វៀតណាមនឹងដំឡើងពន្ធលើគ្រឿងស្រវឹងឱ្យដល់៩០% ដើម្បីកាត់បន្ថយការប្រើប្រាស់គ្រឿងស្រវឹង
ដើម្បីកាត់បន្ថយការប្រើប្រាស់គ្រឿងស្រវឹងនៅក្នុងប្រទេស អាជ្ញាធរវៀតណាមគ្រោងដំឡើងពន្ធលើផលិតផលគ្រឿងស្រវឹងគ្រប់ប្រភេទពី៦៥% ដល់៩០% នៅក្នុងរយៈពេល៦ឆ្ន…
រដ្ឋាភិបាលរបស់ប្រធានាធិបតីប្រេស៊ីល លោក ល្វីស អ៊ីណាស៊ីយ៉ូ លូឡា ដា ស៊ីលវ៉ា (Luiz Inácio Lula da Silva) បាននិយាយកាលពីថ្ងៃសុក្រ សប្ដាហ៍មុនថា វៀតណាម ត្រូវបានទទួលស្គាល់ជាផ្លូវការថាជាប្រទេសដៃគូ នៃក្រុមប្រទេស BRICS។ វៀតណាម គឺជាប្រទេសទី១០ហើយដែលបានទទួលឋានៈនេះ ដែលនឹងអនុញ្ញាតឱ្យប្រទេសនេះអាចចូលរួមក្នុងកិច្ចប្រជុំកំពូលនៃក្រុមប្រទេសប្រ៊ីក និងវគ្គពិភាក្សាផ្សេងៗទៀត ខណៈប្រទេសដៃគូនៃក្រុមប្រទេសប្រ៊ីកចំនួន៩ទៀត រួមមានបេឡារុស បូលីវី កាហ្សាក់ស្ថាន គុយបា ម៉ាឡេស៊ី នីហ្សេរីយ៉ា ថៃ អ៊ូហ្គង់ដា និងអ៊ូសបេគីស្ថាន។
វៀតណាម បាននិយាយកាលពីដើមឆ្នាំនេះថា ពួកគេបានត្រៀមខ្លួនរួចជាស្រេចដើម្បីពិភាក្សាអំពីភាពជាដៃគូជាមួយនឹងក្រុមប្រទេសប្រ៊ីក ដែលមានសមាជិកសំខាន់ៗចំនួន៥ រួមមានប្រេស៊ីល រុស្ស៊ី ឥណ្ឌា ចិន និងអាហ្រិកខាងត្បូង។ ប្រទេសប្រេស៊ីល ដែលកាន់តំណែងជាប្រធានក្រុមប្រទេស BRICS ឆ្លាស់វេនសម្រាប់ឆ្នាំ២០២៥ បាននិយាយថា រដ្ឋាភិបាលប្រេស៊ីល ស្វាគមន៍ការសម្រេចចិត្តរបស់រដ្ឋាភិបាលវៀតណាម។
រដ្ឋាភិបាលប្រេស៊ីល បានបន្ថែមថា វៀតណាម បានលេចធ្លោក្នុងនាមជាតួអង្គពាក់ព័ន្ធក្នុងតំបន់អាស៊ី ហើយកិច្ចខិតខំរបស់ពួកគេក្នុងការគាំទ្រដល់កិច្ចសហប្រតិបត្តិការត្បូង-ត្បូង (South-South) និងការអភិវឌ្ឍប្រកបដោយនិរន្តរភាពបានពង្រឹងការរួមបញ្ចូលគ្នារបស់ពួកគេជាមួយនឹងផលប្រយោជន៍របស់ក្រុមប្រទេសនេះ។
ដោយបង្កើតឡើងនៅក្នុងឆ្នាំ២០០៩ និងបានពង្រីកភ្លាមៗដោយបានបន្ថែមប្រទេសអាហ្វ្រិកខាងត្បូង ជាសមាជិករបស់ខ្លួននោះ ក្រុមប្រទេស BRICS ក៏បានរួមបញ្ចូលប្រទេសអេហ្ស៊ីប អេត្យូពី ឥណ្ឌូនេស៊ី អ៊ីរ៉ង់ និងអារ៉ាប់រួមផងដែរ ដោយធ្វើឱ្យក្រុមប្រទេសនេះ មានឥទ្ធិពលកាន់តែខ្លាំងឡើងក្នុងការប្រឆាំងតបតផ្នែកការទូតជាមួយក្រុមប្រទេសលោកខាងលិច៕
ដោយ៖ សុខ មង្គល
