មោទកភាពក្នុងនាមជាសហគ្រិនខ្មែរ ដែលបានផលិត និងនាំចេញផលិតផល Made in Cambodia ទៅកាន់ទីផ្សារអន្តរជាតិជាបន្តបន្ទាប់
ជាជោគជ័យ មួយជំហានមួយទៀតហើយ របស់ក្រុមហ៊ុន ខ្មែរ ប៊ែរវើរីជីស ក្នុងការនាំយក ម៉ាកយីហោផលិតផលរបស់ខ្មែរ «Made in Cambodia» ទៅកាន់ទីផ្សារ…
អ្នកយកព័ត៌មានរបស់ខេមបូណូមីស បានជួបសម្ភាសន៍ លោក ហុង ជៀប នាយកសេវាហិរញ្ញវត្ថុពាណិជ្ជកម្ម នៃធនាគារ CIMB ដើម្បីឲ្យលោកពន្យល់លម្អិតជុំវិញ ការត្រៀមរៀបចំខ្លួនរបស់ម្ចាស់អាជីវកម្ម ដើម្បីស្វែងរកប្រាក់កម្ចីពីធនាគារ សម្រាប់ប្រើប្រាស់ក្នុងការចាប់ផ្ដើម ឬពង្រីកអាជីវកម្ម។
ខេមបូណូមីស៖ បញ្ហាខ្វះទុន គឺជាបញ្ហាប្រឈមធំមួយ ក្នុងចំណោមបញ្ហាប្រឈមផ្សេងៗទៀតដែលម្ចាស់អាជីវកម្មខ្នាតតូច និងមធ្យមតែងតែជួបប្រទះ។ តើលោកយល់ថាកត្តាអ្វីខ្លះ ដែលធ្វើឲ្យម្ចាស់អាជីវកម្មមួយចំនួនពិបាកក្នុងការស្វែងរកប្រភពទុន? ហើយម្ចាស់អាជីវកម្ម ត្រូវធ្វើដូចម្តេចដើម្បីបានប្រភពទុន?
លោក ហុង ជៀប៖ ជាការពិតណាស់ សហគ្រាសភាគច្រើនតែងជួបបញ្ហាកង្វះទុន ហើយការខ្វាតខាតដើមទុន នៃអាជីវកម្មវាមានទៅតាមដំណាក់កាលផ្សេងៗគ្នាដូចជា ពេលចាប់ផ្ដើមអាជីវកម្ម និងពេលពង្រីកខ្លួនឲ្យកាន់តែធំ។ ប្រសិនបើមិនមែនដើមទុនទេ ច្បាស់ណាស់ម្ចាស់អាជីវកម្មមិនអាចធ្វើឲ្យអាជីវកម្មរបស់ខ្លួន អាចរីកចម្រើនបានឡើយ។ ចំពោះប្រភពដើមទុន ដែលអាចរកមកបាន គឺទីមួយ គឺម្ចាស់អាជីវកម្មខ្លួនឯងអាចប្រមែរប្រមូលសាច់ប្រាក់របស់ខ្លួន ដែលមានដាក់ធ្វើជាដើមទុនសម្រាប់អាជីវកម្ម និងទី២ គឺខ្ចីពីប្រភពខាងក្រៅ ហើយក្នុងនោះ ធនាគារ គឺជាជម្រើសដៃគូដ៏ល្អមួយ សម្រាប់ម្ចាស់អាជីវកម្ម ។
ខេមបូណូមីស៖ តើអាជីវកម្មមានលក្ខណៈពិសេសបែបណា ទើបអាចមានលទ្ធភាពខ្ពស់ទទួលបានដើមទុនកម្ចីពីធនាគារ?
លោក ហុង ជៀប៖ បើទោះបីជាធនាគារ ជាប្រភពហិរញ្ញវត្ថុដ៏ល្អសម្រាប់សហគ្រាសខ្នាតតូច និងមធ្យមក៏ដោយចុះ ប៉ុន្ដែមិនមែនមានន័យថា គ្រប់ម្ចាស់អាជីវកម្មសុទ្ធតែអាចទទួលបានកម្ចីពីធនាគារនោះទេ។ អាជីវកម្មដែលអាចមានលទ្ធភាពខ្ពស់ទទួលបានកម្ចីពីធនាគារ ចាំបាច់ត្រូវមានការចុះបញ្ជីស្នាមត្រឹមត្រូវតាមផ្លូវច្បាប់, មានរបាយការណ៍ចំណូលចំណាយ ឬផែនការអាជីវកម្មច្បាស់លាស់ និងមានទ្រព្យបញ្ចាំជាដើម។ ឯកសារទាំងអស់នេះ គឺពិតជាមានសារសំខាន់ណាស់សម្រាប់ធនាគារ ដើម្បីសិក្សាមើលថា តើអាជីវកម្មនោះ អាចទទួលបានកម្ចី ឬក៏អត់ ឬអាចខ្ចីបានក្នុងទំហំទឹកប្រាក់ប៉ុន្មាន?
ខេមបូណូមីស៖ តើនៅធនាគារ CIMB ផ្ទាល់ អាចផ្ដល់កម្ចីដល់ម្ចាស់អាជីវកម្មក្នុងទំហំធំបំផុតប៉ុន្មាន? ហើយធនាគារមានការផ្ដល់ជូនលក្ខខណ្ឌពិសេសអ្វីខ្លះ?
លោក ហុង ជៀប៖ ជាទូទៅគ្រឹះស្ថានធនាគារ រួមទាំងធនាគារ CIMB គឺបានចូលរួមយ៉ាងសកម្មជាមួយរាជរដ្ឋាភិបាលនៅក្នុងការផ្ដល់កម្ចីទៅកាន់សហគ្រាសខ្នាតតូច និងមធ្យម ដ្បិតវិស័យនេះ គឺជាឆ្អឹងខ្នងដ៏សំខាន់សម្រាប់សេដ្ឋកិច្ចជាតិ។ នៅធនាគារ CIMB ការផ្ដល់កម្ចី គឺមានភាពបន់បែន ដោយម្ចាស់អាជីវកម្មអាចខ្ចីបានក្នុងទំហំទឹកប្រាក់ធំរហូតដល់ ៥០ម៉ឺនដុល្លារ ឬអាចលើសនេះ ទៅតាមភាពជាក់ស្ដែងនៃលក្ខណៈសម្បត្តិរបស់អាជីវកម្មនោះ។ ក្រៅតែពីអាចខ្ចីបានក្នុងទំហំទឹកប្រាក់ធំរហូតដល់ ៨០% នៃទ្រព្យបញ្ចាំហើយនោះ ការទូទាត់សងត្រឡប់ប្រាក់កម្ចីនៅធនាគារ CIMB ដូចជា ការសងប្រចាំខែ ឬត្រីមាស គឺមានទំហំតូច ដែលអាចជួយសម្រួលបន្ទុកហិរញ្ញវត្ថុសម្រាប់ម្ចាស់អាជីវកម្មផងដែរ។ មិនត្រឹមតែប៉ុណ្ណោះ នៅ ធនាគារ CIMB ដូចខ្ញុំបញ្ជាក់មុននេះ គឺយើងមានភាពបន់បែនសម្រាប់អតិថិជន ដូច្នេះ សូម្បីតែ ម្ចាស់អាជីវកម្ម ដែលមិនមានទ្រព្យបញ្ចាំ ក៏នៅតែអាចដាក់ពាក្យស្នើសុំកម្ចីពីធនាគារ CIMB បានដែរ ប្រសិនបើអាជីវកម្មនោះ មានលទ្ធភាពសងត្រឡប់ល្អ និងមានប្រវត្តិសងប្រាក់កម្ចីល្អ ហើយស្ថិតនៅក្នុងវិស័យ ដែលរាជរដ្ឋាភិបាលមានការលើកទឹកចិត្ត ពិសេសមានការធានាពីសាជីវកម្ម ធានាឥណទានកម្ពុជា (CGCC)។
សូមបញ្ជាក់ថា ធនាគារ CIMB គឺជាធនាគារថ្នាក់តំបន់មួយ ដែលបានឈានជើងចូលទីផ្សារកម្ពុជាជាង១ទសវត្សរ៍មកហើយ។ បច្ចុប្បន្ន ធនាគារមានសាខាចំនួន ១៤កន្លែង នៅក្នុងរាជធានី/ខេត្តសំខាន់ៗចំនួន ៥ រួមមាន រាជធានីភ្នំពេញ ខេត្តសៀមរាប, ព្រះសីហនុ, កំពង់ចាម, និងបាត់ដំបង។ ជាមួយនឹងអតិថិជនទាំងបុគ្គលសរុបប្រមាណ ៣,៥ ម៉ឺននាក់ ធនាគារ ស៊ីអាយអិមប៊ី មានផ្តល់ជូនសេវាកម្ម និងផលិតផលធនាគារដ៏ទូលំទូលាយ រួមមានសេវាកម្មហិរញ្ញវត្ថុបុគ្គល សេវាកម្មហិរញ្ញពាណិជ្ជកម្ម ព្រមទាំងសេវាកម្មហិរញ្ញវត្ថុសាជីវកម្ម សេវាប្រតិបត្តិការ និងគ្រឹះស្ថានហិរញ្ញវត្ថុផងដែរ។
តាមទិន្នន័យពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បង្ហាញថា គិតត្រឹមឆ្នាំ២០២៣ ស្ថិតិសហគ្រាសខ្នាតតូច និងមធ្យម និងសិប្បកម្ម មានចំនួនសរុបជិត ៤,៥ ម៉ឺនមូលដ្ឋាន និងមានពលកម្មសរុបជាង ៤៦ម៉ឺននាក់។ ទោះយ៉ាងណា នៅមានសហគ្រាសខ្នាតូច និងមធ្យមជាច្រើនទៀត នៅមិនទាន់បានចុះបញ្ជីត្រឹមត្រូវនោះឡើយ ហើយរាជរដ្ឋាភិបាលនាពេលកន្លងមកក៏បានអំពាវនាវឲ្យម្ចាស់សហគ្រាសទាំងនោះ មកចុះបញ្ចីឲ្យបានត្រឹមត្រូវតាមច្បាប់ ដើម្បីអាចទទួលបានការលើកទឹកចិត្តផ្សេងៗពីរដ្ឋ៕
ទស្សនាវីដេអូ៖
None
