ក្រោយរងការឈ្លានពានយ៉ាងព្រៃផ្សៃពីយោធាថៃជាលើកទីពីរ តើកម្ពុជាគួរបិទការនាំចូលទំនិញពីថៃទាំងស្រុងឬយ៉ាងណា?
គិតត្រឹមថ្ងៃទី១០ ខែធ្នូ ឆ្នាំ២០២៥ មានរយៈពេល៤ថ្ងៃហើយ ដែលក្រុមយោធាថៃបានបើកការវាយប្រហារមកលើដែនអធិបតេយ្យកម្ពុជា និងបានសម្លាប់ជនស៊ីវិលខ្មែរស្…
លោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិកប្រចាំកម្ពុជាបានគូសបញ្ជាក់ថា នៅដើមរដូវសម្បូរភ្ញៀវទេសចរនាចុងឆ្នាំ២០២៥ ស្ថានភាពភ្ញៀវទេសចរបរទេសចូលមកកម្សាន្តនៅកម្ពុជាហាក់ពុំមានការប្រែប្រួលគួរឱ្យកត់សម្គាល់នោះទេ បើធៀបនឹងឆ្នាំមុន។ ប៉ុន្តែក្រោយយោធាថៃបានបើកការវាយប្រហារមកលើកម្ពុជាជាថ្មីនៅតាមព្រំដែនកម្ពុជា-ថៃនៅប៉ុន្មានថ្ងៃនេះ អ្នកជំនាញរូបនេះ វាយតម្លៃថា ចង់ ឬមិនចង់វានឹងធ្វើឱ្យរាំងស្ទះដល់ចរន្តភ្ញៀវទេសចរបរទេសមួយចំនួន ដែលមានគម្រោងមកកម្សាន្តនៅកម្ពុជានាចុងឆ្នាំនេះ ដ្បិតពួកគេមានភាពភ័យខ្លាចក្រោយទទួលព័ត៌មានពីបញ្ហាជម្លោះដ៏ក្តៅគគុកនេះ ដោយមិនបានដឹងថា គោលដៅទេសចរណ៍ទាំងនោះ មានទីតាំងជិត ឬឆ្ងាយពីទីតាំងជម្លោះឡើយ។
ជាមួយគ្នានេះលោក ហូ វណ្ឌី ទីប្រឹក្សាសមាគមទេសចរណ៍កម្ពុជាបានចាត់ទុកភាពតានតឹង នៃបញ្ហាសង្រ្គាមរវាងកម្ពុជា-ថៃសាជាថ្មីនារដូវសម្បូរភ្ញៀវទេសចរនេះ វាជាសញ្ញាមិនល្អនោះទេសម្រាប់វិស័យទេសចរណ៍របស់កម្ពុជា ទាំងសម្រាប់អ្នករកទទួលទានក្នុងវិស័យនេះ ក៏ដូចជាសម្រាប់សេដ្ឋកិច្ចជាតិទាំងមូល។ ការវាយតម្លៃបែបនេះ ក៏ដោយសារអ្នកជំនាញរូបនេះកត់សម្គាល់ឃើញថា ក្រោយមានសង្រ្គាមឈ្លានពានរបស់យោថៃនៅប៉ុន្មានថ្ងៃនេះ បានធ្វើឱ្យភ្ញៀវទេសចរបរទេសមួយចំនួនបានលុបចោលគម្រោងទេសចរណ៍របស់ពួកគេមកកាន់ប្រទេសកម្ពុជានៅចុងឆ្នាំនេះ។ តែយ៉ាងណាអ្នកជំនាញរូបនេះ រំពឹងជឿជាក់ថា ក្រោយភាពតានតឹងនេះបានធូរស្រាលភ្ញៀវទេសចរទាំងនោះនឹងត្រឡប់មកកម្សាន្តនៅកម្ពុជាវិញ។
គួរជម្រាបថា នៅក្នុងរយៈពេល១០ខែឆ្នាំ២០២៥ កម្ពុជាទទួលបានភ្ញៀវទេសចរអន្តរជាតិជាង៤លាន៧សែននាក់មានការធ្លាក់ចុះជាង១១% បើធៀបនឹងរយៈពេលដូចគ្នាកាលពីឆ្នាំមុន និងធ្លាក់ចុះប្រមាណជាង១០% បើធៀបនឹងឆ្នាំ២០១៩ មុនពេលមិនទាន់មានវិបត្តិកូវីដ១៩៕
