#ចិន-ជប៉ុន

ស្របពេលពិភពលោកស្ថិតក្នុងភាពមិនច្បាស់លាស់ និងមានការប្រជែងឥទ្ធិពលគ្នាកាន់តែខ្លាំងទាំងផ្នែកភូមិសាស្ត្រនយោបាយ សេដ្ឋកិច្ច និងយោធានោះ បានធ្វើឲ្យប្រទេសជប៉ុនដែលធ្លាប់តែស្ងប់ស្ងាត់លើការអភិវឌ្ឍវិស័យការពារជាតិ បានងាកមកពង្រឹង និងពង្រីកសមត្ថភាពយោធាកាន់តែខ្លាំងក្លាជាមុន។ ជាក់ស្ដែង នាយករដ្ឋមន្ត្រីជប៉ុនលោក ហ្វូមីអូ គីស៊ីដា (Fumio Kishida) បានថ្លែងប្រាប់គណៈរដ្ឋមន្ត្រីរបស់លោកឱ្យបង្កើនថវិកាការពារជាតិរបស់ប្រទេសជប៉ុនដល់ប្រហែល ២% នៃផលិតផលក្នុងស្រុកសរុប ចាប់ពីឆ្នាំ២០២៧។ នេះបើតាមការចុះផ្សាយដោយសារព័ត៌មានជប៉ុនធំៗជាច្រើន។