អាម៉េរិកកំពុងត្រួតពិនិត្យជនបរទេសកាន់ទិដ្ឋាការអាម៉េរិកទាំង៥៥លាននាក់ឡើងវិញ
ក្រសួងការបរទេសសហរដ្ឋអាម៉េរិក កំពុងពិនិត្យកំណត់ហេតុជនបរទេសជាង៥៥លាននាក់ដែលកំពុងកាន់ទិដ្ឋាការអាម៉េរិកនៅមានសុពលភាពឡើងវិញ ដើម្បីដកហូត …
បើយោងតាមឯកសារ ដែលបានបែកធ្លាយ អង្គការសុខភាពពិភពលោកនឹងរើការិយាល័យសង្គ្រោះបន្ទាន់ផ្នែកសុខភាពនៅទីក្រុងហ្សឺណែវ ប្រទេសស្វីស ទៅទីក្រុងប៊ែរឡាំង ប្រទេសអាល្លឺម៉ង់ រីឯការិយាល័យប្រតិបត្តិការ និងភស្តុភាររើទៅកាន់ទីក្រុងឌូបៃ ចំណែកការិយាល័យកម្លាំងពលកម្ម និងផ្នែកថែទាំសុខភាព រើទៅកាន់ទីក្រុងលីយ៉ុង ប្រទេសបារាំង ខណៈក្រុមការងារឱសថបុរាណរើទៅកាន់ទីក្រុងជេមណាហ្គា (Jamnagar) ប្រទេសឥណ្ឌា។
អង្គការសុខភាពពិភពលោកបានអះអាងថា ការរើការិយាល័យនេះអាចជួយឲ្យខ្លួនសន្សំថវិកាបានជាង៣លានដុល្លារក្នុង១ឆ្នាំ ដែលជាផ្នែកមួយនៃកិច្ចខិតខំប្រឹងប្រែងរបស់ខ្លួនក្នុងការកាត់បន្ថយការចំណាយឱ្យបាន២១%លើកញ្ចប់ថវិការសម្រាប់ឆ្នាំ២០២៦ ដល់ឆ្នាំ២០២៧ បន្ទាប់ពីសហរដ្ឋអាម៉េរិកដកខ្លួន។ តាមផែនការនៅក្នុងរយៈពេលអង្គការនេះគ្រោងចំណាយថវិកាត្រឹមតែ៤,២ពាន់លានដុល្លារតែប៉ុណ្ណោះ។ ដើម្បីទ្រទ្រង់សកម្មភាព និងប្រតិបត្តិការរបស់ខ្លួន អង្គការសុខភាពពិភពលោក នឹងលុបចោលកម្មវិធីមួយចំនួនដូចជាសុខភាពផ្លូវភេទ និងសុខភាពបន្តពូជ អនាម័យ និងសុខភាពមនុស្សវ័យជំទង់ជាដើម។
ក្រៅពីរើការិយាល័យធ្វើការ និងលុបចោលកម្មវិធីមួយចំនួន អង្គការនេះនឹងសម្រេចឈប់បន្តកុងត្រាការងារដល់បុគ្គលិកចំនួន៤០៩នាក់នៅខែមករា ឆ្នាំ២០២៦ ហើយរំពឹងថា នឹងមានការកាត់បន្ថយបុគ្គលិកនៅទីក្រុងហ្សឺណែវចំនួន៦00នាក់បន្ថែមទៀតផងដែរ។ តែយ៉ាងណាអង្គការនេះបដិសេធសុំមិនបកស្រាយលម្អិតជុំវិញបញ្ហានេះនោះទេ៕
ដោយៈ សរ សុជាតិ
