លោក ត្រាំ ពន្យារពេលអនុវត្តពន្ធលើរថយន្តនាំចូលពីកាដាណា និងម៉ិកស៊ិក រយៈពេលមួយខែ

សេតវិមានបានអះអាងថា លោក ត្រាំ នឹងពន្យារពេលអនុវត្តវិធានការពន្ធ២៥% លើរថយន្តរបស់កាណាដា និងម៉ិកស៊ិក ដែលបានចូលជាធរមានកាលពីពេលថ្មីៗរយៈពេល១ខែ ដើម្បីទុកពេលឱ្យប្រទេសនេះពង្រឹង និងទប់ស្កាត់ជនអន្តោប្រវេសន៍ និងថ្នាំអាភៀនសំយោគហ្វេនតានីល។ ប៉ុន្តែលោក ត្រាំ បានអះអាងថា លោកមិនមែនកំពុងលុបចោលសង្គ្រាមពាណិជ្ជកម្មជាមួយកាណាដា និងម៉ិកស៊ិកនោះទេ។

ទិន្នន័យបានបង្ហាញថា ក្នុងចំណោមថ្នាំញៀនហ្វេនតានីល ដែលត្រូវបានរឹបអូសទូទាំងសហរដ្ឋអាម៉េរិក មានតែ០.២% ប៉ុណ្ណោះ ត្រូវបានជួញដូរមកពីប្រទេសកាណាដា ខណៈភាគច្រើនមានប្រភពមកពីព្រំដែនភាគខាងត្បូង។ ប្រភពពីមន្ត្រីរដ្ឋាភិបាលកាណាដា បានឱ្យដឹងថា ប្រទេសកាណាដា មានឆន្ទៈក្នុងការកាត់បន្ថយការសងសឹករបស់ខ្លួនចំពោះពន្ធរបស់សហរដ្ឋអាម៉េរិក ប្រសិនបើរដ្ឋបាលរបស់លោក ត្រាំ បានទម្លាក់ចុះពន្ធមួយចំនួនដែលខ្លួនបានដាក់ថ្មីៗនេះ៕

អត្ថបទ៖ សុខ មង្គល