តាមការរាយការណ៍របស់សារព័ត៌មាន VN Express បានឲ្យដឹងថា ក្រុមហ៊ុនអាកាសយានដ្ឋានវៀតណាម ដែលគ្រប់គ្រងដោយរដ្ឋ និងមានប្រតិបត្តិការលើអាកាសយានដ្ឋានចំនួន ២១ នោះ ក៏បានរំពឹងដែរថា ប្រាក់ចំណូលរបស់ខ្លួននៅឆ្នាំនេះ អាចនឹងធ្លាក់ចុះដល់ទៅ ៤៥% ដែលនឹងមានប្រមាណ ៤៨៨ លានដុល្លារអាមេរិក។
ប្រភពព័ត៌មានបានឲ្យដឹងទៀតថា ចំនួនភ្ញៀវទេសចរដែលធ្វើដំណើរឆ្លងកាត់ព្រលានយន្ដហោះវៀតណាម ក៏ត្រូវបានរំពឹងថា នឹងធ្លាក់ចុះប្រមាណ ៤១% ធៀបនឹងឆ្នាំទៅមិញ ពោលគឺនៅឆ្នាំ២០២០នេះ អាចនឹងមានប្រមាណ ជាង៦៩លាននាក់។ ការដឹកជញ្ជូនទំនិញវិញ ក៏នឹងធ្លាក់ចុះប្រមាណ ១៣%ផងដែរ មកនៅត្រឹម១,៣លានតោន។
អត្ថបទទាក់ទង!
ទោះយ៉ាងណា ជើងហោះហើរក្នុងស្រុក ក៏បានបើកដំណើរការឡើងវិញដែរ ខណៈដែលជើងហោះហើរអន្តរជាតិនៅមិនទាន់បើកឡើងវិញនៅឡើយទេ ខណៈដែលជើងហោះហើរអន្តរជាំតិនេះ គឺជាប្រភពចំណូលធំសម្រាប់អាកាសយានដ្ឋាន។
នៅអំឡុងរយៈពេល២ឆ្នាំបន្ទាប់នេះ ក្រុមហ៊ុនអាកាសយានដ្ឋានវៀតណាម មានផែនការអាទិភាព ក្នុងការវិនិយោគសាងសង់ស្ថានីយអ្នកដំណើរទី២ នៅឯព្រលានយន្ដហោះ Phu Bai នៅទីរួមខេត្ត Thua Thien-Hue និងស្ថានីយអ្នកដំណើរទី ៣ នៅឯព្រលានយន្ដហោះ Tan Son Nhat នៅក្នុងទីក្រុងហូជីមិញផងដែរ៕
None
