#ធនធានរ៉ែ

សហរដ្ឋអាម៉េរិក ដែលជាមហាអំណាចទី១ របស់ពិភពលោកទាំងផ្នែកសេដ្ឋកិច្ច និងយោធាកំពុងប្រឈមការខ្វះខាតយ៉ាងធ្ងន់ធ្ងរនូវរ៉ែលោហៈដ៏កម្រមួយប្រភេទមានឈ្មោះថា ថាំងស្ទេន (Tungsten) ខណៈមហាយក្សចិន ដែលជាមហាអំណាចសេដ្ឋកិច្ចទី២ កាន់កាប់រហូតដល់ទៅ៨០%នៃខ្សែច្រវាក់ផ្គត់ផ្គង់រ៉ែលោហៈនេះ។ រ៉ែលោហៈដ៏កម្រ ថាំងស្ទេន មានសភាពរឹងខ្លាំងស្ទើរតែដូចត្បូងពេជ្រ និងមានដង់ស៊ីតេថាមពលខ្ពស់ ហើយវាជាធាតុផ្សំដ៏សំខាន់មួយ ដែលគេប្រើសម្រាប់ផលិតអាវុធ រថយន្ត អាគុយរថយន្តអគ្គិសនី និងបន្ទះឈីបជាដើម។ នេះបើយោងតាមការចុះផ្សាយរបស់សារព័ត៌មាន CNBC។