Popular

អ្នកជំនាញនៅក្នុងវិស័យមូលបត្រកម្ពុជាបានឲ្យដឹងថា ឥទ្ធិពលការរីករាលដាលនៃជំងឺរលាកផ្លូវដង្ហើម កូរ៉ូណា ពិតណាស់វានឹងមានឥទ្ធិពលអវិជ្ជមានតិច​ឬច្រើនមកលើទីផ្សារភាគហ៊ុននៅកម្ពុជាក៏ប៉ុន្តែការជះឥទ្ធិពលក្នុងកម្រិតបែបណានោះគឺអាស្រ័យលើទំហំនៃវិបត្តិនោះតែប៉ុណ្ណោះ។ ឯកឧត្តម ស៊ូ សុជាតិ អគ្គនាយក នៃ គណៈកម្មការមូលបត្រកម្ពុជាទទួលស្គាល់ថា ឥទ្ធិពលជាសកលបែបនេះគឺកើនឡើងប្រាកដណាស់ថានឹងមានការបន្ថែមទម្ងន់បញ្ហា តិចឬច្រើន មកលើទីផ្សារភាគហ៊ុននៅកម្ពុជា ហើយយ៉ាងហោចណាស់ក៏វាជះឥទ្ធិពលមកលើភាពមមាញឹកលើទីផ្សារភាគហ៊ុនដែរ។