ចំនួនឥណទានសងយឺតលើស៣០ថ្ងៃ ក្នុងវិស័យមីក្រូហិរញ្ញវត្ថុកើនដល់៩,៥% នៅត្រីមាសទី១ឆ្នាំនេះ
មន្ត្រីជាន់ខ្ពស់នៃសមាគមមីក្រូហិរញ្ញវត្ថុកម្ពុជា បានវាយតម្លៃថា ស្ថានភាពហិរញ្ញវត្ថុក្នុងវិស័យមីក្រូហិរញ្ញវត្ថុកម្ពុជា នៅត្រីមាសទី១ ឆ្នាំ២០២៥ នៅត…
លោកវេជ្ជបណ្ឌិត ផានូម៉ាស យ៉ានវេតគុល (Panumas Yanwetskul) ប្រធាននាយកដ្ឋាន DDC បាននិយាយកាលពីថ្ងៃព្រហស្បតិ៍ ថា តាំងពីដើមឆ្នាំនេះមក មនុស្សចំនួនជាង៤ម៉ឺននាក់ បានសម្រាកព្យាបាលជំងឺកូវីដ-១៩ នៅមន្ទីរពេទ្យ ក្នុងនោះមានអ្នកស្លាប់១៥នាក់ ភាគច្រើនជាមនុស្សមានអាយុចាប់ពី៦០ឆ្នាំឡើងទៅ។ ទន្ទឹមនេះ ក៏មានអ្នកជំងឺគ្រុនផ្តាសាយជាង៣២ម៉ឺននាក់ក្នុងនោះមានអ្នកស្លាប់ចំនួន៤៣នាក់ ផងដែរ។ នៅចន្លោះពេលពីថ្ងៃទី៤ ដល់ថ្ងៃទី៨ ខែឧសភា មានអ្នកជំងឺកូវីដ-១៩ចំនួនជាង៧ពាន់នាក់ ក្នុងនោះមានអ្នកស្លាប់ម្នាក់ ហើយអ្នកជំងឺភាគច្រើនមានអាយុចន្លោះក្រោម៥ឆ្នាំ។
លោកវេជ្ជបណ្ឌិតរូបនេះ បាននិយាយថា ប្រទេសថៃ អាចបន្តឆ្លងជំងឺនេះថែមទៀត ដោយសារមេរោគនេះបានរីករាលដាលនៅក្នុងស្ថានភាពមានមនុស្សច្រើន និងរងឥទ្ធិពលដោយសារអាកាសធាតុ ជាពិសេសក្នុងរដូវវស្សាតែម្ដង។ ជាក់ស្ដែងកាលពីអំឡុងបុណ្យចូលឆ្នាំថ្មីនៅថៃ គេជឿថា មានករណីឆ្លងជំងឺច្រើន ប៉ុន្តែទោះជាយ៉ាងណាតួលេខឆ្លងនៅឆ្នាំនេះ គឺទាបជាងពេលដូចគ្នាកាលពីពីរឆ្នាំមុន។
ជាមួយគ្នានេះអ្នកជំនាញរូបនេះ ក្រើនរំលឹកឱ្យណែនាំកុមារឱ្យអនុវត្តតាមការណែនាំអំពីការបង្ការជំងឺឆ្លងយ៉ាងតឹងរ៉ឹង គឺត្រូវរក្សាគម្លាត ពាក់ម៉ាស់ និងលាងដៃឱ្យបានញឹកញាប់នៅក្នុងស្ថានភាពមានមនុស្សច្រើន ដែលវានឹងកើតឡើងបន្ទាប់ពីសាលារៀនភាគច្រើននឹងបើកទ្វារដំណើរការនៅសប្តាហ៍ក្រោយនេះ៕
