តាមរយៈការរាយការណ៍ថ្មីៗនេះ ចំពោះទិដ្ឋភាពនៃឧស្សាហកម្មធនាគារនៅក្នុងឆមាសទី២ ដោយផ្នែកស្រាវជ្រាវនៃក្រុមហ៊ុនសាជីវកម្ម Saigon Securities Incorporation បានឲ្យដឹងថា ការកើនឡើងនៃការធ្វើសមវិធានធន នឹងធ្វើឲ្យកាត់បន្ថយប្រាក់ចំណេញរបស់ធនាគារ។
ស្ថាប័នស្រាវជ្រាវនេះ បានប៉ាន់ប្រមាណថា ធនាគារនឹងជំរុញការធ្វើចំណាត់ថ្នាក់ឥណទាន ឬសំវិធានធននេះ សម្រាប់បំណុលអាក្រក់ និងបំណុលដែលបានរៀបចំឡើងវិញ។ ចំណូលប្រតិបត្តិការសរុបនៃប្រព័ន្ធធនាគារវៀតណាម ត្រូវបានព្យាករថា នឹងធ្លាក់ចុះ ៤% ខណៈដែលការធ្វើចំណាត់ថ្នាក់ឥណទាន ឬសំវិធានធនសម្រាប់កម្ចីមានហានិភ័យ នឹងទំនងជាអាចកើនឡើងដល់ ៤៨%។
អត្ថបទទាក់ទង!
ក្រុមហ៊ុន សាជីវកម្ម Saigon Securities Incorporation បានប៉ាន់ប្រមាណទៀតថា ប្រាក់ចំណេញមុនបង់ពន្ធរបស់ធនគារគ្រប់គ្រងដោយរដ្ឋវៀតណាម រួមទាំងធនាគារ Vietcombank, BIDV និង VietinBank អាចនឹងធ្លាក់ចុះ ៣៦% ដោយសារតែហេតុផលចម្បង គឺការបង្កើនចំណាត់ថ្នាក់ឥណទាន ៥៩% សម្រាប់កម្ចីមានហានិភ័យនៅក្នុងឆមាសទី២ ឆ្នាំ២០២០នេះ៕
None
