អាជីវកម្មនានានៅថៃ បាត់បង់ទំនុកចិត្តដូចទឹកបាក់ទំនប់ ខណៈរោងចក្រកាន់តែច្រើនបិទទ្វារជាបន្តបន្ទាប់
អាជីវកម្មនានានៅក្នុងប្រទេសថៃ ដែលមានសេដ្ឋកិច្ចធំបំផុតទី២ ក្នុងតំបន់អាស៊ាន បន្ទាប់ពីឥណ្ឌូនេស៊ី បានបាត់បង់ទំនុកចិត្តខ្លាំងដូចទឹកបាក់ទំនប់…
ស្របពេលដែលលោក ឃ្វៀន ភូជុង បង្ហាញខ្លួនជាសាធារណៈកាន់តែតិច បានធ្វើឱ្យគេមានការសង្ស័យថា លោកអាចកំពុងមានជំងឺ ដែលអាចធ្វើឱ្យការតស៊ូអំណាចនៅក្នុងបក្សមានការកើនឡើង ស្របពេលដែលការងារមួយចំនួនធំត្រូវបានគេដឹងថា កំពុងដឹកនាំដោយលោក តូ ឡឹម ក្នុងនាមជាជនទី២របស់បក្ស និងកំពុងកាន់តំណែងជាប្រធានាធិបតី។ តំណែងប្រធានាធិបតីវៀតណាម បានរង្គោះរង្គើរជាបន្តបន្ទាប់នៅប៉ុន្មានឆ្នាំចុងក្រោយនេះ ប៉ុន្តែគេជឿជាក់ថា នៅក្រោមរជ្ជកាលនៃការដឹកនាំរបស់លោក តូ ឡឹម ដំណែងនេះនឹងមានស្ថិរភាព ហើយលោកក៏កំពុងតែរៀបចំខ្លួនដើម្បីឈានទៅគ្រងតំណែងកំពូលជាអគ្គលេខាធិការបក្សកុម្មុយនីស្តវៀតណាម ជំនួសលោក ឃ្វៀន ភូជុង ផងដែរ។
ការិយាល័យនយោបាយរបស់គណបក្សបានប្រកាសកាលពីថ្ងៃព្រហស្បតិ៍ ដោយលើកឡើងពីតម្រូវការសម្រាប់លោក ឃ្វៀន ភូជុង ដែលត្រូវការព្យាបាលបញ្ហាសុខភាព។ ការប្រកាសនេះបានធ្វើឱ្យកិច្ចការសំខាន់ៗនៅក្នុងបក្សត្រូវបានស្ថិតក្រោមការដឹកនាំរបស់លោក តូ ឡឹម ក្នុងនាមជាជនទី២របស់បក្ស។ លោក តូ ឡឹម ត្រូវបានគេដឹងថា ជារដ្ឋមន្ត្រីសន្តិសុខសាធារណៈរហូតដល់ខែឧសភា ហើយ បានដើរតួយ៉ាងសំខាន់ក្នុងការបង្រ្កាបអំពើពុករលួយដែលដាក់ចេញដោយលោក ឃ្វៀន ភូជុង បន្ទាប់ពីការចាកចេញរបស់លោក វូ វាន់ថុង (Vo Van Thuong ) កាលពីខែមីនា ដោយសារបំពានច្បាប់គណបក្ស។
លោក តូ ឡឹម កើតថ្ងៃទី១០ ខែកក្កដា ឆ្នាំ១៩៥៧ ជាប្រធានាធិបតីវៀតណាមទី១៣ ដោយមុនពេលកាន់តំណែងនេះ នៅក្នុងខែឧសភា ឆ្នាំ២០២៤ លោកជារដ្ឋមន្រ្តីក្រសួងសន្តិសុខសាធារណៈ តាំងពីឆ្នាំ២០១៦។ លោកគឺជាជនបង្គោលមួយនៅក្នុងយុទ្ធនាការកម្ចាត់អំពើពុករលួយនៅក្នុងប្រទេស។ លោកបានក្លាយជាសមាជិកគណបក្សកុម្មុយនីស្តវៀតណាមតាំងពីឆ្នាំ១៩៨១។ លោកមានសាវតាជាមន្រ្តីប៉ូលិស និងសន្តិសុខសាធារណៈដ៏ជំនាញរបស់វៀតណាម រហូតបានក្លាយជាសមាជិកការិយាល័យនយោបាយនៅក្នុងឆ្នាំ២០១៦៕
ដោយៈ សរ សុជាតិ
None
