លោក ត្រាំ បានជជែកតាមទូរសព្ទជាមួយមេដឹកនាំចិន និងជប៉ុន ដែលកំពុងមានជម្លោះជាមួយគ្នាជាបន្តបន្ទាប់
ក្រោយមេដឹកនាំចិន លោក ស៊ី ជីនពីង បានជួបជជែកគ្នាតាមទូរសព្ទជាមួយលោក ត្រាំ កាលពីថ្ងៃចន្ទ នាយករដ្ឋមន្ត្រីជប៉ុន លោកស្រី សាណាអិ តាកាអ៊ិឈិ ក៏ប…
សារព័ត៌មាន VN Express បានរាយការណ៍ថា អាជ្ញាធរក្រុងហាណូយ គ្រោងផ្តល់ការលើកទឹកចិត្តជាថវិកាចំនួន១៩០ដុល្លារសម្រាប់ម្ចាស់ម៉ូតូប្រើសាំងដែលមានបំណងចង់ប្តូរទៅប្រើម៉ូតូអគ្គិសនី។ ផែនការរបស់គណៈកម្មាធិការប្រជាជនក្រុងនេះ នឹងសម្រេចនៅក្នុងកិច្ចប្រជុំក្រុមប្រឹក្សាក្រុងនៅសប្តាហ៍នេះ។ តែយ៉ាងណាការផ្តល់ថវិកានេះ គឺសម្រាប់តែពលរដ្ឋណាដែលទិញម៉ូតូអគ្គិសនីមានតម្លៃចាប់ពី៣៧៩ដុល្លារឡើងទៅតែប៉ុណ្ណោះ ប៉ុន្តែសម្រាប់អ្នកដែលក្រីក្រពិតប្រាកដអាចទទួលបានកញ្ចប់ពិសេសដែលមានតម្លៃដល់ទៅ៣៨០ដុល្លារ។ តាមគម្រោងអាជ្ញាធរក្រុងហាណូយ គ្រោងអនុវត្តកម្មវិធីនេះរហូតដល់ខែថ្ងៃទី១ ខែមករា ឆ្នាំ២០៣១។
ទន្ទឹមនឹងលើកទឹកចិត្តឲ្យពលរដ្ឋប្រើប្រាស់ម៉ូតូ និងរថយន្តអគ្គិសនី អាជ្ញាធរក្រុងហាណូយ ក៏មានគម្រោងចេញបទបញ្ជាឱ្យអគារផ្ទះល្វែង អគារពាណិជ្ជកម្ម មន្ទីរពេទ្យ និងកន្លែងសាធារណៈផ្សេងទៀតផ្លាស់ប្តូរយ៉ាងហោចណាស់១៥% នៃកន្លែងចតរថយន្តរបស់ពួកគេទៅជាស្ថានីយ៍សាកអាគុយសម្រាប់យានយន្តអគ្គិសនីផងដែរ។ បច្ចុប្បន្ននៅទីក្រុងហាណូយ មានម៉ូតូសរុបជិត៧លានគ្រឿង ក្នុងនោះម៉ូតូប្រើសាំងមានប្រមាណ៦០%៕
ដោយៈ សរ សុជាតិ
