អេបកម្ម៉ង់ហ្គាសដំបូងគេបង្អស់ក្នុងស្រុក ជ្រើសយកនាយពាក់មីជាទូតសុច្ឆន្ទៈ
ឌី ស្មាត ហ្គាស ដែលជាក្រុមហ៊ុនលក់ហ្គាសចម្អិនម្ហូបតាមអេបដំបូងគេបង្អស់ក្នុងប្រទេសកម្ពុជា បានប្រកាសជាផ្លូវការ នៅព្រឹកថ្ងៃទី ២៤ ខែកុម្ភៈនេះ ដោយជ្…
រដ្ឋមន្ត្រីការបរទេសម៉ាឡេស៊ីលោក មូហាមេត ហាសាន់ (Mohamad Hasan) បាននិយាយកាលពីថ្ងៃព្រហស្បតិ៍ ថា អាស៊ានគ្រោងនឹងរៀបចំកិច្ចប្រជុំកំពូលជាមួយសហរដ្ឋអាម៉េរិកក្នុងអំឡុងពេលម៉ាឡេស៊ីធ្វើជាម្ចាស់ផ្ទះកិច្ចប្រជុំកំពូលអាស៊ាននៅឆ្នាំនេះ ដើម្បីឲ្យប្រទេសសមាជិករបស់ខ្លួនអាចបង្ហាញទស្សនៈរបស់ពួកគេលើផែនការពន្ធគយរបស់សហរដ្ឋអាម៉េរិក។
លោកបាននិយាយប្រាប់សភាម៉ាឡេស៊ីថា តាមអ្វីដែលលោក ដូណាល់ ត្រាំ បានលើកឡើងពាក់ព័ន្ធនឹងបញ្ហាពន្ធលើរថយន្តយន្ត និងបន្ទះសៀឃ្វីអេឡិចត្រូនិក ក៏ដូចជាថ្នាំពេទ្យនឹងត្រូវដំឡើងពន្ធ២៥% ដូច្នេះវានឹងក្លាយជាបញ្ហាប្រឈមសម្រាប់ម៉ាឡេស៊ី ដោយសារផលិតផលបន្ទះសៀឃ្វី និងឧបករណ៍អេឡិចត្រូនិករបស់ខ្លួនរហូតដល់៦០%បាននាំចេញទៅកាន់ទីផ្សារសហរដ្ឋអាម៉េរិក។ រដ្ឋមន្ត្រីរូបនេះជឿជាក់ថា ប្រសិនបើម៉ាឡេស៊ីមិនអាចដោះស្រាយបញ្ហានេះបានក្នុងពេលឆាប់ៗទេ នោះការនាំចេញរបស់ម៉ាឡេស៊ីនឹងជួបបញ្ហា។
លោកបានបង្ហើបថា នៅក្នុងបរិបទតំបន់ ម៉ាឡេស៊ីត្រូវពិភាក្សាអំពីរបៀបផ្ដល់ទស្សនៈរបស់បណ្តាប្រទេសនៅអាស៊ាន ដើម្បីធានាថាពន្ធ ដែលបានស្នើឡើងមិនដាក់បន្ទុកដល់តំបន់ទាំងមូល។ ការិយាល័យតំណាងពាណិជ្ជកម្មអាម៉េរិកប្រចាំតំបន់អាស៊ានបានឲ្យដឹងថា សហរដ្ឋអាម៉េរិកមានទំនាក់ទំនងពាណិជ្ជកម្ម និងការវិនិយោគដ៏រឹងមាំជាមួយអាស៊ាន ដែលមានទំហំរហូតដល់ទៅ៣,៩ទ្រីលានដុល្លារ។
ប្រភពដដែលនេះបានបន្ថែមថា ការធ្វើពាណិជ្ជកម្មរវាងសហរដ្ឋអាម៉េរិកជាមួយតំបន់អាស៊ាននៅក្នុងឆ្នាំ២០២៤ មានទំហំជិត៤៧៧ពាន់លានដុល្លារ ក្នុងនោះអាម៉េរិកមានឱនភាពពាណិជ្ជកម្មជាមួយប្លុកនេះ ប្រមាណ២២៨ពាន់លានដុល្លារ កើនឡើងប្រមាណជិត១២% បើធៀបនឹងឆ្នាំ២០២៣៕
ដោយៈ សរ សុជាតិ
