វិស័យការបរទេស

វៀតណាមនឹងបើកទ្វារទទួលមេដឹកនាំចិន និងសហភាពអឺរ៉ុប ជាបន្តបន្ទាប់ ស្របពេលអាម៉េរិក កំពុងសម្ញែងរឿងពន្ធ


ក្នុងនាមជាប្រទេសដែលមានអតិរេកពាណិជ្ជកម្មកំពូលទាំង១០ ជាមួយសហរដ្ឋអាម៉េរិក វៀតណាម កំពុងខិតខំពង្រឹងភាពជាដៃគូសេដ្ឋកិច្ចជាមួយមហាយក្សចិន និងសហភាពអឺរ៉ុប ដើម្បីកាត់បន្ថយផលប៉ះពាល់មកលើសេដ្ឋកិច្ច និងពាណិជ្ជកម្ម ក្នុងករណីអាម៉េរិក ដាក់ពន្ធមកលើខ្លួន។ តាមគម្រោងប្រទេសក្បែរខាងកម្ពុជា មួយនេះនឹងទ្វារផ្ទះស្វាគមន៍ដំណើរទស្សនកិច្ចរបស់មេដឹកនាំចិន លោក ស៊ី ជីនភីង
វិស័យការបរទេស
ដោយ

នៅថ្ងៃទី១៤ ខែមេសា បន្ទាប់ពីស្វាគមន៍នាយករដ្ឋមន្ត្រីអេស្ប៉ាញ លោក ភេដ្រូ សាន់ឆេស (Pedro Sanchez) នៅថ្ងៃទី៩ ខែមេសា ហើយក្រៅពីនេះ អាចមានប្រធានាធិបតីបារាំង និងលោកស្រីប្រធានគណៈកម្មការអឺរ៉ុប។ នេះបើយោងតាមការចុះផ្សាយរបស់សារព័ត៌មានធំៗជាច្រើន។

ប្រទេសវៀតណាមនឹងបើកទ្វារស្វាគមន៍ដំណើរទស្សនកិច្ចរបស់មេដឹកនាំចិន លោក ស៊ី ជីនភីង និងមេដឹកនាំសហភាពអឺរ៉ុប នៅប៉ុន្មានថ្ងៃខាងមុខនេះ ចំពេលមានហានិភ័យពន្ធ ដែលនឹងកំណត់ដោយសហរដ្ឋអាម៉េរិក។ ចិន សហភាពអឺរ៉ុប និងវៀតណាមសុទ្ធតែមានអតិរេកពាណិជ្ជកម្មខ្ពស់ជាមួយសហរដ្ឋអាម៉េរិក ហើយកំពុងប្រឈមមុខនឹងការកំណត់ពន្ធថ្មីពីរដ្ឋបាលរបស់លោកប្រធានាធិបតី ដូណាល់ ត្រាំ។

បើតាមការបង្ហើបឱ្យដឹងពីមន្ត្រីជាន់ខ្ពស់វៀតណាម លោក ស៊ី ជីនភីង ប្រធានាធិបតីចិន អាចមកបំពេញទស្សនកិច្ចនៅវៀតណាម ចន្លោះពីថ្ងៃទី១៤-១៨ ខែមេសា ហើយលោកត្រូវបានគេរំពឹងថា នឹងជួបពិភាក្សាការងារជាមួយមេដឹកនាំវៀតណាម នៅទីក្រុងហាណូយ។ តែមកដល់ពេលនេះ គ្មានប្រភពផ្លូវការណាមួយបញ្ជាក់ពីដំណើរទស្សនកិច្ចនេះ នៅឡើយទេ ដោយក្រសួងការបរទេសចិន និងវៀតណាមសុទ្ធតែមិនឆ្លើយតបពាក់ព័ន្ធបញ្ហានេះ។ ក្រៅពីវៀតណាម មេដឹកនាំចិន រូបនេះ ក៏គ្រោងនឹងមកបំពេញទស្សនកិច្ចនៅកម្ពុជា និងម៉ាឡេស៊ី ផងដែរ ដើម្បីពង្រឹង និងពង្រីកទំនាក់ទំនង និងឥន្ធិពលនៅតំបន់អាស៊ាន។

ដំណើរទស្សនកិច្ចរបស់លោក ស៊ី មកកាន់ប្រទេសវៀតណាម ធ្វើឡើងចំពេលប្រទេសក្បែរខាងកម្ពុជា មួយនេះ កំពុងមានព្រួយបារម្ភពីការដំឡើងពន្ធគយរបស់លោក ដូណាល់ ត្រាំ មកលើខ្លួន ស្របពេលវៀតណាមកំពុងស្ថិតក្នុងដំណើរការអនុម័តឱ្យប្រើប្រាស់យន្តហោះ COMAC របស់ចិន។

មុនដំណើរទស្សនកិច្ចរបស់មេដឹកនាំចិន មកដល់​ប្រទេសក្បែរខាងកម្ពុជា មួយនេះ ត្រូវបើកទ្វារទទួលស្វាគមន៍នាយករដ្ឋមន្ត្រីអេស្ប៉ាញ លោក ភេដ្រូ សាន់ឆេស (Pedro Sanchez) នៅថ្ងៃទី៩ ខែមេសា ឆ្នាំ២០២៥។ ក្រៅពីនោះ ប្រធានាធិបតីបារាំង លោក អេមានូអែល ម៉ាក្រុង (Emmanuel Macron) និងប្រធានគណៈកម្មការអឺរ៉ុប លោកស្រី យូស៊ូឡា វ័នឌឺឡេយេន (Ursula von der Leyen ) ក៏គ្រោងនឹងមកបំពេញទស្សនកិច្ចនៅទីក្រុងហាណូយ នៅសប្តាហ៍បន្ទាប់ផងដែរ។

ការិយាល័យតំណាងពាណិជ្ជកម្មអាម៉េរិក បានឲ្យដឹងថា កាលពីឆ្នាំ២០២៤ ទំនាក់ទំនងពាណិជ្ជកម្មវៀតណាម និងអាម៉េរិក មានតម្លៃជិត១៥០ពាន់លានដុល្លារ កើនឡើងជិត៣៣%។ ក្នុងនោះសហរដ្ឋអាម៉េរិក នាំចូលទំនិញពីវៀតណាម មានតម្លៃជិត១៣៧ពាន់លានដុល្លារ ដោយមានឱនភាពពាណិជ្ជកម្មជាមួយវៀតណាម ជាង១២៣ពាន់លានដុល្លារ កើនឡើង១៨%៕

ដោយៈ សរ សុជាតិ




អត្ថបទបន្ទាប់


អ្នកជំនាញអះអាងថា មានភ្ញៀវទេសចរបរទេសជាច្រើនបានចាកចេញពីថៃ ចូលមកកម្ពុជា ក្រោយប្រទេសនេះរងការរញ្ជួយដី

អ្នកជំនាញក្នុងវិស័យទេសចរណ៍ កត់សម្គាល់ឃើញថា ក្រោយថៃ ដែលជាអ្នកក្បែរខាងកម្ពុជា រងការរញ្ជួយដីធ្ងន់ធ្ងរ ដែលបណ្តាលឱ្យមានការបាក់រលំអគារ និងសម្លា…

ការវាយតម្លៃបឋមបានប៉ាន់ប្រមាណថា គ្រោះរញ្ជួយដីធ្វើឱ្យថៃ ខាតបង់សេដ្ឋកិច្ចជាង៨០០លានដុល្លារ

មកទល់ពេលនេះមិនទាន់មានការវាយតម្លៃផ្លូវការណាមួយលើទំហំនៃផលប៉ះពាល់មកលើសេដ្ឋកិច្ច ដែលបង្កឡើងដោយគ្រោះរញ្ជួយដីកម្រិត៧,៧រ៉ិចទ័រ នៅប្រទេសមីយ៉ា…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ