#ទំនាក់ទំនង

ប្រធានាធិបតីឥណ្ឌូណេស៊ីលោក Joko Widodo បានជួបជាមួយរដ្ឋមន្ត្រីការបរទេសថ្មីរបស់ចិនលោក Qin Gang ក្នុងទីក្រុង Jakarta កាលពីថ្ងៃពុធទី២២កុម្ភៈ ដោយឥណ្ឌូនេស៊ីបានបង្ហាញពីជំហរចង់បង្កើនទំនាក់ទំនងសេដ្ឋកិច្ចកាន់តែរឹងមាំជាមួយប្រទេសចិន ដែលជាដៃគូវិនិយោគបរទេសដ៏ធំបំផុតរបស់ខ្លួន។ ក្រៅពីនេះលោកចូកូ ក៏បានស្វែងរកការគាំទ្ររបស់ចិន សម្រាប់គម្រោងអភិវឌ្ឍរដ្ឋធានីថ្មី Nusantara ដែលពោរពេញដោយមហិច្ឆតារបស់ខ្លួនផងដែរ។ នេះបើតាមការចុះផ្សាយដោយសារព័ត៌មានជប៉ុន Nikkei។