លោក ត្រាំ ជំរុញជាថ្មីឱ្យកម្ពុជា-ថៃគោរពបទឈប់បាញ់ និងព្រមានសំពងក្បាលភាគីបំពាន ដើម្បីបញ្ឈប់ការសម្លាប់ និងធានាសន្តិភាពយូរអង្វែង

ការព្រមានជាថ្មីពីសំណាក់ក្រុងវ៉ាស៊ីនតោននេះ ធ្វើឡើងបន្ទាប់ពីនាយករដ្ឋមន្ត្រីចាំផ្ទះរបស់ថៃលោក អានុទីន ឆានវីរៈគុល កាន់តែព្រហើន ដោយប្រកាសប្ដេជ្ញាបន្តប្រយុទ្ធឈ្លានពានមកលើដែនអធិបតេយ្យភាពរបស់កម្ពជា ទាំងកំរោល ខណៈដែលយន្តហោះចម្បាំង F-16 ជាច្រើនគ្រឿងរបស់ថៃ បានវាយប្រហារគោលដៅសំខាន់ៗជាច្រើនរបស់កម្ពុជា ដោយមិនរើសមុខ មិនថាស្ពាន ផ្លូវថ្នល់ សាលារៀន មន្ទីរពេទ្យ វត្តអារាម សណ្ឋាគារ និងលំនៅឋានពលរដ្ឋ។

លោក អានុទីន ឆានវីរៈគុល បានសរសេរបង្ហោះលើគណនីហ្វេសប៊ុករបស់ខ្លួនដោយមិនញញើតនៅរសៀលថ្ងៃអាទិត្យ ទី១៤ ខែធ្នូ ឆ្នាំ២០២៥ នេះថា ប្រទេសថៃ ប្រកាន់ខ្ជាប់នូវការប្តេជ្ញាចិត្តរបស់ខ្លួនក្នុងការរក្សា និងការពារបូរណភាពទឹកដី និងប្រជាជនថៃ ទោះក្នុងតម្លៃណាក៏ដោយ៕