#ទីផ្សារមាស

ហាងឆេងមាសនៅលើទីផ្សារបានហក់ឡើងថ្លៃជាថ្មីនៅដើមខែមេសា ឆ្នាំ២០២៤ នេះ ពោលគឺបច្ចុប្បន្នមាសមួយតម្លឹងលក់ចេញក្នុងតម្លៃជាង២ពាន់៨រយដុល្លារ។ ការហក់ឡើងខ្ពស់នៃហាងឆេងមាសនៅលើទីផ្សារនេះ ត្រូវបានអ្នកជំនាញអះអាងថា វាបានកើតឡើងដោយសារតែការប្រែប្រួលស្ថានភាពភូមិសាស្រ្តនយោបាយរបស់ពិភពលោក។ ទន្ទឹមនេះ អ្នកជំនាញក្នុងទីផ្សារជួញដូរមាសនៅកម្ពុជា ព្យាករថា ហាងឆេងមាសនៅកម្ពុជា ក៏ដូចជាលើទីផ្សារអន្តរជាតិ នឹងបន្តឡើងថ្លៃបន្តទៀត ប្រសិនបើកើតមានភាពតានតឹងរវាងរុស្ស៊ី-អ៊ុយក្រែន និងជម្លោះរវាងអ៊ីស្រាអែល និងអ៊ីរ៉ង់។