រាជរដ្ឋាភិបាលគាំទ្រឱ្យមានការថតភាពយន្តនៅតាមតំបន់ទេសចរណ៍ ដើម្បីផ្សព្វផ្សាយ និងទាក់ទាញភ្ញៀវទេសចរ
ប្រមុខរាជរដ្ឋាភិបាលកម្ពុជាគាំទ្រយ៉ាងពេញទំហឹងចំពោះសំណើរបស់រដ្ឋមន្ត្រីក្រសួងទេសចរណ៍ ដែលស្នើឱ្យមានការលើកទឹកចិត្តលើការផ្សព្វផ្សាយពីគោលដៅទេសចរណ…
ចៅក្រម វិល្លៀម អែលសាប់ (William Alsup) នៅក្រុងសាន់ហ្វ្រានស៊ីស្កូ រដ្ឋកាលីហ្វ័រញ៉ា បានលើកឡើងអំឡុងសវនាការមួយថា ការិយាល័យគ្រប់គ្រងបុគ្គលិកមន្ត្រីរាជការរបស់សហរដ្ឋអាម៉េរិក គ្មានសិទ្ធិអំណាចបញ្ជាឱ្យបណ្ដាទីភ្នាក់ងារសហព័ន្ធបញ្ឈប់បុគ្គលិកណាមួយឡើយ រួមទាំងបុគ្គលិកសាកល្បង ដែលជាធម្មតាមានបទពិសោធន៍តិចជាងមួយឆ្នាំ។ ប្រធានាធិបតី ដូណាល់ ត្រាំ ដែលមកពីគណបក្សសាធារណរដ្ឋ និងកំពូលមហាសេដ្ឋី Elon Musk ដែលជាប្រធាននាយកដ្ឋានប្រសិទ្ធភាពការងាររដ្ឋាភិបាលកំពុងដឹកនាំកិច្ចខិតខំប្រឹងប្រែងមិនធ្លាប់មាន ដើម្បីកាត់បន្ថយការិយាធិបតេយ្យសហព័ន្ធ និងចំនួនបុគ្គលិកមន្ត្រីរាជការ។
កិច្ចខិតខំប្រឹងប្រែងនេះបានបណ្តាលឱ្យមានការរិះគន់យ៉ាងខ្លាំងពីគណបក្សប្រជាធិបតេយ្យ សហជីព និងមន្ត្រីសហព័ន្ធ ដែលអះអាងថា ការកាត់បន្ថយចំនួនមន្ត្រីរាជការនេះ គឺជារឿងខុសច្បាប់ និងអាចប៉ះពាល់ដល់ដំណើរការរបស់រដ្ឋាភិបាល។ កន្លងមករដ្ឋបាលលោក ដូណាល់ ត្រាំ ធ្លាប់បានបង្ខំចិត្តហៅបុគ្គលិកមន្ត្រីរាជការមួយចំនួន ដែលមានតួនាទីសំខាន់ៗឱ្យចូលធ្វើការវិញ ប៉ុន្តែលោកនៅតែគាំទ្រយ៉ាងពេញទំហឹងចំពោះលោក Elon Musk និងផែនការរបស់លោកក្នុងការកាត់បន្ថយចំណាយឱ្យបាន១ទ្រីលានដុល្លារពីថវិកាជាតិដែលមានទំហំ៦,៧ទ្រីលានដុល្លារ។
ក្រុមអ្នកជំនាញផ្នែកថវិកាបានលើកឡើងថា លោក Elon Musk ទំនងជាមិនអាចសម្រេចគោលដៅរបស់លោកក្នុងការកាត់បន្ថយចំណាយឱ្យបាន១ទ្រីលានដុល្លារនោះឡើយ បើគ្រាន់តែកាត់បន្ថយបុគ្គលិកមន្ត្រីរាជការ និងកាត់បន្ថយការចំណាយខ្ជះខ្ជាយ ហើយថា លោក Elon Musk ប្រហែលជាត្រូវកាត់បន្ថយកម្មវិធីមួយចំនួនរបស់រដ្ឋាភិបាលរួមទាំងអត្ថប្រយោជន៍សម្រាប់មន្ត្រីរាជការផងដែរ៕
ដោយ: តែម សុខុម
