ការឡើងថ្លៃនៃលុយអឺរ៉ូនេះទៀតសោត គឺនៅចំពេលដែល ធនាគារកណ្តាលអាមេរិកអាចនឹងបន្ថយ ឬផ្អាកការដំឡើងអត្រាការប្រាក់គោលរបស់ខ្លួនវិញ នៅពេលដែលអតិផរណាត្រូវបានមើលឃើញថា កំពុងមានទំនោរធ្លាក់ចុះមកវិញជាបណ្ដើរៗនោះ។
បើគិតពីអត្រាប្តូរប្រាក់ គឺលុយ១អឺរ៉ូ ស្មើនឹង ១,០៨៧ដុល្លារអាមេរិក ពោលគឺជិតដល់ចំណុចខ្ពស់បំផុត ១,០៨៨ដុល្លារ ក្នុងរយៈពេល៩ខែមកនេះ។ មិនតែប៉ុណ្ណោះ វាក៏ទំនងជាបំបែកកំណត់ត្រា ដែលបានកើតឡើងកាលពីខែមេសាឆ្នាំមុនទៀតផង ដែលពេលលុយ ១អឺរ៉ូ គឺស្មើនឹង ១,០៩ដុល្លារអាមេរិកនោះ។
ទន្ទឹមនឹងនេះ ធនាគារកណ្តាលអឺរ៉ុបហៅកាត់ថា ECB គ្រោងនឹងដំឡើងអត្រាការប្រាក់គោលត្រឹម ០,៥%នៅក្នុងខែកុម្ភៈ និងខែមីនាខាងមុខនេះ។ យ៉ាងណាមិញ ធនាគារនេះនឹងមិនដំឡើង នៅក្នុងខែឧសភានិងមិថុនាថែមទៀតឡើយ។ នេះបើតាមការថ្លែងរបស់លោក ខ្លាស់ ណុត(Klass Knot) សមាជិកក្រុមប្រឹក្សាភិបាលនៃធនាគារកណ្តាលអឺរ៉ុប។
គួរកត់សម្គាល់ថា នៅក្នុងខែមករានេះ មានការស្រាវជ្រាវមួយ ដែលត្រូវបានរំពឹងថា ការផលិតនៅក្នុងតំបន់អឺរ៉ុប នឹងកាន់តែប្រសើរឡើងជាងនៅសហរដ្ឋអាមេរិក ដោយមួយផ្នែកបានមកពីការធ្លាក់ចុះនៃតម្លៃថាមពល។ ធ្លាក់ចុះនៃតម្លៃថាមពលនៅអឺរ៉ុប ក៏ដោយសារស្តុកថាមពលមាននៅសល់ច្រើន ដោយសារតម្រូវការមានតិច បណ្តាលមកពីអាកាសធាតុមិនសូវត្រជាក់ខ្លាំងនារដូវរងាឆ្នាំនេះ។
បើតាមលោក រ៉េ អាទ្រីល(Ray Attrill) ប្រធានផ្នែកយុទ្ធសាស្រ្តនៅធនាគារជាតិអូស្ត្រាលី បាននិយាយថា សហរដ្ឋអាមេរិកបានបាត់បង់នូវតំណែងជាអ្នកនាំមុខគេនូវកំណើនសេដ្ឋកិច្ចសាកលហើយនាពេលនេះ។ ជាក់ស្តែង តម្លៃឧស្ម័នបានចាប់ផ្តើមធ្លាក់ចុះត្រឹម ៦០% ចាប់តាំងពីដើមខែធ្នូឆ្នាំ២០២២មក ដែលបានជួយកាត់បន្ថយផលប៉ះពាល់យ៉ាងខ្លាំង មកលើតំបន់អឺរ៉ុប ខណៈនៅអឺរ៉ុប ទាំងតម្លៃថាមពល និងទាំងអតិផរណាមិនទាន់ស្រុតចុះគួរឱ្យកត់សម្គាល់នោះទេ។
ប៉ុន្តែលោកជឿថានៅប៉ុន្មានខែខាងមុខ អតិផរណាអាមេរិក នឹងធ្លាក់ចុះហើយទំនងជាមានល្បឿនលឿនជាងការព្យាកររបស់ធនាគារកណ្តាលអាមេរិកផង។ ក្រោមសេណារីយ៉ូនេះ លុយដុល្លារអាមេរិក ក៏នឹងកាន់តែធ្លាក់ចុះខ្លាំងនៅឆ្នាំ២០២៣នេះផងដែរ។
អ្នកជំនាញសេដ្ឋកិច្ចរូបនេះបានមើលឃើញថា លុយអឺរ៉ូ នឹងឡើងថ្លៃកាន់តែខ្ពស់ធៀបនឹងលុយដុល្លារអាមេរិក ពោលគឺ ១អឺរ៉ូ នឹងអាចស្មើ ១,១ដុល្លារអាមេរិក នៅត្រឹមខែមីនាខាងមុខ ហើយអាចឈានដល់កម្រិតខ្ពស់មែនទែនគឺ១អឺរ៉ូ អាចស្មើនឹង ១,១៧ដុល្លារអាមេរិក នៅត្រឹមចុងឆ្នាំ២០២៣នេះ៕
ការឡើងថ្លៃនៃលុយអឺរ៉ូនេះទៀតសោត គឺនៅចំពេលដែល ធនាគារកណ្តាលអាមេរិកអាចនឹងបន្ថយ ឬផ្អាកការដំឡើងអត្រាការប្រាក់គោលរបស់ខ្លួនវិញ នៅពេលដែលអតិផរណាត្រូវបានមើលឃើញថា កំពុងមានទំនោរធ្លាក់ចុះមកវិញជាបណ្ដើរៗនោះ។
បើគិតពីអត្រាប្តូរប្រាក់ គឺលុយ១អឺរ៉ូ ស្មើនឹង ១,០៨៧ដុល្លារអាមេរិក ពោលគឺជិតដល់ចំណុចខ្ពស់បំផុត ១,០៨៨ដុល្លារ ក្នុងរយៈពេល៩ខែមកនេះ។ មិនតែប៉ុណ្ណោះ វាក៏ទំនងជាបំបែកកំណត់ត្រា ដែលបានកើតឡើងកាលពីខែមេសាឆ្នាំមុនទៀតផង ដែលពេលលុយ ១អឺរ៉ូ គឺស្មើនឹង ១,០៩ដុល្លារអាមេរិកនោះ។
អត្ថបទគួរអាន
ទន្ទឹមនឹងនេះ ធនាគារកណ្តាលអឺរ៉ុបហៅកាត់ថា ECB គ្រោងនឹងដំឡើងអត្រាការប្រាក់គោលត្រឹម ០,៥%នៅក្នុងខែកុម្ភៈ និងខែមីនាខាងមុខនេះ។ យ៉ាងណាមិញ ធនាគារនេះនឹងមិនដំឡើង នៅក្នុងខែឧសភានិងមិថុនាថែមទៀតឡើយ។ នេះបើតាមការថ្លែងរបស់លោក ខ្លាស់ ណុត(Klass Knot) សមាជិកក្រុមប្រឹក្សាភិបាលនៃធនាគារកណ្តាលអឺរ៉ុប។
គួរកត់សម្គាល់ថា នៅក្នុងខែមករានេះ មានការស្រាវជ្រាវមួយ ដែលត្រូវបានរំពឹងថា ការផលិតនៅក្នុងតំបន់អឺរ៉ុប នឹងកាន់តែប្រសើរឡើងជាងនៅសហរដ្ឋអាមេរិក ដោយមួយផ្នែកបានមកពីការធ្លាក់ចុះនៃតម្លៃថាមពល។ ធ្លាក់ចុះនៃតម្លៃថាមពលនៅអឺរ៉ុប ក៏ដោយសារស្តុកថាមពលមាននៅសល់ច្រើន ដោយសារតម្រូវការមានតិច បណ្តាលមកពីអាកាសធាតុមិនសូវត្រជាក់ខ្លាំងនារដូវរងាឆ្នាំនេះ។
បើតាមលោក រ៉េ អាទ្រីល(Ray Attrill) ប្រធានផ្នែកយុទ្ធសាស្រ្តនៅធនាគារជាតិអូស្ត្រាលី បាននិយាយថា សហរដ្ឋអាមេរិកបានបាត់បង់នូវតំណែងជាអ្នកនាំមុខគេនូវកំណើនសេដ្ឋកិច្ចសាកលហើយនាពេលនេះ។ ជាក់ស្តែង តម្លៃឧស្ម័នបានចាប់ផ្តើមធ្លាក់ចុះត្រឹម ៦០% ចាប់តាំងពីដើមខែធ្នូឆ្នាំ២០២២មក ដែលបានជួយកាត់បន្ថយផលប៉ះពាល់យ៉ាងខ្លាំង មកលើតំបន់អឺរ៉ុប ខណៈនៅអឺរ៉ុប ទាំងតម្លៃថាមពល និងទាំងអតិផរណាមិនទាន់ស្រុតចុះគួរឱ្យកត់សម្គាល់នោះទេ។
ប៉ុន្តែលោកជឿថានៅប៉ុន្មានខែខាងមុខ អតិផរណាអាមេរិក នឹងធ្លាក់ចុះហើយទំនងជាមានល្បឿនលឿនជាងការព្យាកររបស់ធនាគារកណ្តាលអាមេរិកផង។ ក្រោមសេណារីយ៉ូនេះ លុយដុល្លារអាមេរិក ក៏នឹងកាន់តែធ្លាក់ចុះខ្លាំងនៅឆ្នាំ២០២៣នេះផងដែរ។
អ្នកជំនាញសេដ្ឋកិច្ចរូបនេះបានមើលឃើញថា លុយអឺរ៉ូ នឹងឡើងថ្លៃកាន់តែខ្ពស់ធៀបនឹងលុយដុល្លារអាមេរិក ពោលគឺ ១អឺរ៉ូ នឹងអាចស្មើ ១,១ដុល្លារអាមេរិក នៅត្រឹមខែមីនាខាងមុខ ហើយអាចឈានដល់កម្រិតខ្ពស់មែនទែនគឺ១អឺរ៉ូ អាចស្មើនឹង ១,១៧ដុល្លារអាមេរិក នៅត្រឹមចុងឆ្នាំ២០២៣នេះ៕
អត្ថបទ ៖ នៅ សំភី
