉ាងពេញលេញក្នុងការជួយដល់ការងើបឡើងវិញ និងកំណើនប្រកបដោយនិរន្តរភាពរបស់ប្រទេសវៀតណាមនៅឆ្នាំ ២០២២ និងឆ្នាំខាងមុខទៀត៕
អត្ថបទ ស៊ើង និមល់
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
