រោងចក្រកែច្នៃគ្រាប់ស្វាយចន្ទីដ៏ធំបំផុតរបស់កម្ពុជា គ្រោងដាក់ឱ្យដំណើរការចុងឆ្នាំនេះ ឬដើមឆ្នាំក្រោយ
រោងចក្រកែច្នៃគ្រាប់ស្វាយចន្ទីដ៏ធំបំផុតនៅកម្ពុជា របស់ក្រុមហ៊ុនសិង្ហបុរី CSNC គ្រោងបញ្ចប់ការសាងសង់ និងដាក់ឱ្យដំណើរនៅចុងឆ្នាំ២០២៤ ឬដើមឆ្នាំ២…
តើវិនិយោគិនចិនចង់ឲ្យនរណាឈ្នះការបោះឆ្នោតជ្រើសរើសប្រធានាធិបតីអាម៉េរិក នៅខែវិច្ឆិកា ខាងមុខ?
តាមរយៈការស្ទង់មតិមួយដែលធ្វើឡើងដោយសារព័ត៌មានធំៗបានឲ្យដឹងថា វិនិយោគិនចិន ភាគច្រើនមិនចង់ឲ្យលោក ដូណាល់ ត្រាំ វិលមកកាន់សេតវិមានវិញនោះឡើយ ដ្បិតវាអាចធ្វើឱ្យពួកគេកាន់តែពិបាករកស៊ីជាមួយទីផ្សារអាម៉េរិក។ ជាក់ស្តែងនៅក្នុងអំឡុងពេលលោក ដូណាល់ ត្រាំ កាន់កាប់សេតវិមាន ធុរជនចិន បានប្រឈមមុខនឹងសម្ពាធពន្ធពី៧,៥%ទៅ២៥% ហើយកាលពីពេលថ្មីនេះ លោកត្រាំ បានបន្តគំរាមដាក់ពន្ធលើទំនិញចិនរហូតដល់ទៅ៦០% បើលោកវិលមកកាន់កាប់សេតវិមានជាថ្មី។
ពាក់ព័ន្ធនឹងបញ្ហានេះលោក ម៉ាយ សាហ្គាន (Mike Sagan) ប្រធានក្រុមហ៊ុនផលិតផលិតផលក្មេងលេងរបស់ចិនមួយបាននិយាយថា ប្រសិនបើលោក ត្រាំ ឈ្នះការបោះឆ្នោតប្រធានាធិបតីអាម៉េរិក នៅខែក្រោយ ក្រុមហ៊ុនផលិតឧបករណ៍ក្មេងលេងរបស់លោក អាចនឹងកាត់បន្ថយខ្សែសង្វាក់ផលិតកម្មនៅប្រទេសចិន ពាក់កណ្តាល។
លោកបានអះអាងថា ក្រុមហ៊ុនរបស់លោកបានផ្លាស់ប្តូរទីតាំង នៃផលិតកម្មរបស់ខ្លួនចេញពីប្រទេសចិនទៅកាន់ប្រទេសវៀតណាម ឥណ្ឌា និងកន្លែងផ្សេងទៀតរួចហើយ បន្ទាប់ពីលោក ត្រាំ បានបង្កើនការយកពន្ធពី៧,៥% ទៅ២៥% កាលពីឆ្នាំ២០១៨ កន្លងទៅ ហើយពេលនេះលោក ត្រាំ បានគំរាមដាក់ដំឡើងពន្ធរហូតដល់៦០%។
នេះគ្រាន់តែជាការបង្ហាញការព្រួយបារម្ភរបស់ធុរជនចិនប៉ុណ្ណោះ តែបើយើងមើលទៅលើភាពជាក់ស្តែងផលិតផលឧស្សាហកម្មចិន បានបន្តនាំចូលទៅកាន់សហរដ្ឋអាម៉េរិក មានតម្លៃរហូតដល់ជាង៤០០ពាន់លានដុល្លារ ខណៈអាម៉េរិកកំពុងបញ្ជាទិញទំនិញពីប្រភពផ្សេងៗរាប់រយពាន់លានដុល្លារបន្ថែមទៀត។
តាមការស្ទាបស្ទង់មួយ ដែលគេបានធ្វើជាមួយនឹងធុរជនចិន ចំនួន២៧នាក់ មាន១២នាក់ បាននិយាយថា ពួកគេនឹងពន្លឿនការផ្លាស់ប្តូរទីតាំងផលិតកម្ម ប្រសិនបើលោក ត្រាំ ឈ្នះការបោះឆ្នោត ខណៈ១១នាក់ផ្សេងទៀតមិនទាន់មានផែនការជាក់លាក់នៅឡើយទេ ប៉ុន្តែគ្រប់គ្នាសុទ្ធតែបានសម្តែងការព្រួយបារម្ភថា ពួកគេអាចនឹងបាត់បង់សិទ្ធិចូលទៅកាន់ទីផ្សារសហរដ្ឋអាម៉េរិក៕
ដោយៈ សរ សុជាតិ
