ចិនរិះគន់អាមេរិកថាបែងចែងបក្សពួក ទាក់ទងនឹងការរៀបចំកិច្ចប្រជុំកំពូលដើម្បីប្រជាធិបតេយ្យ
ចិនកំពុងធ្វើការយ៉ាងជិតស្និទ្ធ ដើម្បីពង្រឹងទំនាក់ទំនងជាមួយនឹងប្រទេសណាដែលអាមេរិកមិនបានអញ្ជើញឲ្យទៅចូលរួមកិច្ចប្រជុំកំពូល ដើម្បីប្រជាធិបតេយ្យ…
យោងតាមក្រសួងការបរទេសកម្ពុជា អំឡុងបំពេញដំណើរទស្សនកិច្ចនៅកម្ពុជា លោក ផនខាំ វីផាវ៉ាន់ នាយករដ្ឋមន្ត្រីឡាវ នឹងមានកិច្ចប្រជុំពិភាក្សាជាមួយសម្ដេច ហ៊ុន សែន លើទំនាក់ទំនង និងកិច្ចសហប្រតិបត្តិការទ្វេភាគី រួមទាំងការស្តារសង្គម-សេដ្ឋកិច្ចឡើងវិញ ក្រោយវិបត្តិនៃជំងឺកូវីដ-១៩ បញ្ហាតំបន់ និងអន្តរជាតិនានា។
ក្រោយយពីជំងឺរាតត្បាតកូវីដ-១៩ នៅកម្ពុជា បានធូរស្រាល ប្រមុខរាជរដ្ឋាភិបាលកម្ពុជា បានប្រកាសឱ្យបើកប្រទេសឡើងវិញ ដំណើរទស្សនកិច្ចរបស់នាយករដ្ឋមន្ត្រីឡាវនាពេលនេះ គឺជាលើកដំបូងអង្អស់ហើយសម្រាប់កម្ពុជា។ ក្រសួងការបរទេសកម្ពុជា បានចាត់ទុកថា ដំណើរទស្សនកិច្ចផ្លូវការរបស់លោកនាយករដ្ឋមន្ត្រីឡាវ ផនខាំ វីផាវ៉ាន់ នឹងរួមចំណែកក្នុងការបន្តពង្រឹងបន្ថែមទៀតនូវចំណងមិត្តភាព ជាប្រពៃណីដ៏យូរអង្វែង សាមគ្គីភាពជាភាតរភាព ភាពជាអ្នកជិតខាងល្អ ដៃគូយុទ្ធសាស្ត្រ គ្រប់ជ្រុងជ្រោយនិងយូរអង្វែង និងកិច្ចសហប្រតិបត្តិការដ៏ជិតស្និទ្ធរវាងប្រទេសទាំងពីរ ក៏ដូចជា ជំរុញកិច្ចសហប្រតិបត្តិការ នៅក្នុងក្របខ័ណ្ឌអាស៊ានដើម្បីសន្តិភាព ស្ថិរភាព និងវិបុលភាពនៅក្នុងតំបន់ និងពិភពលោក។
តាមក្រសួងការបរទេសបានឲ្យដឹងទៀតថា ក្នុងនាមជាប្រទេសជិតខាង កម្ពុជា-ឡាវ តែងជួយគ្នាទៅវិញទៅមក និងបង្កើនកិច្ចសហប្រតិបត្តិការជាមួយគ្នាលើវិស័យច្រើន ក្នុងក្របខ័ណ្ឌទ្វេភាគី ដូចជា ការអប់រំ ការធ្វើពាណិជ្ជកម្មវិនិយោគ និងបង្ក្រាបការជួញដូរគ្រឿងញៀនតាមព្រំដែន ជាដើម។ តាមរបាយការណ៍បានបង្ហាញថា ការធ្វើពាណិជ្ជកម្ម និងវិនិយោគរវាងប្រទេសទាំងពីរ ក្នុងរយៈពេល ៨ខែ ឆ្នាំ២០២១ ទំហំពាណិជ្ជកម្មមានជាង១០០លានដុល្លារអាមេរិក។ ក្នុងនោះ ទំហំវិនិយោគដែលកម្ពុជា បានវិនិយោគនៅប្រទេសឡាវ គិតត្រឹម ខែតុលា ឆ្នាំ២០២១ មានជាង១៣៨លានដុល្លារ ខណៈប្រទេសឡាវបានវិនិយោគនៅកម្ពុជា មានប្រមាណ ៣លាន៦សែនដុល្លារអាមេរិក។
សូមបញ្ជាក់ថា ឡាវក៏ជាប្រទេសមួយ ដែលបានចុះកិច្ចព្រមព្រៀងក្នុងការផ្គត់ផ្គង់ថាមពលអគ្គិសនីមកកាន់ប្រទេសកម្ពុជា ជាច្រើនផងដែរ ហើយកាលពីអំឡុងដំណើរទស្សនកិច្ចរបស់លោក ថងលុន ស៊ីសុលីត អតីតនាយករដ្ឋមន្ត្រីឡាវមកកាន់កម្ពុជា កាលពីឆ្នាំ២០១៩ ប្រទេសកម្ពុជា និងឡាវក៏មានចុះកិច្ចព្រមព្រៀងសំខាន់ៗមួយចំនួន ទាក់ទងនឹងការទិញលក់ថាមពលអគ្គិសនីផងដែរ។
យ៉ាងណាមិញ នៅថ្ងៃទី ២៩ ខែវិច្ឆិកា ក្រោយជំនួបទ្វេភាគីរវាងសម្តេចតេជោ ហ៊ុន សែន និងលោក ផនខាំ វីផាវ៉ាន់ រាជរដ្ឋាភិបាលកម្ពុជា បានសម្រេចបរិច្ចាគថវិកាចំនួន ៣លានដុល្លារជូ វ៉ាក់សាំង ៥០ម៉ឺនដូស និងរថយន្ដដឹកវ៉ាក់សាំងចំនួន២គ្រឿង ដល់ប្រទេសឡាវ ខណៈដែលមហាសេដ្ឋី និងក្រុមហ៊ុនធំៗនៅកម្ពុជាចំនួន៧រូបទៀត ក៏បានផ្ដល់ថវិកាសរុបប្រមាណ១០លានដុល្លារបន្ថែមទៀត ទៅឲ្យប្រទេសឡាវផងដែរ។
មហាសេដ្ឋីដែលមានទឹកចិត្តសប្បុរសធម៌បរិច្ចាគថវិកាឲ្យទៅប្រទេសឡាវទាំងនោះ រួមមាន៖
១) អ្នកឧកញ៉ា គិត ម៉េង ម្ចាស់ក្រុមហ៊ុនរ៉ូយ៉ាល់គ្រុប ចូលរួមបរិច្ចាគថវិកា ២លានដុល្លារ
២) លោកជំទាវ ភាព ហៀក ម្ចាស់ក្រុមហ៊ុន ជីបម៉ុងគ្រុប ចូលរួមបរិច្ចាគថវិកា ២លានដុល្លារ
៣) អ្នកឧកញ៉ា ឡេង ណាវ៉ាត្រា ម្ចាស់បុរីឡេង ណាវ៉ាត្រា ចូលរួមបរិច្ចាគថវិកា ២លានដុល្លារ
៤) អ្នកឧកញ៉ា ចេន ហ្ស៊ី ប្រធានសម្ព័ន្ធក្រុមហ៊ុន ព្រីនស៍ គ្រុប ចូលរួមបរិច្ចាគថវិកា ២លានដុល្លារ
៥) ឧកញ៉ា ថៃ ជាហួត ម្ចាស់ក្រុមហ៊ុន ប៉េងហួត ចូលរួមបរិច្ចាគថវិកា ១លានដុល្លារ
៦) ក្រុមហ៊ុន ING Holdings Co., Ltd ចូលរួមបរិច្ចាគថវិកា ១លានដុល្លារ
None
