វៀតណាម គ្រោងលើកលែងពន្ធនាំចូលប្រេងឥន្ធនៈដើម្បីជួយសម្រាលការចំណាយរបស់ពលរដ្ឋ
រដ្ឋាភិបាលវៀតណាម កំពុងពិចារណាលុបចោលពន្ធនាំចូលលើប្រេងឥន្ធនៈទាំងស្រុង បន្ទាប់ពីកម្ដៅសង្គ្រាមរវាងសហរដ្ឋអាម៉េរិក-អ៊ីស្រាអែល ជាមួយអ៊ីរ៉ង់ បា…
ប្រធានាធិបតីអាម៉េរិក លោក ដូណាល់ ត្រា បានព្រមានដ៏គួរឱ្យតក់ស្លុតថា មេដឹកនាំអ៊ីរ៉ង់រូបណាដែលឡើងកាន់តំណែងគ្មានភ្លើងខៀវពីខ្លួនទំនងជាមិនអាចកាន់តំណែងបានយូរនោះឡើយ។ ការព្រមានដ៏ក្ដៅគគុកបែបនេះធ្វើឡើងតែប៉ុន្មានម៉ោងប៉ុណ្ណោះ មុនពេលទីក្រុងតេហេរ៉ង់ ប្រកាសជាផ្លូវការនូវមេដឹកនាំកំពូលថ្មី គឺលោក មូតាបា ខាមេនី (Mojtaba Khamenei) ដែលត្រូវជាកូនប្រុសបង្កើតរបស់លោក អាយ៉ាតូឡា អាលី ខាមេនី ដែលត្រូវបានសម្លាប់ក្នុងសង្គ្រាមកាលពីចុងខែកុម្ភៈ កន្លងទៅ។
តាមរយៈកិច្ចសម្ភាសជាមួយ ABC News លោក ត្រាំ បានបញ្ចេញចង្កូមយោធាដោយចំហថា បើគ្មានការយល់ព្រមពីអាម៉េរិកទេ គេមិនអាចអង្គុយលើកៅអីនោះបានយូរឡើយ។ នេះមិនមែនគ្រាន់តែជាការព្រមានធម្មតានោះទេ ប៉ុន្តែវាជាសញ្ញា នៃប្រតិបត្តិការយោធាដ៏ធំមួយ ប្រសិនបើអ៊ីរ៉ង់ នៅតែបន្តមហិច្ឆតាអាវុធនុយក្លេអ៊ែ និងបង្កអស្ថិរភាព។
ទោះជាយ៉ាងណា ភាគីអ៊ីរ៉ង់ មិនបានឱនក្បាលនោះទេ។ រដ្ឋមន្ត្រីការបរទេសអ៊ីរ៉ង់ លោក អាបបាស អារ៉ាកជី បានវាយបកវិញយ៉ាងចាស់ដៃថា វាសនាអ៊ីរ៉ង់ សម្រេចដោយប្រជាជនអ៊ីរ៉ង់ អាម៉េរិកគ្មានសិទ្ធិមកចង្អុលបង្ហាញឡើយ។
កម្ដៅនយោបាយនេះកាន់តែពុះកញ្ជ្រោលខ្លាំង ស្របពេលដែលចំនួនសពទាហានអាម៉េរិកបានកើនឡើងដល់៧នាក់ហើយ ក្នុងបេសកកម្មនៅមជ្ឈិមបូព៌ា ដែលនេះជាសម្ពាធដ៏ធំធេងរុញច្រានឱ្យលោក ត្រាំ ត្រូវតែប្រើវិធានការក្ដៅបំផុត ដើម្បីសងសឹក និងការពារឥទ្ធិពលរបស់ខ្លួន៕
អត្ថបទៈ សួន ឡង់ទី
