#CSX

ក្រោយពីទើបទទួលបានការបើកភ្លើងខៀវពីសំណាក់គណៈកម្មការមូលបត្រកម្ពុជា ជានិយ័តកររួចមក ថ្មីៗនេះ ធនាគារអេស៊ីលីដា ដែលជាធនាគារពាណិជ្ជធំជាងគេមួយនៅកម្ពុជា បានប្រកាសគម្រោងបោះផ្សាយលក់ភាគហ៊ុនថ្មីចំនួន ៨,៧ លានហ៊ុន គួបផ្សំនឹងភាគហ៊ុនដែលមានស្រាប់ជាង ១៣លានហ៊ុន ខណៈតម្លៃភាគហ៊ុន អាចនឹងមានតម្លៃចន្លោះពី ១៥.០០០ រៀល ដល់ ១៧.៤០០រៀល ក្នុងមួយភាគហ៊ុន។ ក្នុងនោះ នាក្នុងដំណាក់កាលប៊ុ​ក​បៀ​ល​ឌី​ង វិនិយោគិន​ អាចទិញភាគហ៊ុនធនាគារអេស៊ីលីដាទៅបាន តម្រូវឲ្យទិញ ចាប់ពី ១០០ ហ៊ុនឡើងទៅ និងមិនទាន់បានកំណត់ពីចំនួនអតិបរមានោះទេ។