កម្ពុជានៅសល់អ្នកជំងឺកូវីដ១៩តែ៣១នាក់ប៉ុណ្ណោះ ក្រោយជាសះស្បើយថែម១៤នាក់ទៀតនៅថ្ងៃនេះ

នៅថ្ងៃនេះ ក្រសួងសុខាភិបាលកម្ពុជា បានប្រកាសថា បានមិនមានករណីឆ្លងថ្មីបន្ថែមទៀតទេ កាលពីថ្ងៃទី១៣ ខែមេសានេះ ដែលនាំឲ្យចំនួនអ្នកឆ្លងសរុបទាំងអស់មាន ១២២នាក់ដដែល ខណៈដែលអ្នកជាសះស្បើយថ្មីមានដល់ទៅ១៤នាក់បន្ថែមទៀតដែរ នាំឲ្យអ្នកជះស្បើយសរុបកើនដល់៩១នាក់ ដែលស្មើនឹងប្រមាណជាង៧៤% នៃចំនួនអ្នកឆ្លងទាំងអស់ ។

កម្ពុជានៅសល់អ្នកជំងឺកូវីដតែ៣១នាក់ប៉ុណ្ណោះ ក្រោយជាសះស្បើយថែម១៤នាក់ទៀតនៅថ្ងៃនេះ

ចំពោះករណីជាសះស្បើយទាំង១៤នាក់នេះ មានជនជាតិជាតិខ្មែរ តែ០២នាក់ប៉ុណ្ណោះ ដោយម្នាក់នៅខេត្តព្រះសីហនុ និងម្នាក់ទៀតនៅរាជធានីភ្នំពេញ ក្រៅពីនេះសុទ្ធតែជាជនបរទេស។ ចំណែកឯអ្នកជាសះស្បើយជាជនបរទេស១២នាក់នោះរួមមាន ជនជាតិបារាំង១០នាក់ ប្រុស ០៣នាក់ ស្ត្រី០៧នាក់ នៅខេត្តព្រះសីហនុ និង០២នាក់ទៀតគឺជាបុរសជនជាតិឥណ្ឌូនេស៊ីទាំង០២នាក់ ដែលបានធ្វើតេស្តឃើញវិជ្ជមាននៅប្រទេសថៃកាលពីពេលកន្លងទៅ ក្រោយមកបានទៅខេត្តសៀមរាបដើម្បីព្យាបាល ។

សូមជម្រាបថា មកទល់នឹងពេលនេះ មានករណីឆ្លង Covid-19សរុប ១២២នាក់ដដេល ដែលក្នុងនោះមានស្រី៣៨នាក់ និងប្រុស៨៤នាក់ មានអ្នកជាស្បើយសរុបចំនួន ៩១នាក់ ស្មើប្រមាណជា៧៤,៥៩% ធៀបទៅនឹងអ្នកឆ្លងកូវីដ១៩សរុប និងអ្នកកំពុងសម្រាកព្យាបាលមាន៣១នាក់៕