រដ្ឋមន្ត្រីក្រសួងពាណិជ្ជកម្មថៃណលោក ជូរីន ឡាក់សានាវិសិត បានឲ្យដឹងថា ការចុះហត្ថលេខាលើអនុស្សរណៈយោគយល់គ្នានឹងត្រូវរៀបចំឡើងនៅ ចុងខែមីនានេះ។ ហើយកិច្ចព្រមព្រៀងនេះនឹង គ្របដណ្តប់លើអង្ករបរិមាណជិតមួយលានតោនក្នុងមួយឆ្នាំសម្រាប់រយៈពេល ៤ ឆ្នាំ។
យ៉ាងណាមិញ ទោះបីមានអនុស្សរណៈយោគយល់គ្នាមែន តែតម្លៃអង្ករនឹងអាស្រ័យលើការប្រែប្រួលតម្លៃក្នុងទីផ្សារប្រទេសទាំងពីរ និងតម្លៃទីផ្សារសកលផងដែរ។
គួររំឭកផងដែរថា អំឡុងឆ្នាំ ២០១២ ដល់ ២០១៦ ថៃធ្លាប់បាននាំចេញអង្ករទៅកាន់ឥណ្ឌូនេស៊ីប្រមាណជាង ៩២ម៉ឺនតោនរួចមកហើយ ដែលកាលពីមុនឆ្នាំ២០១២ ប្រទេសទាំងពីរមិនមានកិច្ចព្រមព្រៀងនឹងគ្នានោះទេ ព្រោះរដ្ឋាភិបាលឥណ្ឌូនេស៊ីចង់ជំរុញផលិតកម្មស្រូវក្នុងស្រុកដោយខ្លួនឯង។
អត្ថបទទាក់ទង
ទោះយ៉ាងណាក៏ដោយចុះ ប្រទេសឥណ្ឌូនេស៊ីនៅតែប្រឈមមុខនឹងកង្វះខាតការផ្គត់ផ្គង់អង្ករក្នុងស្រុកក្នុងរយៈពេលប៉ុន្មានឆ្នាំចុងក្រោយនេះ ដោយសារតែគ្រោះមហន្តរាយធម្មជាតិ។
គួរកត់សម្គាល់ថា នៅមួយរយៈចុងក្រោយនេះ ថៃជួបប្រទះការលំបាកក្នុងការនាំចេញអង្កររបស់ខ្លួនទៅទីផ្សារពិភពលោក ដោយហេតុថា ប្រាក់បាតមានតម្លៃថ្លៃ ហើយវាបានធ្វើឱ្យអង្ករថៃមានតម្លៃថ្លៃជាងរបស់ប្រទេសដៃគូប្រកួតប្រជែងឯទៀត។
បើយើងប្រៀបធៀបតម្លៃនាំចេញអង្ករ នៅតាមប្រទេសនាំចេញធំៗក្នុងទ្វីបអាស៊ីវិញឃើញថា អង្កររបស់ថៃមានតម្លៃជាងគេ។ ជាក់ស្ដែង អង្ករថៃមានតម្លៃ ៥៥០ដុល្លារក្នុងមួយតោន ខណៈប្រភេទអង្ករវៀតណាមដែលស្រដៀងអង្ករថៃដែរនោះ មានតម្លៃត្រឹមតែ ៥១៣ ទៅ ៥១៧ដុល្លារក្នុងមួយតោន ឥណ្ឌា ៣៩៨ ទៅ ៤០២ ដុល្លារក្នុងមួយតោន និងប៉ាគីស្ថានមានតម្លៃ ៤៣៨ ទៅ ៤៤២ ដុល្លារក្នុងមួយតោន៕
None
