សំបកកង់រថយន្តកំពុងក្លាយជាផលិតផលសក្តានុពលមួយរបស់កម្ពុជា ដោយនៅ៩ខែឆ្នាំនេះការនាំចេញកើនឡើងជិត៦០%
ការនាំចេញសំបកកង់រថយន្តរបស់កម្ពុជា បានបង្ហាញសម្ទុះកើនឡើងជាបន្តបន្ទាប់នៅប៉ុន្មានឆ្នាំចុងក្រោយនេះ ជាក់ស្តែងនៅក្នុងរយៈពេល៩ខែឆ្នាំ២០២៥ កម្ពុជា…
កាសែត Financial Times បានចុះផ្សាយថា សហភាពអឺរ៉ុប កំពុងពិចារណាដាក់បម្រាមលើការប្រើប្រាស់អេតាណុល (Ethanol) ជាប្រភេទអាកុលខ្សោយ ដែលជាធាតុផ្សំទូទៅនៅក្នុងការផលិតទឹកអនាម័យលាងដៃ និងផលិតផលលាងសម្អាតផ្សេងៗទៀត ព្រោះវាអាចជាសារធាតុបង្កមហារីក។
របាយការណ៍ផ្ទៃក្នុងពីទីភ្នាក់ងារគីមីអឺរ៉ុប ចេញផ្សាយកាលពីថ្ងៃទី១០ ខែតុលា បានព្រមានថា អេតាណុលអាចបង្កើនហានិភ័យនៃជំងឺមហារីក និងផលវិបាកនៃការមានផ្ទៃពោះសម្រាប់ស្ត្រី ហើយបានណែនាំឱ្យរកអ្វីផ្សេងមកជំនួសអេតាណុលនៅក្នុងផលិតផលមួយចំនួន។
គណៈកម្មាធិការផលិតផលជីវៈគីមីនៃទីភ្នាក់ងារគីមីអឺរ៉ុប នឹងពិភាក្សាអំពីបញ្ហានេះចាប់ពីថ្ងៃទី២៥-២៨ ខែវិច្ឆិកា ចុងឆ្នាំ២០២៥ នេះ។ ប្រសិនបើក្រុមអ្នកជំនាញសម្រេចថា អេតាណុល ជាសារធាតុបង្កមហារីក ពួកគេអាចនឹងណែនាំឱ្យស្វែងរកសារធាតុជំនួស ប៉ុន្តែគណៈកម្មការអឺរ៉ុប នឹងជាអ្នកធ្វើការសម្រេចចិត្តចុងក្រោយ។
ទីភ្នាក់ងារគីមីអឺរ៉ុប បាននិយាយថា អេតាណុល នៅតែអាចអនុញ្ញាតឱ្យប្រើប្រាស់ ប្រសិនបើមានការបញ្ជាក់ថា វាស្ថិតក្នុងកម្រិតសុវត្ថិភាព។ ទោះជាយ៉ាងណា ពេលនេះមិនទាន់មានការសម្រេចជាចុងក្រោយនៅឡើយទេជុំវិញបញ្ហានេះ៕
ដោយ: តែម សុខុម
